skol
startimes

Mugihe kitarenze icyumweru Miss Uwase Vanessa atandukanye n’umuherwe wo muri Congo,yabonye undi umumwibagiza uba muri Kenya[AMAFOTO]

Imyidagaduro   Yanditswe na: Martin Munezero 13 January 2021 Yasuwe: 11739

Umusore umaze iminsi yerekana ko ari mu rukundo na Miss Uwase Vanessa yongeye kumubwira amagambo meza y’urukundo. Ibi uyu musore yabimubwiye abinyujije kuri story ya instagram ye.


Nyuma y’imitoma y’uyu musore, Miss Uwase Vanessa nawe yabyishimiye kugeza naho nawe abisangiza abamukurikira ku rubuga nkoranyambaga rwa Instagram.Mu magambo y’imitoma uyu musore yasangije abamukurikira yagiraga ati "Wow,nice pic my lov,Umwiza wange...Mbona umutima wagukunze utaribeshye".

Uyu musore yakomeje avuga ko adateze kunanirwa kumukunda na gato ndetse anamusabira kurindwa n’Imana.Uyu musore wiyise Keddyboi kuri Instagram,amakuru agera ku kinyamakuru UMURYANGO ngo nuko ari umunyarwanda w’umuhanzi ukorera umuziki we mu gihugu cya Kenya ari naho akunze kuba ari.

Nkuko bigaragazwa ku magambo uyu musore yabwiye Miss Vanessa biragaragara ko yatangariye ubwiza bwe ndetse yanamubwiye amagambo yiganjemo ayo kumubwira ukuntu ari mwiza aho yanamugaragarije urukundo amukunda uburyo rutagereranywa.

Ibi bibaye nyuma yuko no mu minsi ishize uyu musore nanone yabwiye Miss Vanessa andi magambo meza y’urukundo ndetse bikaba ibihamya simusiga by’uko uyu musore ari we bari mu rukundo muri iyi minsi.

Ku itariki 3 Mutarama 2021,Miss Uwase Vanessa abinyujije kuri story ya instagram ye yatangarije abafana be ko nta mukunzi bari kumwe muri iki gihe bityo abasore batandukanye batangiye kugenda bamutereta barimo n’uyu urimo kumuhoza amarira y’umuherwe wo muri Congo baherutse gutandukana wari waranamwambitse impeta muri Nzeri 2019.

Vanessa yagaragaje ko yatandukanye n’uyu mugabo agaragaza ko ubu ari wenyine aho yagize ati “Ndongeye mbaye nyakamwe”aha yashakaga kugaragaza ko atakiri kumwe n’uwo yari yarihebeye mu rukundo.

Abari hafi ya Miss Uwasse Vanessa bavugako uyu mukobwa nubundi yari amaze iminsi yarakuyemo impeta yari yarambitswe n’uyu mugabo nkuko byagiye bigaragara no ku mafoto ya vuba yagiye ashyira ku mbuga nkoranyambaga ze byagaragaraga ko nta mpeta ikiri ku rutoki rwe,ndetse biravugwa ko ashobora kuba ngo yaranayijugunye.

Uyu munyemari ukomoka mu gihugu cya Congo Kinshasa,ku italiki 15 Nzeri 2020, nibwo yongeye gushimangira urwo akunda uyu mukobwa w’umunyarwandakazi maze ajya ku rukuta rwe rwa instagram ashyiraho ifoto ya Vanessa iherekezwa n’amagambo agira ati “Umwamikazi wanjye” arenzaho udutima agaragaza ko amukunda.

Abakurikirana uyu mugabo icyo gihe bagaragaje ko bishimiye kongera kubona ko agikunda Vanessa, akabigaragaza nkuko yabikoraga mbere.

Ubwo aba bombi bajyaga guhurira mu gihugu cya Tanzania,Putin Kabalu niwe wabanje kwandika ku rukuta rwe, ashyiraho ifoto ya Vanessa ari mu ndege arangije ati “Si njye urarota ungezeho nkakubona.” Uyu mukobwa nawe arangije ati “Nanjye rukundo wanjye. Turabonana mu kanya gato.”

