Nyampinga w’u Rwanda 2016 Mutesi Jolly yashimye bikomeye icyizere yagiriwe n’ubuyobozi bwa Miss Rwanda bwamutoranyije/bwamushyije mu bagize akanama nkemurampaka katoranyijwe Nyampinga w’u Rwanda 2018.
Miss Jolly yari mu kanama nkemurampaka kari kagizwe na Miss France 2000 Sonia Rolland, Umunyamakuru Sandrine Isheja Butera, Rwabigwi Jiribert n’umusesenguzi mu bukungu Teddy Kaberuka bemeje Miss Rwanda 2018 Iradukunda Liliane w’imyaka 18 y’amavuko. Miss Jolly yicaranye na Miss Sonia Rolland, (...)

Sponsored Ad

Nyampinga w’u Rwanda 2016 Mutesi Jolly yashimye bikomeye icyizere yagiriwe n’ubuyobozi bwa Miss Rwanda bwamutoranyije/bwamushyije mu bagize akanama nkemurampaka katoranyijwe Nyampinga w’u Rwanda 2018.

Miss Jolly yari mu kanama nkemurampaka kari kagizwe na Miss France 2000 Sonia Rolland, Umunyamakuru Sandrine Isheja Butera, Rwabigwi Jiribert n’umusesenguzi mu bukungu Teddy Kaberuka bemeje Miss Rwanda 2018 Iradukunda Liliane w’imyaka 18 y’amavuko.

Miss Jolly yicaranye na Miss Sonia Rolland, yashimye icyizere yagiriwe

Abinyujije ku rukuta rwa instagram Miss Jolly yavuze uburyo yashimijwe no kwicarana n’abahanga mu muco, ubwenge n’ubwiza ahera ho ashima icyizere yagiriwe n’ubuyobozi bwa Miss Rwanda bwamutoranyije ngo nawe agire uruhare mu kweza Nyampinga w’igihugu cy’u Rwanda 2018.

Yagize ati :”Mwarakoze cyane b’ubuyobozi bwa Miss Rwanda ku cyizere mwatugiriye, nungutse ubumenyi.Kwicarana na bariya bagore n’abagabo b’abahanga byanyongereye ubundi bumenyi/ireme ry’ibyo nkora.Ni ugutera imbaraga umugore muri gahunda zose.”

Mbere y’uko ibirori bitangira, Miss Jolly yari yateguje abafana

Politiki y’abategura Miss Rwanda igaragaza ko bashaka guha umwanya abakobwa bagiye bahatanira ikamba n’abaryegukanye kugira uruhare muri iri rushanwa riba buri mwaka (Life after being crowned Miss Rwanda).Bivugwa ko abagize akanama nkemurampaka bamenya ko bazakora habura amasaha atandatu ngo igikorwa kibe.

Iradukunda Liliane yambitswe ikamba mu ijoro ryo ku wa 24 Gashyantare,2018 mu birori bikomeye byabereye muri Kigali Convention Center.

Miss Jolly w’imyaka 22 niwe Nyampinga wa mbere w’u Rwanda wabashije kwitabira irushanwa rikomeye rya Miss World 2016.

Sonia, Isheja Sandrine na Rwabigwi bashakisha Nyampinga w’u Rwanda 2018


Jolly yanyuzwe n’ubumenyi yangukiye mu kanama nkemurampaka