Miss Iradukunda Elsa agiye gutangiza irushanwa ngarukamwaka ryo koga

Imyidagaduro   Yanditswe na: Iyamuremye Janvier 6 August 2017 Yasuwe: 458

Nyampinga w’u Rwanda 2017 Iradukunda Elsa agiye gutangiza irushanwa ryo koga, ni mu rwego rwo gushishikariza abakobwa gukora siporo cyane cyane iyo koga.

Ibi yabigarutseho mu kiganiro yahaye KT Radio cyo kuri uyu wa Gatandatu tariki ya 05 Kanama 2017 aho yavuze ko yamaze kunoza uyu mushinga kandi ko bizajya bibera kuri “Cercle Sportif”.

Miss Elsa yiteguye gutangiza irushanwa ngarukamwaka ryo koga

Biteganyijwe ko iryo rushanwa rizatangira ku itariki ya 12 Kanama 2017. Uyu mukobwa w’imyaka 19 y’amavuko usanzwe akina umukino wo koga avuga ko yateguye iryo rushanwa ryo koga mu rwego rwo gufasha abakobwa bagenzi be gukora siporo.

Agira ati “Murabizi ko ari umukino (wo koga) abakobwa benshi badashyiramo imbaraga, kandi nkumva ko ari umukino nashishikariza abandi kuwukora.
Urafasha, uravura bimwe na bimwe nk’umugongo. Uranaruhura. Iyo umuntu afite stress akoga araruhuka.”

Abemerewe kwitabira iryo rushanwa ngarukamwaka ni abantu bafite imyaka iri hagati y’umunani na 25. Yirinze gutangaza ibijyanye n’ibihembo avuga ko hari ibyo akivugana n’abaterankunga.

Yakomeje avugako yatangiye umukino wo koga afite imyaka icyenda gusa. Ngo amarushanwa yose yagiye yitabira yegukanaga umwanya wa wa mbere cyangwa se uwa kabiri.

Ashobora koga ahangana na metero 100 na 200.Abajijwe icyo avuga ku bakunze kuvuga ko uumukino wo koga ari uw’abakire cyangwa se abandi bantu bahaze bari kwishimisha yabihakanye.

.Ati “Ntabwo koga ari umukino abantu bakora ari uko bahaze, ni siporo nk’izindi. Iyo woga umubiri wose urakora.”

Biteganyijwe ko iryo rushanwa ryo koga rizahuriramo amatsinda y’abantu basanzwe bakora umukino wo koga nk’abanyamwuga. Kuri iyi nshuro ariko ngo aboga ku giti cyabo ntibemerewe guhatana.

Miss Elsa kuri ubu ari kwitegura kujya mu irushanwa ry’ubwiza ryo ku rwego rw’isi (Miss World 2017), rizabera mu Bushinwa kuva ku itariki ya 18 Ugushyingo 2017.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Miss Rusizi wihebeye umugabo umurusha imyaka 24 yakorewe ’Bridal...

Umutesi Teta Afsa wabaye Miss w’Akarere ka Rusizi mu mwaka wa 2017 yakorewe...
17 February 2018 Yasuwe: 4263 1

Jordin Sparks wahoze akundana na Jason Derulo yatangaje abantu kubera...

Umuhanzi Jordin Sparks wahoze akundana na Jason Derulo yagaragaye ku...
17 February 2018 Yasuwe: 3724 0

Abakobwa 6 barimo n’umunyarwandakazi basenye urugo Diamond yubakanye na Zari...

Umunsi w’abakundana ‘St Valentin’ wizihijwe kuwa 14 Gashyantare,2018...
17 February 2018 Yasuwe: 6544 1

Umutoniwase yasubije icyamuteye gutega moto ajya mu mwiherero#MISSRWANDA2018

Anastasie Umutoniwase,umukobwa uri kuzamuka mu majwi y’abahatanira ikamba...
17 February 2018 Yasuwe: 5067 0

Umukobwa wa Apotre Masasu yanze ubusabe bwa Patient yakunze...

Uwamahoro Deborah umukobwa w’umuvugabutumwa Apotre Masasu yanze ubusabe...
16 February 2018 Yasuwe: 4315 0

Nyuma y’amezi ane, Umugore wa Safi yagarutse mu rugo

Niyonizera Judithe warushinze na Safi Madiba yagarutse mu Rwanda avuye...
16 February 2018 Yasuwe: 8033 1