NGARAMBE, amateka ye ari mu byatumye aririmba ngo ‘UMWANA NI UMUTWARE’

Imyidagaduro   Yanditswe na: Nsanzimana Ernest 5 December 2017 Yasuwe: 1590

Umuhanzi akaba n’ umwanditsi w’ ibitabo Ngarambe Francois Xavier avuga ko uko yavutse, uko yarezwe n’ aho yakuriye ari byo byatumye ahimba indirimbo ‘Umwana ni umutware’ imwinjiriza hafi miliyoni 2 ku mwaka.

Nk’ uko Ngarambe yabitangarije UMURYANGO ubutuma buri muri iyi ndirimbo butuma bayikoresha ku maradiyo n’ amateleviziyo kenshi kuko buhura n’ amateka ya benshi bukanabakora ku mutima.

Ati “Umwana ni umutware niyo ndirimbo benshi bazi nk’ aho ari yonyine ngira, mfite n’ izindi ariko ‘Umwana ni umutware’ niyo yakoze ku mitima y’ abantu, ihura n’ amateka ya buri wese, ihura n’ uko abantu babona Isi , n’ uko babona abandi bigatuma kenshi bayicuranga ku maradiyo bakanayerekana ku mateleviziyo.

Ngaramba kuri ubu ufatwa nk’ umuvugizi w’ abana avuga ko iyi ndirimbo umwana ni umutware ariyo ituma n’ izindi yaririmbye zimenyekana ndetse ngo amasoko yose afite agendera ku ndirimbo ‘Umwana ni Umutware’

Ati “Ngewe ntekereza ko amafaranga mbona ku mwaka nkesha iyi ndirimbo agana kuri miliyoni ebyeri gusa.”

Imvo n’ imvano y’ indirimbo ‘UMWANA NI UMUTWARE’

Ngarambe avuga ko kuba yaravutse ari ikinege akabona benshi bamwitaho, no kuba yaranyuraga ku bana bakamutegeka ikintu agahita agikora nyamara umuntu mukuru iyo amubwiye ikintu adahita agikora aribyo byatumye aririmba ko ‘umwana ari umutware’.

Ati “Indirimbo Umwana ni umutware nayihimbye ngendeye aho nari umwarimu muri IFAK, hano ku Kimihurura I Kigali, noneho uko nshiye hafi y’ abana bo muri maternaire, nabareba nkumva ndishimye. Bakaza banyirukankira banyishimiye nkabaterura nkabadabagiza nk’ uko mbiririmba, bansaba ikintu nkagikora, bambwira ngo twiruke nkiruka, bakamwira ngo mbacurangire kuko akenshi nagendanaga gitari nkabacurangira… nkabona ariko se? umwana icyo avuze cyose ndagikora, umukuru yambwira ngo kori iki kori iki nkabanza ngatekereza ariko umwana nkabona nihutira kumwumvira”

Ngo yaje gucengura asanga ubuzima bwe bwose uko umwana bamwitaho , uko bagena gahunda bakurikije we, asanga koko ari ‘umutware’.

Yungamo ko akenshi umuhanzi aririmba ibyo abona hakaba n’ igihe agendeye ku buzima bwe ati “Nanjye navutse ndi umwana w’ ikinege, donc amaso yose ninjye yarebaga, amatwi yose ninjye yumvaga, imitima yose ninjye yari itumbiriye, ngira experience yo kumva urukundo ruhebuje nkunzwe n’ abantu bose. Nanjye rero nkumva umwana yagakwiye gukundwa nk’ ikinege ni ubwo yaba ari mu bana 10, agafatwa neza.

Icyo ijambo ‘umutware’ Ngarambe yakoresheje risobanuye ati “Abantu akenshi batinya abatware batinya ko bashobora kuba babakandamiza, ariko umutware ni umuntu witaweho, babungabunga umutekano we bakawumenya kubera ko afite icyo abamariye”

Ngarambe Francois Xavier ni umubyeyi w’abana batanu, Ngarambe Rwego Emmanuel-Jim, Ngarambe Rwema Daniel-Marie (umuhanzi), Ngarambe Rwiru Nganzo Claude-Samuel, Ngarambe Rwere Michael ( umushushanyi ) na Ngarambe Rwiza Raphael. Yavutse tariki ya 3 Ukuboza 1962, indirimbo umwana ni umutware yayihimbye mu 1987.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mu mafoto reba urutonde rw’abahanzikazi nyarwanda 5 bari gukurura cyane...

Abakobwa beza cyane Abahanzikazi nyarwanda bahiga abandi mu buranga...
25 April 2018 Yasuwe: 4521 1

Rubyogo uzwi muri filime nyarwanda amabere ye atuma bamwitiranya...

Umukinnyi wa filime nyarwanda uzwi nka Rubyogo yatangaje abantu kubera...
25 April 2018 Yasuwe: 2585 0

Ntibisanzwe: Umukobwa yambariye impanga ye y’umuhungu mu bukwe...

Umusore witwa Ayotunde Ilesanmi yambariwe n’impanga ye y’umukobwa witwa...
25 April 2018 Yasuwe: 5245 0

Inkweto Michael Jackson yabyinanye mu w’1983 atarapfa zashyizwe ku isoko ku...

Irebere Inkweto Michael Jackson yambaye mu myaka irenga 35 ishize, zikaba...
25 April 2018 Yasuwe: 765 0

Bwa mbere mu mateka y’u Rwanda umuhanzi yakoze amashusho arimo abakobwa...

Lion Gaga yakoze amashusho arimo abakobwa bambaye ubusa amabere ari hanze...
25 April 2018 Yasuwe: 9280 1

Falcon ufite igitsina kirekire ku isi yavuze ko uyu mwaka kiyongereyeho...

Umunyamerika Jonah Falcon w’imyaka 41 wemejwe ko afite igitsina kinini...
25 April 2018 Yasuwe: 4087 0