Ntabwo nenga aba Miss bambara Bikini ahubwo nenga ababategeka kuzambara- Rucagu Boniface

Imyidagaduro   Yanditswe na: Muhire Jason 3 October 2018 Yasuwe: 709

Rucagu Boniface yanenze abantu bategeka ba Nyampinga kwambara bikini avuga ko aribo babakoresha amakosa.

Rucagu Boniface uba mu kanama ngishwanama k’inararibonye z’igihugu avuga ko Nyampinga atari izina rihabwa abanyura mu marushanwa y’ ubwiza ahubwo ngo byitwaga umukobwa wagaragazaga imico myiza ubwo yabaga avuye iwabo agiye kubaka urwe.

Rucagu Boniface mu kiganiro yagiranye n’umuseke yashimye ko hariho irushanwa ry’ubwiza kandi akavuga kandi ko muri rusange Abanyarwandakazi bambara bakikwiza.

Ati:“ Ni abo gushimwa pe kuko n’ abanyamahanga barabashima uzarebe nk’ Abazungu iyo baje inaha usanga bambaye imikenyero kandi babyishimiye cyane.”

Nubwo hari abo ashima ariko ngo hari n’abo anenga cyane cyane mu rubyiruko biyambika ubusa.

Ati “ Niba Abanyarwanda barateye intambwe bakabona ko kwikwiza ari byiza muri iki gihe kuki abana bato bakabigendeyeho bakabikora bakareka kwitesha agaciro biyambika ubusa!”

Yakomoje no kuri ba Miss bajya batorwa ugasanga ngo abantu barabyitiranya bakamuha izina rya nyampinga kandi kuri we ngo bidakwiriye.

Rucagu avuga ko hambere amarushanwa nkariya atabagaho. Gusa ngo ba nyampinga bahozeho.

Ati “ Kwitwa Nyampinga ntibyasaga kunyura mu marushanwa….Nyampinga yari umukobwa urangwa n’ ibikorwa byiza yakoze, ni izina rihabwa umukobwa wavuye mu rugo rw’ ababyeyi agashaka umugabo yagera mu rwe akarufata neza noneho abo mu muryango we bamugana bababaye akababera igisubizo.

Ngo ntabwo anenga aba Miss bambara Bikini ahubwo anenga ababategeka kuzambara

Rucagu kandi yanashimye cyane abakobwa bajya baserukira igihugu mu marushanwa y’ ubwiza bakitwara neza bakavuga neza igihugu iyo mu mahanga.

Ariko ngo akananenga abategeka bariya bakobwa kwambara za bikini.

Ati “ Hari abo njya mbona biyambitse impenure ariko ahanini sibo nenga cyane ahubwo nenga ababibakoresha.”

Rucagu yavuze hagize umukobwa ujya hanze mu mahanga aho bambara biriya nawe akabyambara ngo ntiyamuveba ariko ngo uwajyayo mu izina ry’u Rwanda akambara bikini yamunenga kuko zitari mu muco w’Abanyarwanda.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umukunzi wa Pacento yashyize hanze umusore wamushukishije ibihumbi...

Umukunzi wa Pacento yashyize hanze umusore wamuhaye ibihumbi 60,000frw...
12 December 2018 Yasuwe: 1917 0

Mu Rwanda hateguwe igitaramo kizahuriza hamwe abasore n’abakobwa...

Taliki ya 30 Ukuboza 2018, hazaba ibirori byahariwe abana b’impanga aho kuri...
12 December 2018 Yasuwe: 1223 0

Umunyarwenyakazi Anne Kansiime yagaragaye arimo gusomana n’umukunzi...

Anne Kansiime yagaragaye arimo gusomana n’umukunzi we mushya uzwi nka...
12 December 2018 Yasuwe: 1690 0

Abantu batunguwe n’imyaka y’umwana w’umusizi uherutse guca ibintu ku mbuga...

Ku mbuga nkoranyambaga zitandukanye hakwirakwijwe amashusho y’umusizi...
12 December 2018 Yasuwe: 2411 0

Nicki Minaj ari mu rukundo n’umusore wigeze gushinjwa gufata ku ngufu no...

Nicki Minaj yatangaje ko ari mu rukundo n’umusore witwa Kenneth ’Zoo’ Petty...
11 December 2018 Yasuwe: 1161 0

Huddah Monroe ngo ashimishwa nuko umugabo we amuca inyuma

Huddah Monroe yatangaje ko yemerera umukunzi we kumuca inyuma kuko ngo...
11 December 2018 Yasuwe: 1879 0