addresiya
startimes

Ne-Yo yaraye akoreye amateka mu gitaramo cyabereye mu nyubako ya Kigali Arena cyanitabiriwe na Perezida Kagame[AMAFOTO]

Imyidagaduro   Yanditswe na: Martin Munezero 8 September 2019 Yasuwe: 2445

Umunyamerika Shaffer Chimere Smith wamamaye mu muziki nka Ne-Yo yagaragarijwe urukundo mu gitaramo gikomeye yaririmbyemo mu Mujyi wa Kigali cyanitabiriwe na Perezida Kagame kiba cyari igitaramo cya mbere kibereye mu nyubako ya Kigali Arena.



Ne-Yo yabyinishije umubare utari mucye wateraniye muri Kigali Arena mu ijoro ryo ku wa Gatandatu tariki 07 Nzeli 2019 muri icyo gitaramo cyari cyitabiriwe kuburyo bukomeye, cyari igiherekeza umuhango wo Kwita Izina wabaye kuwa 06 Nzeli 2019.

Abakunda ibirori no kwidagadura baserutse babyambariye biteguye gutarama n’uyu muhanzi wabanjirijwe ku rubyiniro n’Abanyarwanda barimo Itsinda rya Charly na Nina, Bruce Melodie, Riderman na Meddy.

Umukuru w’igihugu Paul Kagame yabanje kwinjira mbere y’uko bahamagara umuhanzi Ne-Yo ngo aze aririmbe. Abari mu gitaramo bamaze kubona ko na Perezida aje muri iki gitaramo babyishimiye cyane batangira nawe kumuririmbira.

Uyu muhanzi yabanje kuririmba indirimbo zisa nizituje cyane , nyuma yo kuririmba indirimo zitandukanye, Ne-Yo yahinduye imyenda. Mu gihe ku nshuro ya mbere yari yambaye ishati irimo amabara yiganjemo ayijimye, yagarutse ashyiramo ishati yera n’ingofero y’umweru.

Yahise aririmba indirimbo zirimo ‘‘Mad’’ zakunzwe cyane. Yanishimiwe mu ndirimbo ye iri mu nshya yitwa Push Back yakoranye na Stefflon Don . Ne-Yo yari gucurangirwa n’abantu bane barimo babiri bari gucuranga gitari, uwa piano n’uw’ingoma.

Yanaririmbye n’indirimbo zirimo izo yandikiye abandi bahanzi bakomeye muri Leta Zunze Ubumwe za Amerika. Izo yifashishije zirimo ‘‘Let Me Love You’’ ya Omarion’’ na ‘‘Irreplaceable’’ ya Beyonce.

Yahamagaje abakobwa bo kubyinana nawe ageze kuri ‘Summer time’ haza batatu buri umwe yamubazaga aho akomoka mbere y’uko babyinana.

Abo bakobwa bombi bamubyinishije abafana bavuza induru bitewe n’imibyinire yabo. Uwabyinnye neza kubarusha yamuhaye agakomo yari yambaye ku kaboko.

Mu minota ya nyuma y’igitaramo Ne-Yo yifashishije indirimbo zicurangitse mu buryo buvudutse zirimo ‘‘Play Hard’’ yakoranye na David Guetta na Akon; ‘‘Tonight’’.

Indirimbo zisoza igitaramo zakuye hasi ibihumbi by’abakunzi b’umuziki bateraniye muri Kigali Arena, barahaguruka barabyina.

Uyu muhanzi yari ari kunyuzamo akajya mu bafana bagafatanya kuririmba. Umurishyo ushyira iherezo kuri iki gitaramo wakomwe saa Sita n’iminota 57.

Ne-Yo uri mu Rwanda ku nshuro ye ya mbere ari mu byamamare byitabiriye umuhango wo Kwita Izina abana 25 b’ingagi zo mu Birunga mu muhango wabereye mu Kinigi mu Karere ka Musanze ku wa 6 Nzeri 2019. Izina yahaye umwana w’Ingagi ni “Biracyaza.”

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Yanga yatangaje filimi yakunze mu gihe cyose yamaze mu gusobanura...

Umugabo witwa Nkusi Thomas wamamaye mu gusobanura filimi nka...
29 May 2020 Yasuwe: 2476 0

Anne Kansiime yasabwe n’abafana be kugira ikinyabupfura

Nyuma y’aho icyamamarekazi mu gusetsa muri Africa y’Uburasirazuba Anne...
29 May 2020 Yasuwe: 2353 1

Umunyabigwi muri Filimi ku isi yapfuye

Guy Bedos wamamaye mu gukina filime no kuzandika ndetse no gutera urwenya...
29 May 2020 Yasuwe: 895 0

Habayeho imiserero hagati ya Burna Boy na Davido na nubu yanze kurangira...

Umuhanzi Wizkid yerekanye uruhande abogamiyeho hagati ya Davido na Burna...
29 May 2020 Yasuwe: 891 0

Abasekaga Icyongereza cy’umuhanzikazi nyarwanda Sunny yatumye...

Umuhanzikazi Ingabire Sunlight Dorcas wamamaye ku izina rya Sunny amaze...
29 May 2020 Yasuwe: 2855 0

Princess Tiffah yashimishije abafana ubwo yaganiraga na Papa we Diamond...

Nyuma y’imyaka myinshi batabona kandi nta n kuvugana, Zari Hassan asa nkaho...
28 May 2020 Yasuwe: 4214 0