Umuhanzi Niyibikora Safi wamamaye mu muziki nyarwanda nka Safi Madiba, yageneye ubutumwa abakunzi be n’abandi muri rusange, abasaba gukaza ingamba zo kwirinda Covid-19, nyuma gutangaza ko yanduye iki cyorezo.

Sponsored Ad

Safi usigaye aba muri Canada, abinyujije ku rukuta rwe rwa Instagram yatangaje ko yanduye Covid-19, avuga ko iki cyorezo kiriho asaba n’abantu kubahiriza amabwiriza y’inzego z’ubuzima. Ati “Ni ukwitonda.”

Ubutumwa yashyize ku rukuta rwe rwa Twitter, bugaragaza ibisubizo byo kwa muganga, bivuga ko “Safi yanduye COVID-19, agomba guhita yishyira mu kato ako kanya.”

Ati: “Basore, wa mwanda ni ukuri.”

Ni ubutumwa bwakurikiwe n’ibitekerezo bya bamwe mu bakunzi be, bamwifuriza gukira vuba.

Muri Canada aho Niyibikora Safi asigaye aba hamaze kwandura abantu 255,809 mu gihe abapfuye bazira icyorezo cya Covid-19 babarirwa mu 10,436.