Perezida Museveni yubahirije isezerano ubwo yasangiraga amafunguro ya ku manywa n’umukobwa wabahesheje ishema akegukana ikamba rya Miss Afrika we n’abagize umuryango we[AMAFOTO]

Imyidagaduro   Yanditswe na: Martin Munezero 31 December 2018 Yasuwe: 5546

Ku mugoroba w’ejo, Perezida wa Uganda Yoweri Kaguta Museveni n’umuryango we bafatanye ifunguro na Quiin Abenakyo, Nyampinga wa Uganda uheruka kwegukana ikamba rya Nyampinga w’umugabane wa Afurika. Uyu mukobwa na we yari kumwe n’abagize umuryango we.

Iri funguro ryafatiwe mu rugo rwa Perezida Museveni ruherereye ahitwa Rwakitura.

Ni ku bw’isezerano Perezida Museveni yari yarahaye uyu mukobwa ubwo yamwakiraga mu biro bye biherereye Entebbe. Perezida Museveni yasezeranyije Nyampinga wa Uganda ko bazafatana ifunguro iwe mu rugo mu rwego rwo kumushimira byimazeyo kubera ishema yahesheje Uganda.

Perezida Museveni yishimiye ko Nyampinga wa Uganda yakoze ibyo yamusabye ubwo bahuraga nyuma gato y’uko ava mu marushanwa ya Nyampinga w’Isi yaberaga mu Bushinwa. Ubwo uyu mukobwa yabonanaga na Perezida Museveni, yamusabwe ko yakogosha imisatsi nk’iy’Abahinde yari afite agasigarana umusatsi we karemano.

Kuba uyu mukobwa yabonanye n’umukuru wa Uganda afite umusatsi we w’Abanyafurika, byamushimishije[Museveni] cyane bituma anerekanira amarangamutima ye kuri Twitter.

Ati” Ubwo twahuriraga Entebbe, nagiriye Abenakyo inama yo kugumana umusatsi we karemano. Nejejwe cyane no kuba yarazirikanye iyo nama akongera kwisubiza ikimuranga nk’Umunyafurika. Imana yaremanye Abanyafurika uburanga, bityo nta mpamvu yo kugira ikindi babwongeraho cyangwa ngo babuvangire.”

Perezida Museveni kandi yijeje Abenakyo ubufasha azakenera bwose mu mishanga ye, anamwifuriza ishya n’ihirwe ku ngoma ye nka Nyampinga wa Uganda n’uwa Afurika.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyarwandakazi Neza n’umuhanzi ukomeye muri Nigeria bateraniye imitoma ku...

Neza Patricia Masozera umwe mu bahanzi b’abanyempano bakomoka mu Rwanda,...
17 June 2019 Yasuwe: 568 0

Akayabo Nsengiyumva uzwi nka gisupusupu ahembwa ku gitaramo kamaze...

Umuhanzi Nsengiyumva Francois wamamaye nka Igisupusupu kubera indirimbo ye...
17 June 2019 Yasuwe: 8590 0

Micheal Sarpong uvugwaho gushurashura cyane yajyanye mu biruhuko n’umukobwa...

Rutahizamu wa Rayon Sports,Micheal Sarpong umaze igihe avugwaho kugirana...
16 June 2019 Yasuwe: 8903 2

Jessica umaze kugaragara cyane mu mashusho y’abahanzi nyarwanda batandukanye...

Umukobwa umaze kugaragara cyane mu mashusho y’abahanzi batandukanye,...
15 June 2019 Yasuwe: 6518 1

Urukundo ruravuza ubuhuha hagati y’umunyarwenya Anne Kansiime n’umusore...

Umunyarwenya ukunzwe ku mugabane w’Africa, Anne Kansiime yashimangiye ko...
15 June 2019 Yasuwe: 5515 1

Reba ubwiza n’imiterere by’abanyarwandakazi 2 bari mu bakobwa 12 bageze mu...

Umukobwa witwa Bahenda Amanda na Ines Karangwa bakomoka mu Rwanda bari mu...
15 June 2019 Yasuwe: 6302 1