Oda Paccy yahakanye yivuye inyuma ubwambuzi n’ubuhemu ashinjwa

Imyidagaduro   Yanditswe na: Martin Munezero 22 July 2017 Yasuwe: 1547

Kuri uyu wa Kane tariki 20 Nyakanga 2017 ni bwo ku mbuga nkoranyambaga hatangiye gucicikana inkuru ivugako Oda Paccy yaba yarambuye ababyinnyi bamubyiniye muri PGGSS7 ndetse banamwita umwambuzi n’umuhemu ,ariko we akaba yabihakanye yivuye inyuma.

Amakuru agera k’Umuryango avuga ko umwe mu basore bane babyiniye Oda Paccy ariwe wakwirakwije ayo makuru aho yavugaga ko ari nawe wumvikanye na Paccy maze aba ariwe uzana abandi babyinnyi batatu bafatanyije kumubyinira muri Guma Guma.

Uyu musore kandi agakomeza anavuga ko we Paccy nta kibazo bafitanye yamwishyuye amafaranga yose ahubwo ko ngo ari abandi babyinnyi babili muri batatu yazanye ari kwishyuriza kubera ko bo ngo atarabishyura.

Ubu buhemu n’ubwambuzi umuhanzikazi Oda Paccy ashinjwa, byatumye twegera Oda Paccy, tuganira na we tumubaza niba niba koko aribyo yaba yarambuye amafarnga ababyinnyi babili mu bamubyiniye,maze ahita abyamaganira kure ndetse avuga ko nawe yabyumvise biramutungura.

Tumubajije uko iki kibazo gishobora no kumwanduriza izina uko ari kucyitwaramo,maze adusubiza ko bitewe nuburyo yabyumvise maze bikanamutera guhangayika, yahise afata umwanya we ubwe yihamagarira ababyinnyi be bose bivugwa ko ngo yaba yarambuye amafaranga.Ubu amajwi yose y’ababyinnyi batatu bose yavuganye nabo havuyemo uwagiye amwanduriza izina bitewe nuko we nubundi avuga ko nta n’ikibazo we bafitanye cy’amafaranga barangizanyije, uretse ko ngo na Telefone ye itarinariho umunsi wose.

Mu majwi Umuryango Ufite y’aba basore bose uko ari Batatu ,harimo babili bivugwa ko aribo Oda Paccy yambuye amafaranga ,bose barabihakana ndetse wumva nabo basa n’abatunguwe kumva iyo nkuru ,aho bose bagiye banahuriza ku ijambo rimwe,bavuga ko kuva bava muri Guma Guma batarahura n’uwo musore ushinja Oda Paccy kwambura bagenzi be.

Tubajije Oda Paccy impamvu yumva yatuma umubyinnyi we agenda amusebya ,yaba ari iyihe,maze atubwira ko impamvu yumva yabimutera bwaba ari ubugambanyi bwaba bwarabaye hagati y’umubyinnyi we ndetse n’umunyamakuru wakwirakwije iyo nkuru bashaka kumuhirika ,babinyujije mu kumusebya,Paccy kandi akomeza avuga ko agiye gutohoza icyaba kihishe inyuma yibi yita Ubugambanyi budasanzwe ,kugira ngo agihere mu mizi kitazongera gushibukana ikindi gihuha no kumusebya.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble KaKa

    Uyu mukobwa turamurambiwe mu binyamakuru
    Twunve nta nicyo inkuru ze zimarira abanyarwanda.turamurambiwe

    July 2017

Inzindi nkuru

Bahati wo muri Just Family yasubije Young Grace wamwibasiye avuga ko akunda...

Nyuma y’aho umuhanzikazi Young Grace yibasiye bikomeye umuhanzi Bahati...
18 June 2018 Yasuwe: 2543 0

Diamond Platnumz yiseguye ku bana be ’Tiffah na Nillan’ yabyaranye na Zari...

Umuhanzi Diamond Platnumz yiseguye kubana be(Tiffah na Nillan) yabyaranye...
18 June 2018 Yasuwe: 1781 0

Justin Bieber yagaragaye ari gusomana n’umukunzi we mu ruhame...

Umuhanzi Justin Bieber yagaragaye ku munsi w’ejo ku Cyumweru Taliki ya 17...
18 June 2018 Yasuwe: 1274 0

Beyonce na Jay Z basomaniye imbere y’imbaga ubwo bari mu gitaramo mu...

Beyonce n’umugabo we Jay Z baaragaye bari gusomanira mu imbere y’abantu ubwo...
17 June 2018 Yasuwe: 2760 0

Mu Bwongereza hafunguwe resitora yinjirwamo n’ uwambaye uko yavutse[AMAFOTO]

Mu murwa mukuru w’igihugu cy’Ubwongereza London hafunguwe inzu...
15 June 2018 Yasuwe: 10448 1

Safi yakosorewe mu ruhame kubera icyongereza cye gikocamye kandi byitwa...

Mu gitondo cyo kuri uyu wa 14 Kamena 2018, Safi Madiba yanditse ubutumwa...
15 June 2018 Yasuwe: 7144 9