Mwiseneza wagiye n’amaguru agiye kwiyamamaza muri Miss Rwanda akanakomereka yatsinze[AMAFOTO]

Imyidagaduro   Yanditswe na: Martin Munezero 16 December 2018 Yasuwe: 8070

Igikorwa cyo gutora abakobwa bazahagararira intara y’Uburengerazuba muri Miss Rwanda 2019 gisize umukobwa wagiye n’amaguru kugira ngo agere ahabereye irushanwa atsindiye gukomeza mu kindi cyiciro.

Urugendo rwo gushaka uzaba Miss Rwanda 2019 rwatangiye kuri uyu wa Gatandatu tariki ya 15 Ukuboza , rutangirira mu ntara y’Amajyaruguru mu mujyi wa Musanze. Kuri uyu wa Gatandatu tariki ya 16 i Rubavu.

Mu bakobwa batandatu batsindiye guhagararira intara y’Uburengerazuba harimo na Mwiseneza Josianne wagiye namaguru kugira ngo agere ahabereye irushanwa.

Uyu mukobwa witwa Mwiseneza Josianne yari yambaye nimero 1, afite metero 1.70m n’ibiro 56. Uyu mukobwa ageze imbere y’abagize akanama nkemurampaka yahawe Yego 2 na Oya imwe bitewe nuko yitwaye.

Yageze ahabereye irushanwa ubona nta birungo by’ubwiza yambaye ndetse banamusaba ko yakwitunganya neza.

Yari yagize amahirwe yo kuboneka mu bakobwa 13 bemerewe gukora irushanwa muri 17 bari biyandikishirije guhatanira guhagararira intara y’Uburengerazuba.

Mwiseneza Josianne yageze ku Inzozi Hoteli ahari kubera iri jonjora yakomeretse kubera urugendo rurerure yakoze n’amaguru, uvuye mu mujyi wa Rubavu , kugera kuri Hoteli harimo nk’ibirometero 15. Gutega moto utegesha amafaranga 1 200 Frw, ugenda n’amaguru ni igihe kingana n’isaha n’iminota 30.

Uyu mukobwa avuka mu karere ka Rubavu ahitwa Kunyundo, yavuye ku nyundo ateze imodoka ariko ageze muri gare agenda n’amaguru kugira ngo agere aharabera irushanwa. Icyakora ngo gukomereka byatewe n’uko yasitaye mu mugoroba wo kuri uyu wa Gatandatu akanakubitiraho kugenda n’amaguru.

Aganira n’itangazamakuru yavuze ko yagenze n’amaguru kubera ko aribwo bushobozi yari afite kandi ko ariko yumvaga byagenda nta yandi mahitamo.

Ati: ” Nasitaye nijoro, nageze hano kubera ko ariko byari kugenda, niteguye kwitwara nezza kandi nifitiye icyizere kuko ndasubiza ibibazo byose barambaza.”

Yatangaje ko yishimiye kuba atsinze ndetse akaba agiye kwitegura neza uru rugendo atangiye kugira ngo ubutaha agiye mu kindi cyiciro atazabura amafaranga yo gutega.

Amazina y’ abakobwa bakomeje

1 . Mucyo Triphine Uwimana

2 . Mutoni Deborah

3 . Igihozo Mireille

4 . Uwase Aisha

5 . Tuyishime Vanessa


Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umusore ukundana na Mwiseneza Josiane yamenyekanye[AMAFOTO]

Urukundo rugeze hagati y’umusore wiga muri Ines Ruhengeli na Miss...
24 May 2019 Yasuwe: 8713 0

Junior Multisystem yarahiye ko atazareka gukora indirimbo nubwo yaciwe...

Umuhanga mu gutunganya indirimbo z’abahanzi mu buryo bw’amajwi Junior...
24 May 2019 Yasuwe: 4463 0

RIB yataye muri yombi umusore uherutse gusebya umunyamakuru Phil Peter ko...

Mu minsi ishize umusore yibasiye umunyamakuru Phil Peter amushinja kutagira...
24 May 2019 Yasuwe: 4133 0

Utuntu dutangaje twabaye kuri Knowless agitangira umuziki tumusetsa iyo...

Mu tuntu twajyaga tumubaho, Knowless yavuze ko agitangira umuziki yagiraga...
24 May 2019 Yasuwe: 2135 0

Mutoni Assia yahishuye impamvu yatumye ahagarika ikirego cya Njuga wamwise...

Umukinnyi wa filime Mutoni Assia wari uherutse kujyana umukinnyi wa filime...
24 May 2019 Yasuwe: 3109 2

Mubyara wa Masamba Intore akaba n’umuvandimwe wa Jules Sentore afungiwe muri...

Umuhanzi w’umurundi Yvan Muziki ufite amaraso yo mu Rwanda ndetse akaba ari...
23 May 2019 Yasuwe: 4379 1