Nyuma yo kuva muri Tanzania kandi hari n’amakuru yavuzwe ko Vanessa yashatse kwiyahura, bitewe no gukomeza kubabazwa n’uyu mugabo.

Ku mugoroba wo ku wa Kabiri tariki 08 Nzeri 2020, inshuti ze zo kuri whatsapp zatunguwe n’ibyo yanditse ko umubyeyi we n’umuvandimwe bamufashije kutiyahura.

Miss Vanessa icyo gihe yanditse agira ati “Iyo bitaza kuba ku bwa mama n’umuvandimwe wanjye nari kuba niyahuye! Ndananiwe ndarushye kwihangana birananiye kuri iyi si”!

Umwe mu nshuti ze za hafi yabwiye ikinyamakuru UMURYANGO ko icyari giteye Vanessa kwiyahura,ari ukubera ko yagerageje ibishoboka byose ngo asubirane n’umukunzi we Kabalu ariko bikanga bikaba iby’ubusa, bikamuviramo agahinda gakabije (depression).

Urukundo rw’aba bombi bwa mbere rutangira kuzamo agatotsi byari biturutse ku wundi mukobwa, nawe uzwi cyane ku mbuga nkoranyambaga wari uri gukururana n’uyu mugabo wari warambitse impeta Miss Vanessa.

Ibi byarakaje cyane uyu mukobwa ahitamo kuba ahagaritse umubano we n’uyu mugabo wari umaze iminsi amuhaye imodoka.None tukaba twavuga ko inkuru y’urukundo rwa Miss Vanessa n’umunyemari wo muri Congo ishobora kuba irangiriye aha ndetse akaba ari mu rugamba rwo kuba yashakisha undi munyamafaranga wamwibagiza Putin.

REBA AMWE MU MAFOTO Y’UMUSORE URI KWIBAGIZA MISS VANESSA UMUHERWE ’PUTIN’



Ni umusore ukunze kugaragara ku modoka zihenze cyane

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Kagina

    Umva nyine ko akunze kugaragara ku modoka zihenze. Azifotorezaho nk’uko umuntu yakwifotoreza kuri piscine ya Hotel Mille Collines akayita villa ye

    1 week ago

Inzindi nkuru

Tanasha yatunguranye ahishura ko akeneye Diamond ndetse amusaba kumufata...

Tanasha Donna kuri ubu uri muri Tanzania yagaragaje amarangamutima ye, aho...
26 January 2021 Yasuwe: 3503 0

Umugore yateje impaka avuga uburyo abagabo barutwa n’ imbwa

Ku rubuga rwa Twitter, umugore utamenyekanye amazina ye ya nyayo ariko...
26 January 2021 Yasuwe: 5142 0

Tanasha Donna yahawe urwamenyo ubwo yageragezaga gusoma Diamond ku...

Mu gihe hari hagikomejwe kwibazwa niba Diamond na Natasha Donna bari kubana...
26 January 2021 Yasuwe: 5750 0

Bebe Cool yahamije ko iby’urushako bitoroshye kuko umugore we ngo yanamuhaga...

Umuhanzi uri mubakunzwe mugihugu cya Uganda, Bebe Cool arishimira imyaka 19...
26 January 2021 Yasuwe: 5382 0

Social Mula yikomye Bruce Melodie wamwiyemeyeho

Ku mugoroba wo ku munsi w’ejo tariki ya 24 Mutarama 2021 nibwo abahanzi...
25 January 2021 Yasuwe: 6219 0

Diamond yagaragaje ibyishimo bidasanzwe yatewe no kongera kubonana n’umwana...

Umuhanzi wo mugihugu cya Tanzania, Diamond Platnumz yagaragaje ibyishimo...
25 January 2021 Yasuwe: 4883 0