Umuraperi Uzamberumwana Pacifique [Oda Paccy] yafotowe amafoto yatunguye benshi bibaza ubuhanga yabikoranye kugirango uwamufotoraga nta murunguruke, uyu mukobwa yabikoze yabanje kubyigaho.
Mu kiganiro na IGIHE ducyesha iyi nkuru, OdaPaccy yavuze ko kwifotoza atya ari ibintu yumva ko “bigezweho kandi bigaragaza umwihariko w’umuhanzi”. Ati “Nifotoje gutya kugira ngo nzane impinduka, ibintu bikwiye guhinduka.”
Aya mafoto y’ubwambure yayifotoreje kuri Stipp Hotel mu Kiyovu.Abajijwe uko yabigenje (...)

Sponsored Ad

Umuraperi Uzamberumwana Pacifique [Oda Paccy] yafotowe amafoto yatunguye benshi bibaza ubuhanga yabikoranye kugirango uwamufotoraga nta murunguruke, uyu mukobwa yabikoze yabanje kubyigaho.

Mu kiganiro na IGIHE ducyesha iyi nkuru, OdaPaccy yavuze ko kwifotoza atya ari ibintu yumva ko “bigezweho kandi bigaragaza umwihariko w’umuhanzi”. Ati “Nifotoje gutya kugira ngo nzane impinduka, ibintu bikwiye guhinduka.”

Aya mafoto y’ubwambure yayifotoreje kuri Stipp Hotel mu Kiyovu.Abajijwe uko yabigenje kugirango umufotozi atarabukwa ubwambure bwe yavuze ko ari ibintu yatekerejeho mbere y’uko abikora.

Aho yagize ati “Mu kwifotoza nagerageje gushaka ahantu hajya kuba nk’agashyamba mbese hasa icyatsi, hariya hari hajyanye n’ibyo nifuzaga kugeraho. Ni mu Kiyovu kuri Stipp Hotel.”

Paccy yagiye anengwa kubera gushyira hanze amafoto bamwe bafata nk’urukozasoni

Yungamo ati “Naramubwiraga akipfuka mu maso nkabanza ngatunganya ikoma neza ubundi agafotora.”

Yongeyeho ati “No kwambara kuriya nta kindi nari ngamije, byari uguteza imbere gahunda ya Made in Rwanda. Nonese kuki abanyamideli biyerekana bambaye ibirere mukabona ari byiza? Nanjye nibyo nahisemo kandi byari byiza.”

Kugeza ubu Oda Paccy aritegura gushyira hanze indirimbo yise Order’ afatanyije na Urban Boyz. Ku ifoto yamamaza iyi ndirimbo Oda Paccy agaragara yambaye uko yavutse uretse urukoma yakinze ku gice cy’amabere rukanakingiriza hagati y’amaguru.

Oda Paccy ni umwe mu bahanzi bakomeye cyane muri muzika nyarwanda akaba yari n’umwe mu bahatanaga mu irushanwa rya PGGSS7 aho yegukanye umwanya wa gatandatu.

Photos: Mahoro Luqman/Igihe