Umutoniwase Anastasie uhagarariye u Rwanda mu irushanwa ya Miss Earth 2018, yageze muri Phillipine ahari kubera irushanwa rya Miss Earth 2018 nyuma yo gukererwaho icyumweru cyose. Aho ikicyiro kigezweho ari ukwiyerekana bambaye bikini.

Sponsored Ad

Umutoniwase Anastasie yahagurutse i Kigali kuwa 12 Ukwakira 2018, yerekeza muri Phillipine aho yagezeyo ku mugoroba wo kuwa gatandatu.

Uyu mukobwa w’imyaka 18y’amavuko, yagezeyo hari amwe mu marushanwa mato yacikanwe, harimo iryo kwiyerekana mu myambaro gakondo no kwerekana ubwiza. Aho kuri iyi ku ikubitiro hagezweho icyiciro cyo kwiyerekana mu mwambaro wa bikini.

Nk’uko bigaragara ku ngengabihe y’iri rushanwa biteganyijwe ko aba bakobwa bazongera kurushanwa kuva tariki ya 19 kugera 20 Ukwakira 2018.

Bazaba barushanwa mu kwiyerekana mu mwambaro wo kogana uzwi nka bikini. Kuwa 19 Ukwakira 2018, haziyerekana uwo abo mu itsinda ryitiriwe umuriro, bukeye bwaho haziyerekana abo mu itsinda ryitiriwe amazi, naho kuwa 20 haziyerekana abo mu itsinda ryitiriwe umwuka.

Bikini ntivugwaho rumwe n’abanyarwanda batandukanye, ndetse Uwase Hirwa Honorine witabiriye iri rushanwa umwaka ushize, yarayambaye ariko akingaho agatambaro. Umutoniwase Anastasie we aherutse gutangaza ko nta kabuza azayambara.