Uwateguraga igitaramo cyaketsweho gukorerwamo ubusambanyi RIB yamufashe anywa urumogi[AMAFOTO]

Imyidagaduro   Yanditswe na: Martin Munezero, Nsanzimana Ernest 9 November 2018 Yasuwe: 4110

Urwego rw’ Igihugu rw’ Ubugenzacyaha rwerekanye umukobwa w’ imyaka 20 wategura igitaramo yise ’Pussy Party’ bivugwa ko cyari kuzakorerwamo ubusambanyi, gusa we yabihakanye avuga ko hari kuzaba harimo abakobwa babyina ikimansuro ariko batambaye ubusa.

Mu ma saa cyenda zo kuri uyu wa kane tariki ya 9 Ugushyingo 2018 nibwo RIB yeretse ku mugaragaro itangazamakuru umukobwa w’imyaka 20 wateguye igitaramo yise ’Pussy Party’ bivugwa ko cyari no kuzaberamo ubusambanyi.

Nubwo bivugwa ko iki gitaramo cyari kuzaberamo ubusambanyi,uyu mukobwa we yabihakanye avuga ko abantu bari kwitabira iki gitaramo bari kuba bambaye mask z’ipusi,ndetse n’ibivugwa ko bari kubyinirwa n’abakobwa bambaye ubusa nabyo arabihakana,akavuga ko abakobwa bari kubyina ari babandi bamenyerewe mu tubyiniriro bazwi nk’Abamansuzi,yewe ko nta n’ubusambanyi bwari kuhakorerwa.

Uyu mukobwa yavuze ko abantu bamwumvise nabi ku butumwa buri ku ifoto yamamaza iki gitaramo cyamaze kuburizwamo nk’ uko RIB yabitangaje.

Yagize ati "Uko yari imeze siko abantu bayifashe, kuri ticket hariho mask y’ ipusi uwari kwinjiramo yari kuba yambaye mask y’ ipusi"

Iki gitaramo cyagombaga kwitabirwa n’ abantu 40 cyangwa barengaho gato. Kwinjira byari ibihumbi 30 ahasanzwe na 50 000 ahicyubahiro. Uyu mukobwa avuga ko aya mafaranga atari menshi kuko abari kukitabira bari kuzanywa.

Yavuze ko ari ubwa mbere yari ateguye igitaramo nk’ iki, ngo impamvu yagiteguye ni uko akunda imyidagaduro.

Umuvugizi wa RIB, Mbabazi Modeste yabwiye itangazamakuru ko abakozi ba RIB bagiye gufata uyu mukobwa basanze arimo kunywa urumogi ngo byatumye bakemanga ubuziranenge bw’ igitaramo cyategurwa n’ umukobwa nk’ uyu.

Yagize ati "...hariho numero ya telefone ku mafoto yamamazaga iki gitaramo, abagiye kumufata bamusanze ahantu arimo kunywa urumogi"

Mbabazi Modeste yavuze ko uyu mukobwa agiye kubanza kujyanwa mu kigo ngororamuco, yazavayo akabona ku kurikiranwa mu nkiko. Ibyaha ashinjwa ni ibyaha by’ urukozasoni bishingiye ku mafoto yakwirakwije ku mbuga nkoranyambaga n’ icyaha cyo kunywa ibiyobyabwenge.

RIB yavuze ko iki gitaramo cyaburijwemo inaburira abandi baba bafite umutima wo gutegura ibitaramo nk’ ibi ko bitazabahira.

Uyu mukobwa atawe muri yombi nyuma y’uko Bamporiki Edouard umuyobozi mukuru w’Itorero ry’Igihugu avuze ko iki kirori kitazaba na Dr Nzabonimpa Jaques ushinzwe Umuco muri RALC, nawe akavuga ko ibintu nk’ibi we ntacyo yabivugaho kuko yumva birenze guhonyora umuco ahubwo ko bigomba gukurikiranwa na Polisi kuko biri mu cyiciro cy’ibyaha by’urukozasoni.

Akaba yakomeje avuga ko kugira ngo ifoto y’amamaza ikirori cya ’Pussy Party’ isakare hose ku mbuga nkoranyambaga ari abantu bayikuye kuri Status ye ya Whatsapp bakayikwirakwiza hose.


Author : Martin Munezero
Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Rugira Amandin

    Gusambana bisigaye ari umukino.Nyamara mu myaka ya 1980s,byabaga ari ibanga rikomeye.Mbere yaho,ubusambanyi bwakorwaga n’abantu bake cyane.Ku buryo mbere ya 1980,abakobwa hafi ya bose barongorwaga ari vierge.Nibuze nka 95%.None ubu gusambana bisigaye byitwa "gukundana".Byerekana neza ko turi mu minsi y’imperuka Bible ivuga ahantu henshi.Imana yaduhaye sex kugirango tuyihe umuntu umwe gusa tuzabana binyuze mu mategeko.Millions and millions z’abantu basambana,ntabwo bemera ko ari icyaha kizatuma batabona ubuzima bw’iteka muli paradizo dutegereje.Ntacyo bimaze kwishimisha akanya gato,hanyuma ukazabura ubuzima bw’iteka muli Paradizo kandi ntuzazuke ku Munsi w’Imperuka.Nukugira ibitekerezo bigufi cyane.

    November 2018

Inzindi nkuru

Diamond Platnumz yashimiye Imana kubera ko atanduye virusi itera...

Umuhanzi Diamond Platnumz usanzwe ari na nyiri inzu itunganya umuziki ya...
22 July 2019 0

Ama G The Black yongeye akongeza umuriro hagati ye na P-Fla aho yanavuze ko...

Mu minsi yashize umuhanzi P Fla, yibasiye abaraperi bagenzi be Riderman na...
22 July 2019 Yasuwe: 452 0

Zari yahishuye byinshi ku mubano we na Diamond birimo kuba yaramusabye...

Zari Hassan wahoze ari umugore wa Diamond Platnumz, yahishuye uburyo...
21 July 2019 Yasuwe: 2921 0

Umuhanzikazi nyarwanda Asinah yatunguranye yereka abamukurikira amabere...

Umuhanzikazi nyarwanda mu njyana ya Dancehall Mukasine Asinah[Asinah Erra]...
21 July 2019 Yasuwe: 5482 0

Strawberry wabwiye Sarpong ko azahura n’umukobwa uzamuca igitsina yiyemeje...

Umunyarwandakazi umaze kumenyekana kumbugankoranyambaga nka RWANDAN...
20 July 2019 Yasuwe: 7565 0

Umuraperi wo muri Uganda ’Navio’ yakoreye ubukwe muri Suède n’umukunzi...

Daniel Lubwama Kigozi umuraperi ukomeye cyane muri Uganda uzwi ku izina rya...
20 July 2019 Yasuwe: 1853 0