Kuri iki cyumweru ahagana saa sita z’amanywa nibwo umuhanzi Tom Close yanditse ku rukuta rwe rwa Instagram agaragaza ibyishimo by’ikirenga yagize nyuma y’uko yibarutse ubuheta bwe na Ange Tricia bahise banaha izina rya ‘Elan’
Tom Close usanzwe ari umuhanzi wubashywe muri muzika akaba n’umuganga, yavuze ko umugore we n’umwana we bameze neza anongeraho ko ushaka kumenya amakuru arambuye ku mwana we ashobora gusura urukuta rwa Instagram dore ko uyu mwana yahise yinjira mu bakoresha uru rubuga nka (...)

Sponsored Ad

Kuri iki cyumweru ahagana saa sita z’amanywa nibwo umuhanzi Tom Close yanditse ku rukuta rwe rwa Instagram agaragaza ibyishimo by’ikirenga yagize nyuma y’uko yibarutse ubuheta bwe na Ange Tricia bahise banaha izina rya ‘Elan’

Tom Close usanzwe ari umuhanzi wubashywe muri muzika akaba n’umuganga, yavuze ko umugore we n’umwana we bameze neza anongeraho ko ushaka kumenya amakuru arambuye ku mwana we ashobora gusura urukuta rwa Instagram dore ko uyu mwana yahise yinjira mu bakoresha uru rubuga nka ’Elan-tclose’.

Mu kiganiro na Isango Star, Muyombo Thomas wamamaye nka Tom Close yasabye inshuti z’umuryango we gufatanya nabo gushima Imana kuko yabahaye umugisha w’umwana w’umuhungu.. Aho yagize ati :”Aha ndishimye cyane kubera ko umwana ari umugisha….Eeeh abana n’umugisha , Imana iyo iguhaye urubyaro ikagushoboza kororoka urayishima.”

Yabajijwe niba uyu mwana wavutse ashobora kuzakurikizwa dore ko kuri ubu amaze kwibaruka ibitsina bibiri kuko umwana w’imfura ari umukobwa mu gihe ubuheta bwavutse ku itariki ya 25 Kamena uyu mwaka ari umuhungu.

Tom Close uharawe cyane mu ndirimbo igikomere yakoranye na Bull Dog, ati :”Ntabwo navuga ko birangiye, ndishimye ndumva nezerewe ariko iby’Imana izamoa nibwo nzakira…Nishima ko byara n’abandi nzababyara mu gihe gikwiriye.”
Yavuze ko uyu mwana bamwise ‘Elan’ ngo n’izina rikomoka mu zindi ndimi mu gihe iry’ikinyarwanda ryo batararifataho umwanzuro. Ati :”Nibyo umwana twahise tumuha izina yitwa ‘Elani’…”

Abajijwe icyo iri zina rivuga, yavuze ko bisoabanura igiti.Yagize ati :”Bisobanura igiti , igiti gisobanura kororoka kubera ko igiti cyivaho imbuto…Igiti nyine iyo urubuto rwakuze ruhita ruba igiti kibabwara imbuto nyinshi.”

Ngo Elani n’izina rikomoka mu rurimi rw’ikigereki ariko n’icyongereza.

Tom Close yashyingiranywe na Niyonshuti Ange Tricia imbere y’Imana ku itariki 30 Ugushyingo 2013 mu rusengero rwa Mutagatifu Etienne ruherereye mu Murenge wa Nyarugenge. Aba bombi bari basanganywe umukobwa w’imfura bise Ineza Ella, wavutse ku wa 16 Kanama 2014.

Tom Close yibarutse ubuheta

Tom Close amaze imyaka irenga icumi aririmba, yakoze indirimbo zakunzwe mu myaka yatambutse ndetse yubatse amateka mu Rwanda atwara igikombe cya Primus Guma Guma Super Star ku nshuro ya mbere mu 2011, ahabwa n’amahirwe yo gukorana indirimbo na Sean Kingston.

Usibye ibikorwa bijyanye na muzika uyu muhanzi wibarutse ubuheta akora, ni umwanditsi w’ibitabo akaba n’umukozi w’Ikigo cy’Igihugu gishinzwe ubuzima, RBC, mu ishami rijyanye no gutanga amaraso.