startimes

Mwiseneza Josiane yatangaje ingaruka zikomeye yahuye nazo kubera kubatwa n’imbuga nkoranyambaga

Imyidagaduro   Yanditswe na: Dusingizimana Remy 12 July 2019 Yasuwe: 4614

Mwiseneza Josiane wamamaye mu irushanwa rya Miss Rwanda 2019,yavuze ko nyuma yo gutorerwa kuba nyampinga wakunzwe kurusha abandi muri iri rushanwa yahise abatwa n’imbuga nkoranyambaga bituma acika ku bintu bimwe na bimwe yakundaga.


Sponsored Ad


Uyu mukobwa uherutse kuvugwaho ko atwite,yavuze ko impamvu yafashe umwanzuro wo guhagarika gukoresha imbuga nkoranyambaga aruko zamubase bigatuma acika ku bintu bitandukanye yari asanzwe akora.

Yagize ati “Nahisemo kuba Josiane wa kera utari wa wundi uhora akurikirana posts zitandukanye.Nabonaga ndangaye birenze kandi turi gutegura ubukwe,ndavuga nti “reka nibere Josiane wa mbere,ibi ngibi mbireke.Naravuze ngo reka ibi ngibi mbe mbiretse mbe ncecetse gatoya,ubwenge bwanjye bwongere bugaruke mu bundi buzima butari ubwo ku mbuga nkoranyambaga.

Byatumye nanirwa guha agaciro umuntu w’umumaro ariko nagize amahirwe abavandimwe banjye bakamfasha no kwitaba abantu.Narabikundaga cyane kuko hari umuntu wampamagaraga ngo aranshaka nkavuga ati “kanaka niwe umpamagaye,nkumva biranshimishije cyane.Naje kuvuga nti reka ntuze nsubize ubwenge ku gihe.”

Mwiseneza yavuze ko kubera kubatwa n’imbuga nkoranyambaga,hari igihe yajyaga kujyama hakiri kare agashiduka ageze mu gicuku akivugana n’abantu ndetse ngo gutakaza umwanya ku mbuga nkoranyambaga byatumye ahitamo kumara igihe azihagaritse.

Yagize ati “Ubu nongeye gufata umurongo mwiza.Ubu niba ndyamye mpita nsinzira ntabwo ndi wa muntu wajyaga kuryama saa yine cyangwa saa yine n’igice ngo asinzire saa cyenda.Sinari nkicyumva radio na TV byari byaragiye,ariko byarahindutse ntangira kureba amakuru,nkurikira ama TV atandukanye ndeka kuba wa muntu wahoraga muri shuguri.”

Mwiseneza yabwiye ikinyamakuru Ukwezi ko ibihuha by’uko atwite byamutunguye ndetse bikomeretsa umubyeyi we cyane ko ngo umwe mu bagize umuryango we ariwe wamweretse ko atwite.

Mwiseneza yavuze ko yafashe umurongo wo kugabanya ibyo gukoresha imbuga nkoranyambaga kuko ngo hari nubwo yagendaga mu muhanda ntamenye n’igihe yagereye aho agiye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abafana ba Mwiseneza Josiane yabateye kuvuga bitewe n’umupira...

Miss Mwiseneza Josiane mu minsi ishize ubwo yashyiraga hanze ifoto yambaye...
4 August 2020 Yasuwe: 2836 0

Ifoto y’umunyarwandakazi Kate Bashabe yatumye abasore bamutomagura...

Kate Bashabe ni umwe mu banyarwandakazi kuri ubu bakurikirwa n’abantu benshi...
3 August 2020 Yasuwe: 5966 1

Hakizimana yegukanye irushanwa rya Miss Ngozi ahembwa ibihumbi 248 Frw mu...

Mu ijoro ryo kuri iki Cyumweru tariki 03 Kanama 2020 mu Burundi nibwo...
3 August 2020 Yasuwe: 1788 0

Wizkid yahawe akayabo ka Mliyari z’amanyarwanda kubera indirimbo yakoranye...

Umuririmbyi Ayodeji Ibrahim Balogun wamamaye nka Wizkid, ari mubyishimo...
3 August 2020 Yasuwe: 1910 0

Harmonize yasinyishije muri label ye umuhanzi ukomeye muri Nigeria

Umuhanzi Rajab Abdul Kahali uzwi ku izina rya Harmonize, akaba na nyiri nzu...
3 August 2020 Yasuwe: 548 0

Miss Uwase Vanessa yahawe indi mpano n’umukunzi we w’umukongomani[AMAFOTO]

Mu minsi ishize twababwiraga ko Miss Uwase Vanessa yashimiye umukunzi we...
1 August 2020 Yasuwe: 9918 0