Miss Iradukunda Liliane yerekeje mu Ubushinwa mu irushanwa rya Miss World 2018

Imyidagaduro   Yanditswe na: Muhire Jason 8 November 2018 Yasuwe: 1695

Ku mugoroba wo kuri uyu wa Gatatu taliki ya 7 Ukwakira 2018 ku isaha ya saa 10 z’ijoro ,nibwo Nyampinga w’u Rwanda Iradukunda Liliane yerekeje mu gihugu cy’Ubushinwa aho agiye kwitabira amarushanwa ya Miss World 2018.

Mu kiganiro aherutse kugirana n’itangazamakuru Iradukunda yijeje abanyarwanda ko azitwara neza ku buryo bwose bushoboka ndetse ashimangira ko yabashije kureba abakobwa bose bahatanye asanga batoroshye gusa nawe yemeza ko Atari gito kandi ko agomba gukora iyo bwabaga akazegukana iri kamba.

Yagize ati“nagize igihe cyo kureba abo tuzaba duhanganye, ndeba ubuzima bwabo, navuga ko bose batoroshye ariko nanjye ndakaze, niteguye gukora cyane, kugira ngo nzitware neza.”

Mu kiganiro yagiranye n’itangazamakuru mbere yuko yurira rutema ikirere yavuze ko umuhigo wa mbere ajyanye ari ukuzatahana ikamba ikigali ndetse ngo ibi bizaterwa nuko abanyarwanda bazaba bamweretse bamushyigikiye mu buryo bwo kumutora biri mu bizashingirwaho mu matora.

Agira ati “Mu mihigo mfite harimo kuzana ikamba mu Rwanda kuko ntabwo ngiye by’umurimbo ahubwo ngiye guhatana. Intwaro nitwaje ni uburyo Abanyarwanda banshyigikiye kuko nibyo bizantera gukora cyane.”

Yakomeje avuga ko nta kintu yavuga ko agiye yishingirije kurusha ibindi kuko ashaka kuzaza mu myanya y’imbere muri buri cyiciro.

Yavuze no ku mpamba yahawe na Minisitiri wa Siporo n’Umuco, Nyirasafari Espérance, bahuye ku munsi w’ejo ati “Icya mbere Minisitiri wa Siporo n’Umuco mufata nk’umubyeyi ntabwo mufata cyane nka Minisitiri, impamba yampaye ni ukuzitwara neza nkerekana indangagaciro z’umuco nyarwanda, nkitwara neza kugira ngo mbe nazamura ibendera ry’Igihugu cyacu.”

Twakwibutsa ko u Rwanda rwitabiriye aya marushanwa ku nshuro yaryo ya 3 aho ku ikubitira ryahagarariwe na Mutesi Jolly, 2017 hajyayo Iradukunda Elsa na Iradukunda Liliane waserukiye igihugu uyu mwaka.

Ikamba ryuyu mwaka ushize ryari rifitwe n’umuhindekazi Manushi Chhillar w’imyaka 21 aho yaryegukanye ahigitsi abakobwa barenga 20 bari bahatanye muri aya marushanwa.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umusore ukundana na Mwiseneza Josiane yamenyekanye[AMAFOTO]

Urukundo rugeze hagati y’umusore wiga muri Ines Ruhengeli na Miss...
24 May 2019 Yasuwe: 8658 0

Junior Multisystem yarahiye ko atazareka gukora indirimbo nubwo yaciwe...

Umuhanga mu gutunganya indirimbo z’abahanzi mu buryo bw’amajwi Junior...
24 May 2019 Yasuwe: 4453 0

RIB yataye muri yombi umusore uherutse gusebya umunyamakuru Phil Peter ko...

Mu minsi ishize umusore yibasiye umunyamakuru Phil Peter amushinja kutagira...
24 May 2019 Yasuwe: 4118 0

Utuntu dutangaje twabaye kuri Knowless agitangira umuziki tumusetsa iyo...

Mu tuntu twajyaga tumubaho, Knowless yavuze ko agitangira umuziki yagiraga...
24 May 2019 Yasuwe: 2129 0

Mutoni Assia yahishuye impamvu yatumye ahagarika ikirego cya Njuga wamwise...

Umukinnyi wa filime Mutoni Assia wari uherutse kujyana umukinnyi wa filime...
24 May 2019 Yasuwe: 3103 2

Mubyara wa Masamba Intore akaba n’umuvandimwe wa Jules Sentore afungiwe muri...

Umuhanzi w’umurundi Yvan Muziki ufite amaraso yo mu Rwanda ndetse akaba ari...
23 May 2019 Yasuwe: 4379 1