Meddy yazanye n’umukunzi we i Kigali kumwereka ababyeyi[AMAFOTO]

Imyidagaduro   Yanditswe na: Martin Munezero 24 December 2018 Yasuwe: 4466

Meddy ari kumwe n’umukunzi we ukomoka muri Ethiopia bageze i Kigali kuri uyu wa Mbere tariki ya 24 Ukuboza.

kigera ku kibuga cy’indege i Kanombe, Meddy yabwiye itangazamakuru ko impamvu yazanye n’umukunzi we Mimi Mehfira mu Rwanda ari ukugirango amwereke ababyeyi n’inshuti ariko ko iby’ubukwe batari babipanga.

Usibye kwereka inshuti n’imiryango umukunzi we, Meddy aje mu Rwanda kwitegura igitaramo cya East African Party kizaba ku wa 1 Mutarama 2019.

Guhera saa cyenda abantu bisukiranyije ku kibuga cy’indege biganjemo itangazamakuru, abo mu muryango wa Meddy n’abandi bari bafite indabo.

Wabonaga bafite amatsiko yo kongera kubona uyu musore uheruka i Kigali mu mwaka ushize n’ibiganiro bagiranaga mu matsinda bitewe n’uko baziranye ni we byibandagaho. Bamwe bati ubu se koko ntazajya i Burundi, abandi bati wasanga azanye n’umukunzi we.

Urukundo rwa Meddy na Mimi Mehfira rwatangiye kwitamurura mu mpera z’umwaka ushize. Mu ntangiro z’uyu mwaka nabwo bizihizanyije iminsi mikuru ya Noheri n’ubunani.

Byaje gusakara kandi ubwo bombi bajyaga mu biruhuko muri Mexique bihumira ku mirari ku wa 7 Kanama 2018, ubwo uyu mukobwa yifurizaga Meddy isabukuru akavuga ko yamwihebeye.

Icyo gihe uyu mukobwa yashyize kuri Instagram ifoto ari kumwe na Meddy, ayiherekeza amagambo y’Ikinyarwanda abwira mugenzi we ati “Mutima wanjye, ndagukunda”, arangije ashyiraho utumenyetso tw’umutima.

Mu minsi mike ubwo Mimi yizihizaga isabukuru, Meddy yavuye muri Tanzania ajya muri Amerika kwizihiza isabukuru y’umukunzi we.

Mu magambo yasakaje abinyujije ku rubuga rwa Instagram Meddy, yerekanye amashusho ari kumwe n’izindi nshuti zabo bari mu birori byo kwishimira isabukuru y’umukunzi we.

Yari aherutse no kumusomera mu ruhame mu gitaramo yakoreye muri Canada.

Ni ku nshuro ya kabiri, Meddy yari ajyanye n’umukunzi we mu gitaramo kibereye hanze ya Leta Zunze Ubumwe za Amerika, nyuma y’aho bajyanye mu Bwongereza mu bitaramo yakoreyeyo muri Nzeri.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble sekamana

    Jyewe nkunda indirimbo z’aba Stars.Ariko sinkunda uburyo bitwara mu bakobwa.Urugero,nubwo muvuga ngo uyu Meddy ari mu rukundo n’uyu mukobwa from Ethiopia,Meddy ubwe ageze I Kanombe,abanyamakuru bamubajije niba azamurongora.Yababwiye ko ari ukwibanira gusa,nta bukwe burimo.Bisobanura ko namara kumuhaga azamuta nkuko n’abandi ba Stars babigenza.Kwishimisha mu bakobwa,imana irabitubuza.Ababirengaho,nubwo ari miliyoni nyinshi,ntabwo izabaha ubuzima bw’iteka muli paradizo.Ntacyo bimaze kwishimisha akanya gato,hanyuma ntuzabe muli paradizo.
    Ni ukugira ubwenge buke.

    3 weeks ago

Inzindi nkuru

Umuherwekazi w’Umugande yasabye abagabo bashoboye ko bamusura agakina nabo...

Umugore w’umukire witwa Don Zella uzwi cyane muri Uganda ariko akaba atuye...
20 January 2019 Yasuwe: 3081 0

Zari yiyemeje guhangana na Diamond ashyira hanze amafoto ari kumwe n’umusore...

Hashize iminsi havugwa amakuru y’urukundo rwa Diamond Platinumz n’umunya...
20 January 2019 Yasuwe: 3337 0

Mwiseneza Josiane na bagenzi be bitabiriye siporo rusange bambaye imipira...

Abakobwa bahatanira ikamba rya nyampinga w’u Rwanda babyukiye muri siporo...
20 January 2019 Yasuwe: 3649 0

Reba uburyo Miss Iradukunda Liliane yibasiwe bikomeye n’abakunzi ba...

Tariki 16 Ukuboza 2018 ni bwo mu karere ka Rubavu ahitwa ku Inzozi Beach...
20 January 2019 Yasuwe: 5774 0

Rihanna yaciye ibintu ku mbuga nkoranyambaga kubera kwiyoroshya agatonda...

Umuhanzikazi Rihanna ukomoka muri USA,yatumye benshi bacika ururondogoro...
20 January 2019 Yasuwe: 3138 0

Mwiseneza Josiane akomeje guca agahigo mu bandi bakobwa bahanganiye ikamba...

Mwiseneza Josiane ukunzwe kurusha abandi bakobwa bahatanye mu irushanwa rya...
20 January 2019 Yasuwe: 3368 1