Umuhanzi wo muri Tanzania, Rajab Abdul Kahali uzwi nka Harmonize, yasubiranye n’umukunzi we witwa Jacqueline Wolper asiga umutaliyanikazi utwite bari bamaze iminsi bacuditse.

Sponsored Ad

Mu gihugu cya Tanzania haravugwa inkuru ko Harmonize yamaze gutandukana n’uwari umukunzi we Sarah akongera gusubukura umubano we na Wolper batandukanye mu mwaka wa 2016.

Ibi bije nyuma yuko havuzwe amakuru yuko uyu musore yateye inda Umutaliyani kazi akaba amusize aho mu cyumweru gishize uyu mukobwa yashyize hanze amafoto agaragaza inda nkuru.

Ikinyamakuru Global Publishers cyanditse ko mu mpera z’icyumweru gishize, ko mu gitaramo cya Wasafi Festival cyabereye ahitwa Iringa muri Tanzania, Harmonize na Wolper bemereye imbere y’abafana ko basubukuye urukundo rwabo.

Mu buryo bwatunguranye Harmonize yahamagaye Wolper ku rubyiniro, amupfukama imbere atangaza ko amugarukiye. Ati “Ndagira ngo mbivuga mu ruhame ko ngarutse kwa Wolper wanjye.”

Wolper nawe ntiyigeze ajijinganya, aramwemerara dore ko byasaga n’ibyapanzwe kuko bari banamaze iminsi bakururana.

Gusubirana kwa Harmonize na Wolper birashimangira ugutandukaka kwe na Sarah kwari kumaze iminsi guhwihwiswa.

REBA AMAFOTO: