Umuraperi w’umuherwe muri USA,Puff Diddy yababaje benshi mu bakunzi ba muzika kubera amafoto yagiye hanze yicaye imbere y’igituro cy’uwahoze ari umugore we Kim Porter wapfuye ku wa Kane w’icyumweru gishize azize indwara y’ubuhumekero izwi nka pneumonia.

Sponsored Ad

Ku munsi w’ejo nibwo habaye umuhango wo gushyingura uyu wahoze ari umufasha wa P Diddy babyaranye abana 3,witabiriwe n’abagera ku 1,500 biganjemo ibyamamare bitandukanye.

Umuhango wo gushyingura Kim Porter w’imyaka 47 watangiye saa tanu z’amanywa, tariki 24 Ugushyingo, 2018 mu rusengero rwa Cascades Hills i Columbus,ahasanzwe hashyinguye mama we Sarah Lee Porter,wapfuye muri 2014.

Sean ’Diddy’ Combs w’imyaka 49 yagaragaye wenyine ku gituro cy’uyu mugore we,afite agahinda kenshi bikora benshi ku mutima.

Bimwe mu byamamare birimo Mary J. Blige, Dallas Austin, Ebony Electra, Marvett Britto, Diddy, Quincy Brown n’abandi bitabiriye umuhango wo gushyingura Kim Porter.