skol
startimes

Perezida Magufuli yongeye guhuriza ku meza imwe abakeba,Diamond,Ali Kiba na Harmonize[AMAFOTO]

Imyidagaduro   Yanditswe na: Martin Munezero 17 September 2020 Yasuwe: 2525

Perezida wa Repubulika ya Tanzania, Dr. John Pombe Magufuli akomeje gushyikira abahanzi Diamond Platinumz na Harmonize mu buryo butabogamye.


Aba bahanzi bakoranye igihe kirekire mu nzu ya Wasafi Classic Baby (WCB) itunganya umuziki, bombi barakunzwe cyane muri Tanzania, mu Karere k’Afurika y’Uburasirazuba ndetse n’Afurika muri rusange.

Perezida Magufuli uzi neza ko aba bahanzi batacyumvikana nyuma yo gutandukana, agerageza ibishoboka byose akabashyigikira, akirinda gusumbisha umwe mugenzi we.

Byatangiye kugaragara muri Nyakanga 2020 ubwo Magufuli wari yatangiye ibikorwa byo kwiyamamaza mu ishyaka Chama Cha Mapinduzi (CCM), bihuriramo Ali Kiba na Diamond batajya imbizi igihe kirekire ndetse na Harmonize.

Harmonize, Magufuli, Nandy, Ali Kiba na Diamond Platinumz bari bitabiriye iki gikorwa

Icyo gihe Perezida Magufuli yabashimiye ko birengagije urwango bafitanye, agira ati: “Mwabonye Ali Kiba yicaranye na Diamond ku meza amwe, murebe neza na Harmonize baricaranye iyi niyo CCM. Iyi ni yo Tanzania twifuza, aba ni bo banya Tanzania bazi urukundo. Ndabashimira cyane bahanzi bacu, mbarimo ideni rikomeye cyane kubera iki gikorwa mwakoze.”

Aba bahanzi bose bahuriye ku meza amwe

Mu bikorwa byo kwiyamamaza by’ishyaka rya CCM bigikomeje, tariki ya 7 Nzeri 2020 Diamond Platinumz yatumiwe ku kibuga cya Kirumba mu Ntara ya Mwanza. Icyo gihe Magufuli yahamagaye uyu muhanzi wari ku rubyiniro, amukurira ingofero yari yambaye maze arayimwambika.

Ibyishimo byari byinshi kuri Diamond wari ugiye kwambikwa ingofero na Magufuli

Icyo gihe Diamond Platinumz amaze kwambikwa iyi ngofero, yagize ati: “Urakoze cyane Nyakubahwa Perezida Dr. John Pombe Magufuli. Iyi ngofero isobanuye byinshi kuri njye n’urubyiruko rufite inzozi zitandukanye mu buzima. Ngushimiye ubuyobozi bwawe budufasha kugera ku nzozi zacu.”

Uyu Mukuru w’Igihugu na none muri ibi bikorwa byari bikomereje muri Chato kuri uyu wa 14 Nzeri 2020, yahamagaye Harmonize wari ku rubyiniro, na we amwambika indi ngoferi mu buryo bwo kugaragaza ko yishimiye imiririmbire ye, no kumutera agatege ngo akomeze agaragaze impano yo gususurutsa Abanyatanzania.

Harmonize amaze kwambikwa iyi ngofero, yagize ati: “Urakoze cyane Perezida wanjye Dr. John Pombe Magufuli. Nicaye hano ntekereza icyo nakora bitewe n’aka gaciro kanini nahawe, n’ubu sindabona igisubizo bavandimwe. Nimungire inama y’aho ntangiririra.”

Ubusanzwe, Diamond Platinumz ni abayoboke b’ishyaka CCM ryafashe ubutegetsi kuva Tanzania yabona ubwigenge, ibukuye mu maboko y’Abakoloni.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba amafoto utabonye ya Uwicyeza Pamela uri mu rukundo rweruye na The Ben...

Umuhanzi w’icyamamare mu Rwanda,Mugisha Benjamin uzwi cyane nka The...
4 December 2020 Yasuwe: 2361 1

Ihere ijisho abakobwa b’uburanga bavuzwe mu rukundo na The Ben[AMAFOTO]

Imyaka 12 amaze mu muziki, umuhanzi Mugisha Benjamin uzwi nka The Ben...
3 December 2020 Yasuwe: 3172 0

Rihanna mu munyenga w’urukundo na A$AP[AMAFOTO]

Ibinyamakuru bitandukanye byatangaje ko umubano wa Rihanna n’umuraperi A$AP...
3 December 2020 Yasuwe: 1757 0

Reba ibigwi by’umuhanzi Bebe Cool uri mu bakize mu karere k’ibiyaga...

Umuhanzi,Umwanditsi, Umukinnyi wa Filimi ndetse akaba atunganya umuziki,...
2 December 2020 Yasuwe: 1880 0

Diane wamenyekaniye muri Filimi ya City Maid yakorewe ibirori byo gusezera...

Usanase Bahavu Jeannette wamenyekanye nka Diane muri Filime y’Uruhererekane...
2 December 2020 Yasuwe: 2881 0

Imyiyereko y’ubwiza y’abana b’abakobwa batarengeje imyaka 5 yateje...

Muri iki gihe tugezemo, ababyeyi bakora uko bashoboye kose bakigisha abana...
2 December 2020 Yasuwe: 3092 0