Umuririmbyi Safi Niyibikora ubarizwa mu itsinda rya Urban Boys ari kumwe na Meddy i Kampala muri Uganda gutunganya amashusho y’indirimbo bahuriyemo.
Safi Niyibikora wongeyeho izina rya Madiba yavuye mu Rwanda mu ijoro ryo kuwa kane w’iki cyumweru ari kumwe na Ngabo Medard wamamaye nka Meddy berekeza mu gihugu cya Uganda aho bagiye gufatira amashusho y’indirimbo bari gukorana.
Aba bombi bahagurutse mu Rwanda bucece ndetse byamenywe na zimwe mu nshuti zabo.Bivugwa ko bagiye gukorana amashusho (...)

Sponsored Ad

Umuririmbyi Safi Niyibikora ubarizwa mu itsinda rya Urban Boys ari kumwe na Meddy i Kampala muri Uganda gutunganya amashusho y’indirimbo bahuriyemo.

Safi Niyibikora wongeyeho izina rya Madiba yavuye mu Rwanda mu ijoro ryo kuwa kane w’iki cyumweru ari kumwe na Ngabo Medard wamamaye nka Meddy berekeza mu gihugu cya Uganda aho bagiye gufatira amashusho y’indirimbo bari gukorana.

Aba bombi bahagurutse mu Rwanda bucece ndetse byamenywe na zimwe mu nshuti zabo.Bivugwa ko bagiye gukorana amashusho y’indirimbo bamaze gutunganyiriza amajwi akaba yarakorewe mu Rwanda.

Si ubwa mbere Safi yaba akoze indirimbo ye wenyine kuko no muri 2010 ubwo havugwaga gushyamirana yafashe inzira ajya gutunganya indirimbo ye wenyine.Yaje gukurikirwa na mugenzi we,Nizzo nawe atangira gukora ku giti cye.

Ibi byaje gutuma Urban Boys bashyiraho amabwiriza atemerera ubarizwa muri iri tsinda kugira undi akora nawe.Icyo gihe Humble Jizzo yabwiye itangazamakuru ko nta numwe wo muri Urban Boys uzongera gukorana indirimbo n’undi muhanzi.

Kuwa 26 Kanama 2017 nibwo Medard, yageze i Kigali nyuma y’imyaka irindwi aba muri Leta Zunze Ubumwe za Amerika; yakiriwe n’abantu b’ingeri zitandukanye biganjemo ab’igitsina gore bari bitwaje indabo.

Meddy nk’umunyamuziki, yavukiye i Bujumbura mu Burundi, tariki ya 7 Kanama 1989. Ni umuhanzi nyarwanda umaze kubaka izina mu buryo bukomeye ukora mu njyana ya R&B na Pop akaba akorera umuziki we aho yiga muri Leta ya Texas muri Amerika.

Meddy yagiye n’indege ya saa kumi n’ebyiri na mirongo ine n’itanu (18:45’)azahaguruka i Kampala ku wa Gatandatu tariki 28 Ukwakira 2017 yerekeza muri Amerika aho asanzwe atuye.

Biracyagoranye kuvugisha impande zombi.

REBA AMAFOTO: