Miss Igisabo yanze ko umwana we yazagira ikibazo abonye ifoto ye yambaye ‘Bikini’

Imyidagaduro   Yanditswe na: Iyamuremye Janvier 23 October 2017 Yasuwe: 2920

Miss Uwase Hirwa Honorine wamamaye nka “Igisabo” uhagarariye u Rwanda mu irushanwa rya Miss Earth 2017, avuga ko yanze kwambara ‘Bikini’ agamije gusigasira umuco nyarwanda no kwereka abategura iri rushanwa ko bashobora gukuramo ibyo kwambara Bikini kw’abakobwa baba baryitabiriye.

Uyu mukobwa wo mu Rwanda ari guhatana n’abandi bakobwa baturutse impande z’isi aho bateraniye mu gihugu cya Philippines.

Bakigerayo babanje gutemberezwa, buri wese yerekana impano yibitseho ndetse icyo gihe hatoranyijwe abakobwa batanu bahiga abandi Miss igisabo ntiyabonetsemo. Mu gihe cyo kwambara Bikini, umwambaro kenshi uzwi nk’uwo kogana, Uwase yanze kuwambara.

Ngo ntiyari kwikoza Bikini kandi aziko azabyara agaheka
Ku nshuro ya kabiri nabwo yarawambaye ariko akingaho igitambaro cy’umweru;ibintu byahagurije abamuvuga umunsi ku wundi bavuga ko bidakwiye kwirengagiza cyangwa se gusuzugura amategeko y’irushanwa.

Ku ikubitoro uyu mukobwa yanenzwe na Miss Uwase Vanessa wabaye igisonga cya mbere cya Nyammpinga w’u Rwanda 2015 wavuze ko yagakwiriye kuba yarambaye Bikini cyane ko yagiyeyo azi amategeko n’amabwiriza.

Miss Shimwa Guelda wabaye igisonga cya mbere cya Nyampinga w’u Rwanda 2017 we yavuze ko buri gihugu kigira umuco wacyo kandi ko Miss Igisabo atari kuvogera indangagaciro z’umuco nyarwanda.

Kuwa Gatandatu tariki ya 21 Ukwakira 2017 Miss Igisabo yavuganye na Radio Rwanda asobanura byimbitse icyatumye atambara uyu mwambaro kandi abandi barabikoze.

Yumvikanye avuga ko atari kuwikoze kuko umuco nyarwanda utabimwerera anavuga ko bwari ubutumwa kubategura iri rushanwa ko atari ngombwa ko umukobwa yakwambara Bikini kugirango atsindire ikamba.

Yongeyeho ko yatekereje ku mwana we uko yazamufata aramutse abonye amafoto ya Nyina yambaye Bikini idakunze kuvugwaho rumwe.

Honorine (Igisabo),ati"Mpagarariye igihugu cyanjye ndetse n’umuco wacyo ariko kandi nteganyiriza ejo hazaza, umwana wanjye wazabona nambaye bikini sintekereza ko rwaba ari urugero naba naramuhaye. Ntekereza ko buri muntu wese agira uko yitwara buri gihugu kigira umuco wacyo rero iyo ugiye kwisanisha n’abandi biba ari ikibazo gikomeye abashyigikira kwambara bikini sinzi icyo baba batekereza, twe nk’abatabyemera dukwiye kuba ba ambasaderi kugira ngo ibi byo kwambara bikini bibe byava muri iri rushanwa.”

Miss Uwase Hirwa Honorine yavuze ko uretse we n’abandi babikoze by’amabura kindi.Ngo ni urugendo rw’impinduramatwara kuburyo yizera neza ko umwaka utaha abategura iri rushanwa bashobora kuzakuramo kambwara Bikini.

Miss Earth 2017 iri kubera muri Philippine ku nshuro ya 17 ihuriza hamwe abakobwa b’uburanga. Rifite intego yo kwifashisha ba Nyampinga bazwi mu bijyanye n’imyidagaduro mu buvugizi no guteza imbere urwego rw’ibidukikije.biteganyijwe ko rizasozwa tariki 4 Ugushyingo 2017.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble Gafaranga

    Ngo "umuco w’igihugu cyanjye". Ese bitabaye kuvuga uko buri wese abitekereza cg abyumva, ubundi umuco nyarwanda udutegeka kwambara gute? Munandangire aho nabisoma

    October 2017

Inzindi nkuru

Mwiseneza yakomeretse agiye kwiyamamaza muri Miss Rwanda[AMAFOTO]

Umukobwa witwa Mwiseneza Josianne yageze ahagombaga kubera ijonjora...
16 December 2018 Yasuwe: 803 0

Bikindi wamenyekaniye mu ndirimbo zikangurira Abahutu kwanga no kurimbura...

Bikindi Simeon wamenyekanye mu ndirimbo zashishikarizaga abahutu kwanga no...
16 December 2018 Yasuwe: 2200 0

Bobi Wine ari guhigwa bukware na Polisi ya Uganda aho yamaze no kugota...

Kuva mu ijoro ryo kuri uyu wa Gatandatu tariki 15 Ukuboza 2018, Polisi ya...
16 December 2018 Yasuwe: 2316 0

Jeanette Kagame yanenze imyitwarire ya bamwe mu bahanzi nyarwanda,agaragaza...

Madamu Jeannette Kagame kuri uyu wa Gatandatu tariki 15 Ukuboza 2018...
16 December 2018 Yasuwe: 2515 0

Abafashije FDLR kugaba igitera batangiye kumenyekana [Video]

Umuturage wo mu Karere ka Rubavu afunzwe akurikiranyweho gukorana...
14 December 2018 Yasuwe: 5509 0

Habura ibyumweri 2 ngo Meddy ajye gutaramira i Bujumbura hari abatangiye...

Mu gihugu cy’Uburundi aho Meddy agiye gutaramira hari igice cy’abantu...
14 December 2018 Yasuwe: 1982 5