Umuririmbyi Mutoni Meek wamamaye nka Meek Rowland uherereye muri Leta zunze ubumwe z’Amerika yashyize hanze indirimbo “Ntagufite” yumvikano ubutumwa bw’abakundana.
Aganira na UMURYANGO yasobanuye icyatumye ahimba iyi ndirimbo yatangaje ko kuganira n’umukobwa w’inshuti ye amuganiriza ukuntu iyo ari kure y’umukunzi we yumva adatuje kuko aba yumva yamuhora iruhande.Ngo ashingiye kuri ubwo buhamya yakuyemo igitekerezo cyabyaye inganzo.
Uyu mukobwa wakoranya na King James mu mashusho y’indirimbo (...)

Sponsored Ad

Umuririmbyi Mutoni Meek wamamaye nka Meek Rowland uherereye muri Leta zunze ubumwe z’Amerika yashyize hanze indirimbo “Ntagufite” yumvikano ubutumwa bw’abakundana.

Aganira na UMURYANGO yasobanuye icyatumye ahimba iyi ndirimbo yatangaje ko kuganira n’umukobwa w’inshuti ye amuganiriza ukuntu iyo ari kure y’umukunzi we yumva adatuje kuko aba yumva yamuhora iruhande.Ngo ashingiye kuri ubwo buhamya yakuyemo igitekerezo cyabyaye inganzo.

Uyu mukobwa wakoranya na King James mu mashusho y’indirimbo ’Ntibisanzwe’, yagize ati “Hari umukobwa w’inshuti yanjye twigeze kuganira ambwira ukuntu iyo ari kure y’umukunzi we yvumva adatuje kubera ukuntu amukunda cyane bimpa igitecyerezo cyo guhimba iyo ndirimbo kuko nabonye ko amukunda cyane kandi bizira uburyarya nabonye kubikoramo indirimbo byaba byiza bigaha isomo n’abandi”.

Muri iyi ndirimbo kandi Meek avugamo kandi ibihe byiza abo bakundana
baba baranyuzemo mu bihe binyuranye bikagera aho umukobwa abwira umuhungu ko n’iyo yahirwa cyane mu buzima atamufite ntacyo yageraho.

Avugamo kandi ukuntu uwo mukobwa n’iyo yaba ari kumwe n’abandi
yicwa n’irungu kuko umukunzi adahari aba yarihebeye.Akomeza avuga ko yashyize hanze iyi ndirimbo mu rwego rwo kwifuriza abakunda umuziki we gusoza umwaka neza no gutangira uwa 2018 neza.

Iyi ndirimbo yatunganyijwe na Junior Multisystem. Asobanura ko yakoranye na Junior kubera ko kuva cyera yamwumvisheho ubuhanga mu gutunganya indirimbo.

Yavuze nanone ko umwaka utaha afite ibikorwa byinshi bijyanye n’ubuhanzi azageza ku bakunda ibihangano bye. Uyu muhanzikazi kandi asanzwe afite ibihangano bitandukanye birimo indirimbo yitwa “Amazing”, “Ngerageza”, “You’re the one” n’izindi.