Mu Rwanda hagiye gutegurwa igitaramo cyo guhuza ibyamamare kuko nta rukundo bigirana hagati yabyo

Imyidagaduro   Yanditswe na: Muhire Jason 15 October 2018 Yasuwe: 584

Umuyobozi wa The Mane ariwe Bad Rama yavuze ko agiye gutegura igitaramo cy’urukundo cyo guhuza ibyamamare nyarwanda kuko nta rukundo bigirana hagati yabyo.

Hari kuwa 13 Ukwakira 2018 ubwo The Mane Music Label yakoraga ikiganiro n’abanyamakuru aho bavuga ku byo bamaze kugeraho mu mwaka ushize bafasha abahanzi batatu ari bo Safi Madiba, Marina na Queen Cha.

Umuyobozi wa The Mane Mupenda Ramadhan uzwi nka Bad Rama uyobora The Mane Music Label yavuze ko impamvu yatakereje gukora igitaramo cya Celebrities Xmas Party ari uko yasanze, ibyamamare byo mu Rwanda nta rukundo bigirana hagati yabyo, yifuza kubahuza.

Yagize ati “abantu twakira abasitari cyangwa abanyempano bo mu Rwanda, nka 90% kugira ngo uzababone ari babiri, batatu...akenshi baba bahujwe n’ihangana runaka, igikorwa runaka, irushanwa runaka, bishyuwemo se, cyangwa baje gukoramo nk’akazi nta bindi byishimo, nta rundi rukundo, ari iby’amafaranga.”

N’ubwo Badrama amaze umwaka ashora imari mu muziki, ntabwo ari bwo bwa mbere yari akiwinjiramo, ariko avuga ko atazi Producer witwa Bob nyamara ari umwe mu batunganya indirimbo bamaze igihe, kandi bakora neza.

Yagize ati “ nararebye ndavuga nti ‘nimba maze umwaka mu muziki byemewe n’amategeko nkaba ntazi nk’umugabo witwa Bob Pro, uwo mugabo ndumwumva akora ibikorwa byiza, ibintu byinshi cyane, ku maradiyo mba mwumva, sinzi yanatwaye igihembo cya Kiss Summer Awards, ariko nkanjye imbere y’Imana ntabwo muzi, duhuye no mu muhanda sinamumenya.”

Kuba hari abantu bakora ibijyanye n’umuziki bataziranye, ni byo byatumye Badrama ategura iki igitaramo. Si ibyamamare gusa bizakitabira kuko n’abafana babo bazaba batumiwe, bakazabasha guhura na bo. Abahanzi batandukanye bazaririmba harimo na Urban Boys iherutse gusinyana amasezerano na The Mane.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Niswe imbwa nishakaho umurizo ndawubura-Bishop Gafaranga

Bishop Gafaranga ni umwe mu banyarwenya bibanda cyane ku bakozi b’Imana...
24 August 2019 Yasuwe: 283 0

Abongereza banyoye agasembuye kenshi karabandagaza kugeza ubwo bamwe...

Nk’ibisanzwe mu bihugu bigize ubwami bw’Ubwongereza,UK,mu mpera z’icyumweru...
24 August 2019 Yasuwe: 1972 0

Umuraperikazi Young Grace yibarutse imfura ye

Umuraperikazi Abayizera Grace wamenyekanye nka Young Grace yibarutse imfura...
24 August 2019 Yasuwe: 2052 0

IKIGANIRO na Gakware waciye ibintu muri filimi Fura Fura [VIDEO]

Manzi Shema Prince ni umwana wimyaka 12 ariko ufite impano idasanzwe yo...
24 August 2019 Yasuwe: 481 0

VIDEO: Karasira Aimable yahishuye impamvu nyamukuru ituma atashakana...

Karasira Aimable umwarimu wo muri Kaminuza y’u Rwanda wamamaye nka Professor...
24 August 2019 Yasuwe: 2971 0

Diamond Platnumz yakoreye ibirori bya Baby Shower umukunzi we Tanasha Donna...

Mu minsi mike Tanasha Donna umukunzi wa Diamond Platnumz araba yibarutse...
23 August 2019 Yasuwe: 7670 0