Abakobwa 119 bahataniye ikamba rya Nyampinga w’Isi bahatanye mu irushanwa ryo guteka, hatsinda itsinda ryarimo abakobwa bari bashyizwe mu itsinda ryiswe ’THE CARIBBEAN’
Ku gicamunsi cyo kuri iki cyumweru tariki ya 4 Ukuboza uyu mwaka, abategura irushanwa bakomeje gushakisha impano buri mukobwa yibitseho. Kuri iyi nshuro bahisemo gukoresha itsinda rigizwe n’abakobwa bitibiriye irushanwa bakomoka ku mugabane umwe. Amarushanwa yo guteka yiswe ’MetroCooking’. Bumvikanye ko kugirango akanama (...)

Sponsored Ad

Abakobwa 119 bahataniye ikamba rya Nyampinga w’Isi bahatanye mu irushanwa ryo guteka, hatsinda itsinda ryarimo abakobwa bari bashyizwe mu itsinda ryiswe ’THE CARIBBEAN’

Ku gicamunsi cyo kuri iki cyumweru tariki ya 4 Ukuboza uyu mwaka, abategura irushanwa bakomeje gushakisha impano buri mukobwa yibitseho. Kuri iyi nshuro bahisemo gukoresha itsinda rigizwe n’abakobwa bitibiriye irushanwa bakomoka ku mugabane umwe.

Caribbean niyo yahise abandi mu guteka muri Miss World 2016

Amarushanwa yo guteka yiswe ’MetroCooking’. Bumvikanye ko kugirango akanama nkemurampaka gatange amanota aba bakobwa baturuka mu bihugu bitandukanye bashyirwa mu byiciro bitandatu bakabona guhabwa amanota.

Nk’uko bigaragara ku rukuta rw’abategura aya marushanwa bemeje ko abahata ari abaturuka muri ’The Americas’, ’The Caribbean’, ’Africa, Asia’, ’Europe’, ndetse na ’Oceania’. Buri tsinda ryari ritegetswe gutega ibiryo bifuza dore ko bari bahawe ibirungo bitandukanye kuburyo ntawuza kuvuga ko yabuze igishobora kuryohesha ibyo yatetse.

Buri tsinda kandi ryari rifite abashinzwe kurikiranira hafi ari nako bahabwa amanota. Akana nkemumparaka kagenda hafi yaburi tsinda ryateguraga amafunguro ari nako bakoramo ngo bumve ibyatetswe.

Mu minota mironga itatu gusa, buri tsinda ryerekanaga amafunguro ryatetse rinasobanura impamvu bahisemo guteka ibyo.Kyle Schmitz, Chef AJ, na Chef Sed ni abakemurampaka bavuze ko kwemeza itsinda ryatetse neza byabanje kubagora cyane bitewe n’uko buri tsinda ryifuzaga kurusha abandi.

Itsinda rihuriyemo abakobwa bo muri Asia bakoze ibyo kurya byari bigizwe n’umureti, umugati, icyayi cyo muri Mongolian ndetse n’inkoko yocyeje. Itsinda ryo muri Europe ryateguye ibiryo bihumura cyane, itsinda ryo muri Caribbean ryateguye ifi yo mu bwoko bwa tilapia ndetse n’ibijumba. Itsinda ryo muri Oceania bateguye ibiribwa bifite intungamubiri gusa mu gihe abakomoka muri Afurika bateguye ibigizwe n’amagi gusa.

Akanama nkemurampaka kabanje gutoranya amatsinda abiri gusa bavuga ko byabagoye kwemeza uwatsinze kubera ko buri tsinda ryateguye neza. Habanje kwemezwa itsinda ryo muri Asia ndetse na The Caribbean. Nyuma yisuzuma bakoze bemeje ko Caribbean aribo begukanye itsinzi.

Miss World 2016 iri kuba ku nshuro ya 66, isigaje iminsi 13 ngo irangire.Izasozwa kuwa 18 Ukuboza 2016 mu birori bizabera kuri Gaylord National Resort & Convention Center mu Mujyi wa Washington, D.C.

AMAFOTO: