Nizeyimana Lucky wa RBA yasabye abahanzi b’abanyarwanda barimo Meddy,Kitoko,Alpha,Priscillah n’abandi gutaha

Imyidagaduro   Yanditswe na: Martin Munezero 17 March 2020 Yasuwe: 4606

Luckyman ukora muri RBA, kuri iki Cyumweru yavuze ko yumva abahanzi bose baba hanze y’u Rwanda bagaruka bagakorera umuziki wabo mu gihugu, kuko byazamura umuziki Nyarwanda ku rwego mpuzamahanga.



Aganira na Afrimax tv, Lucky yavuze ko abahanzi benshi bari hanze y’igihugu bagarutse byaba byiza kuko byaba umuyoboro kw’abahanzi Nyarwanda kwamamara imbere mu gihugu no hanze y’u Rwanda. Yagize ati “Dukeneye kubabona hano, bagaruke. Industry(uruganda rwa muzika) ikomere.

Uyu munsi umuhanzi runaka asohore indirimbo n’undi muhanzi runaka asohore indirimbo.” Lucky yongeyeho ko we abona bidashimishije ko abahanzi nyarwanda baguma hanze. Yagize ati”Ntabwo ari byiza ko uyu munsi, umuhanzi ; Meddy, The Ben, cyangwa reka mvuge Kitoko, Alpha baguma muri Leta zunze Ubumwe za Amerika.”

Lucky nk’umunyamakuru ufite ubunararibonye mu bijyane n’umuziki nyarwanda, yavuze ko impamvu yifuza ko abahanzi baba hanze bagaruka, ari uko hari Abanyarwanda babakeneye kandi babakunda ariko batababona.



Yagize ati”Hari abantu babakunda, hari abakunda ibihangano byabo, bashaka kubona ibyo bitaramo byabo hano.” Yongeyeho ko icyo yifuza atari ukubahanganisha n’abandi bahanzi, ahubwo ko ari yo nzira y’iterambere ry’umuziki muri rusange. Yagize ati”Si ukuvuga ngo baze bakore ibitaramo bahangane, ahubwo nibaze bahangane by’umuziki, uyu munsi tubone abahanzi bacu aha.”

Kuba abahanzi bo mu bindi bihugu nka Nigeriya cyangwa Tanzaniya ari abahanzi bamaze kwamamara ku rwego mpuzamahanga, Umunyamakuru Lucky ashimangira ko babifashwamo no kuguma mu bihugu bavukamo. Yatanze urugero ku bahanzi barimo Wizkid na Yemi Alade bo muri Nigeriya, basanzwe baba iwabo ariko bakaba bamaze kubaka izina hirya no hino ku isi kandi batarimutse.

Lucky yavuze ko nubwo mu Rwanda dufite abahanzi ariko ko bataragera ku rwego mpuzamahanga nk’abo mu bindi bihugu. Ati”Uyu munsi nta muhanzi ushobora kujya hanze y’igihugu ngo akomere bya hatali ngo tumumenye ari hanze y’igihugu.”Ahawe urugero rwa Meddy na The Ben yagize ati”Abo bahanzi ni abahanzi b’abanyarwanda, ariko ntabwo bakomeye ku rwego rw’isi.”



Yongeyeho ko ku ruhande rwe atamenya icyo bo(abahanzi) batekereza, ariko ko ikigaragara ari uko iyo aba bahanzi bagarutse mu Rwanda ari bwo abantu bongera kubamenya cyane.

Kuri ubu umuhanzi aba akwiye kubanza kumenyekana aho akomoka nyuma akamenyekana no hanze y’iwabo. Lucky yakomeje avuga ko hano mu Rwanda kugirango umuhanzi azamuke ku rwego mpuzamahanga akwiye kubanza akamenyekana mu gihugu imbere. Ati”Mu Rwanda dufite miliyoni 12 hafi 13(abaturage), nibaze twibere hano, dushyire hamwe, abantu batumenye nibatumenya hano, bizajya no hanze.”

Abahanzi umunyamakuru Lucky yakanguriye kugaruka mu Rwanda harimo; Meddy, The Ben, Kitoko, Alpha, Producer Licky Licky, K8 Kavuyo, Priscilla n’abandi. Uretse abo hari n’abandi bahanzi baba hanze y’u Rwanda barimo; Kameshi, Real Emmy, n’abandi.

Umunyamakuru Lucky ni umwe mu banyamakuru bo mu Rwanda bamaze gushyira itafari mu kubaka umuziki n’imyidagaduro hano mu Rwanda. Uyu munyamakuru ubu ukora mu kigo cy’igihugu cy’itangazamakuru RBA, mu myaka ine amaze mu itangazamakuru yakoze akazi kagarararira buri wese mu bijyanye n’umuziki hano mu Rwanda. Lucky kandi ni umwe mu bakora imirimo itandukanye ifitanye isano n’iterambere ry’imyidagaduro harimo n’ubu MC(ubushysuhyarugamba).

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Icyamamare muri Sinema Nyaniso Dzedze yasabye ko umugore we wafashwe avuye...

Icyamamare muri sinema muri Afurika y’Epfo, Nyaniso Dzedze, aratabaza...
25 March 2020 Yasuwe: 7212 0

Ronaldinho yeretswe urukundo rudasanzwe n’imfungwa bafunganwe muri Paraguay...

Uwahoze ari umukinnyi w’icyanmamare mu mupira w’amaguru Ronaldinho yagaragaye...
22 March 2020 Yasuwe: 4294 0

Eddy Kenzo yatakambye asaba ubufasha ngo asubire muri Uganda nyuma yo...

Umuhanzi wo muri Uganda Idrisa Musuuza uzwi ku izina rya Eddy Kenzo yaheze...
22 March 2020 Yasuwe: 2452 0

Diamond n’abakozi be bose bo muri Wasafi bashyizwe mu kato

Perezida wa WCB, Diamond Platnumz hamwe na bamwe mu bakozi bayo bashyizwe...
21 March 2020 Yasuwe: 2771 0

Raquel Murillo wakunzwe muri La Casa de Papel yanduye Coronavirus

Umugore witwa Itziar Ituño Martínez wamenyekanye muri Filimi ya La Casa de...
21 March 2020 Yasuwe: 2216 0

Winnie Nwagi umuhanzikazi wo muri Uganda yarakariye bikomeye umufana...

Umuhanzikazi wo muri Uganda ’Winnie Nwagi’ ubarizwa muri label ya Swangz...
20 March 2020 Yasuwe: 3243 0