Mu ijoro ryo kuri uyu wa Kabiri tariki ya 25 Ukuboza 2018 ubwo Isi yose yizihiza umunsi wa Noheli, nibwo mu mujyi wa Kigali habereye igitaramo cyiswe ‘Celebrities Christmas Party’ cyahurije hamwe ibyamamare bikomeye mu ngeri zitandukanye hano Rwanda.

Sponsored Ad

Iki gitaramo cyateguwe n’inzu isanzwe ifasha abahanzi ya The Mane, cyabereye ahitwa Kigali Conference and Exhibition Village (Camp Kigali), cyatangiye ahagana saa moya z’umugoroba gisozwa ku isaha ya saa saba z’ijoro.

Sasha na Asinah Era bari bambaye amakanzu afite pasura zidasanzwe zigaragaza ibibero byabo

Cyari cyitabiriwe n’ibyamamare mu ngeri zitandukanye barimo Abakinnyi b’umupira, abakinnyi ba filime, abanyarwenya, abahanzi mu ngeri zinyuranye, ibyamamare ku mbuga nkoranyambaga, abahanga imideli n’abayimurika n’abandi batandukanye.

Iki gitaramo wabonaga gifite umwihariko, cyari kiyobowe n’abashyushyarugamba bane aribo Lion Manzi n’umunyamideli Judith wo muri Uganda bakiraga ibyamamare ku itapi itukura mbere yuko binjira mu ihema ryaberaga ibirori. Bakinjira mu ihema bahitaga bakirwa na Mc Kate Gustave na Anita Pendo ari nabo bari baje kuyobora igitaramo kugeza gisoje.

Kimwe mu byatangaje benshi muri iki gitaramo ni imyambarire idasanzwe y’ibyamamare bitandukanye. Bamwe mu byamamarekazi byanyuze ku itapi itukura, bari bambaye amakanzu maremare ariko mu kwifotoza beyuragaho bakerekana amatako, bikorohera abafotoraga.

ShaddyBoo nawe yari yaserukanye n’abana be babiri b’abakobwa

Umuhanzi Safi Madiba uri no mubaririmbye muri iki gitaramo, yatunguranye ahamagara umugorewe Judith ku rubyiniro maze aramuririmbira iyo yise ‘Got it’ yafatanyije na Meddy. Nyuma y’iyi ndirimbo Safi yafashimiye umugorewe ndetse anashimira itsinda rya Urban Boys yamamariyemo.

AMAFOTO :

Umunyamakuru Bosquizo nawe yaserukanye n’umugore n’umwana wabo baheruka kwibaruka

ShaddyBoo n’abana be yabyaranye na Director Meddy Saleh

Umugore wa Safi uri hagati nawe nuko yari yaserutse yambaye

Pasura y’umuhanzikazi Asinah yatangaje abatari bake

QueenCha nawe ni uku yaserutse yambaye

Young Grace n’umusore bakundana nabo batunguranye baseruka biyambariye uko bishakira

Safi Madiba bwa mbere yahamagaye umugore we ku rubyiniriro maze aramuririmbira

Producer Holy Beat,Nizzo Kaboss na Humble Jizzo nabo bari bahabaye

Uku niko iki kirori cyari kitabiriwe