Polycarp wo muri Sauti Sol yakoze ubukwe mu ibanga rikomeye

Imyidagaduro   Yanditswe na: Muhire Jason 16 November 2018 Yasuwe: 1488

Polycarp umwe mu basore bagize itsinda rya Sauti Sol yakoze ubukwe mu ibanga n’umukobwa bakundanye imyaka 5 witwa Lady Mandy ukomoka mu gihugu cy’Uburundi.

Polycarp Otieno uzwi nka Fancy Fingers umucuranzi wa gitari akaba n’umusore utunganya indirimbo mu buryo bw’amajwi mu itsinda rya Sauti Sol yakoze ubukwe n’umukobwa bamaze imyaka 5 bakundana uzwi nka Lady Mandy ,aho ibirori byabo byabereye ahitwa Hotel Fairmont Mount Kenya Safari Club iherereye mu gihugu cya Kenya.

Nkuko tubikesha ibinyamakuru byo muri Kenya byavuze ko iyi mihango yabo y’ubukwe yabaye mu ibanga rikomeye aho umuntu wese wari kwitabira ubu bukwe yari yarahawe ubutumie mu ibanga ndetse n’abageragezga gushaka kumenya aho ibi birori biri kubera bimwaga amakuru ngo kuko abatumiwe bose bari babujijwe kugira icyo babivugaho.

Ubu bukwe bubaye nyuma y’amezi 3 uyu musore asabye uyu mukobwa ko bakwibanira akaramata aho bafashe nzira bakerekeza mu gihugu cy’Uburundi kujya gukorerayo umuhango wo gukwa umugeni , ngo naho icyo gihe batumiye inshuti zabo za hafi ndetse n’imiryango yabo bombi.

Ikindi ngo ni ibirori byaranzwe n’udushya gusa kuko buri mutumirwa wese yari yagenewe n’icyumba araza kuraramo kuko ngo uwo muhango w’ubukwe wabaye mu gicuku aho buri mushyitsi wese yakodesherejwe icyumba cy’ibihumbi Sh20,000 by’amashiringi ya Kenya.

Uyu muhango witabiriwe n’abayobozi batandukanye barimo ambasaderi w’Uburundi Ken Vitisia ,abahanzi baririmbana n’uyu musore ndetse n’abandi barimo Dela Maranga, Idd Aziz ndetse na abacuranzi ba Saut Sol bacuranga umuziki w’umwimerere [Live Band].

Twakwibutsa ko umuhango wo kwambikana impeta hagati yaba bombi wabaye mu kwezi kwa Kanama uyu mwaka aho ibirori nabw byatumiwemo abantu mbarwa .Andi makuru adafitiwe gihamya neza aravuga ko umuhango wo kwikira abatumirwa uzategurwa mu kwezi gutaha aho ngo banashobora guha umwanya bamwe mu nshuti zabo bakitabira ibirori byabo.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Tanasha yavuze uburyo yamenyanye na Diamond n’ibindi yamukundiye[AMAFOTO]

Umunyakenyakazi Tanasha Donna witegura kurushinga n’umuhanzi wo muri...
18 January 2019 Yasuwe: 569 0

Ifoto igaragaza ibibero bya ShaddyBoo yashyize hanze yavugishije abatari...

Umwe mu bagore bamaze kumenyekana mu Rwanda no mu karere kubera gukoresha...
18 January 2019 Yasuwe: 4077 0

Nyuma y’ibyo abategura Miss Rwanda batangaje abakunzi ba Mwiseneza Josiane...

Mu gihe irushanwa rya Nyampinga w’u Rwanda ririmbanyije abantu benshi...
18 January 2019 Yasuwe: 4290 0

Zari yambuwe akazi yari yarahawe na Leta gahabwa umukobwa wahesheje ishema...

Mu gihe hari hamaze igihe hahwihwiswa ko Zari Hassan wari warahawe...
18 January 2019 Yasuwe: 2193 0

Iyi niyo mpamvu King James avuga ngo yatumye akoresha umukobwa ufite...

Mu masaha y’umugoroba wo ku wa Gatatu tariki 16 Mutarama 2019, King James...
18 January 2019 Yasuwe: 1394 0

Ifoto Oda Paccy yashyize hanze yo mu myaka 10 ishize yatunguye benshi ituma...

Umuraperikazi Uzamberumwana Pacifique uzwi ku izina rya Oda Paccy yibasiwe...
17 January 2019 Yasuwe: 6152 0