addresiya
startimes

Rania Youssef ashobora gufungwa imyaka 5 azira imyambarire ye [AMAFOTO]

Imyidagaduro   Yanditswe na: Muhire Jason 2 December 2018 Yasuwe: 1980

Rania Youssef azatangira kwiregura muri mutarama aryozwa kwambara ikanzu imwambika ubusa mu ruhame.



Umukinnyikazi w’amafilimi wo mu gihugu cya Misiri yiyambitse ikanzu itangaje igaragaza bimwe mu bice bye by’ibanga ubwo yitabiraga ibirori by’ Iserukiramuco rya cinema rya Cairo (Cairo film festival).

Rania Youssef yaserutse muri iri serukiramuco ikanzu yirabura ariko ibonerana amaguru ye n’amatako ye bira hanze Ibi rero byatumye abanyamategeko babiri bo mu Misiri bamurega bamushinja ibikorwa by’ubushotoranyi buganisha ku mibonano mpuzabitsina, ibirego bishobora gutuma amara imyaka isaga 5 muri gereza mu gihe yaba ahamwe n’icyaha.

Ku ikubitiro Ikirego cya mbere cyo guta umuco cyatanzwe n’umunyamategeko Amro Abdelsalam naho icya kabiri gitangwa na samir Sabri, undi munyamategeko nawe uzwiho kujyana ibyamamare mu nkiko mu gihe Sabri yabwiye AFP ko uko Youssef yagaragaye bihabanye n’indangagaciro, imico n’ubweramutima by’abanyamisiri, kubw’ibyo akaba yarasebeje izina ry’iri serukiramuco n’iry’abagore b’Abanyamisiri by’umwihariko.

Iyi myambarire ya Youssef kandi ngo yavugishije benshi ku mbuga nkoranyambaga. Youssef nawe amaze kubona byakomeye yasabye imbabazi abarakajwe n’uko yari yambaye abinyujije kuri twitter.

Ati: “Nshobora kuba narabaze nabi ubwo nahitagamo kwambara iyi kanzu. Bwari ubwa mbere nyambaye kandi sinari nabonye ko yateza uburakari bwinshi.”

Yakomeje avuga ko kandi yemera indangagaciro barerewemo muri sosiyete y’Abanyamisiri.

Mu mwaka ushize, undi mugore w’umuririmbyikazi yakatiwe imyaka 2 y’igifungo ku cyaha nk’iki Youssef ashinjwa, no kubera video ishotorana yari yashyize ku karubanda. Iki gihano cyaje kugabanwaho umwaka umwe nyuma yo kujurira.

Author : Muhire Jason

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umwana wa George Floyd yavuze uburyo urupfu rwa Papa we rwahinduye...

Umuhanzi w’injyana ya hip-hop, Kanye West, yemeye kwishyura amafaranga...
6 June 2020 Yasuwe: 2494 0

Mushiki wa Diamond yavuze ku gusubira kwa Musaza we na Zari

Esma Platnumz akaba na mushiki w’umuhanzi w’igikomerezwa mu muziki wa...
5 June 2020 Yasuwe: 3045 0

Ringtone umuhanzi w’indirimbo zo kuramya no guhimbaza Imana yasobanuye...

Umuririmbyi w’indirimbo zo kuramya utavugwaho rumwe wo muri Kenya, Ringtone...
5 June 2020 Yasuwe: 1905 0

Hamisa Mobetto yasingije Ali Kiba maze atesha agaciro Diamond...

Umukobwa usanzwe agaragara kenshi mu mashusho y’indirimbo z’umuhanzi Diamond...
5 June 2020 Yasuwe: 2070 0

Hamisa Mobetto yavuze uburyo kuvugana na Diamond ari uguta umwanya

Umunyamideli Hamisa Mobeto wabyaranye n’umuhanzi Diamond Platnumz umwana...
4 June 2020 Yasuwe: 2217 0

Davido yavunitse ukuguru bituma umukunzi we asuka amarira

Nyuma y’aho umuhanzi David Adedeji Adeleke wamamaye nka Davido agaragaje ko...
4 June 2020 Yasuwe: 2855 0