Niyibikora Safi wo mu itsinda rya Urban Boys yongeye kugaragaza ko Nizzo Nshimiyimana Muhammed atakiri mu bandimwe be, yagaragaje amazina y’abo yita inshuti magara anashyira hanze ifoto bahuriyeho bombi.
Safi ufatwa nk’inkingi yamwamba mu itsinda rya Urban Boys rimaze imyaka icyenda rizunguza ibendera rya muzika, aherutse kurushinga n’umufasha we, Niyonizera Judithe.Ubukwe bwe ntibwarimo Nizzo baririmbana mu itsinda rimwe.
Ni ibintu byakuruye impaka mu itangazamakuru ndetse n’abantu ku giti (...)

Sponsored Ad

Niyibikora Safi wo mu itsinda rya Urban Boys yongeye kugaragaza ko Nizzo Nshimiyimana Muhammed atakiri mu bandimwe be, yagaragaje amazina y’abo yita inshuti magara anashyira hanze ifoto bahuriyeho bombi.

Safi ufatwa nk’inkingi yamwamba mu itsinda rya Urban Boys rimaze imyaka icyenda rizunguza ibendera rya muzika, aherutse kurushinga n’umufasha we, Niyonizera Judithe.Ubukwe bwe ntibwarimo Nizzo baririmbana mu itsinda rimwe.

Ni ibintu byakuruye impaka mu itangazamakuru ndetse n’abantu ku giti cyabo, hibazwa icyatumye Nizzo atitabira ubukwe.Nizzo yifashe amajwi ayashyira kuri Instagram yumvikanye avuga ko atari akwiye kwitabira ubukwe bwa Safi nk’umuvumbyi nyamara hari amakuru avuga ko yari yibereye mu kabari n’inkumi i Nyamirambo mu mujyi wa Kigali.

Ubukwe bwa Safi bwatunguye inshuti ze bishoboka ko yaba yaribagiwe gutumira bamwe?ariko se Nizzo nk’umuvandimwe byari ngombwa y’uko atumirwa muri ubukwe ni ikibazo buri wese wakurikiranye inkuru y’urukundo rwa Safi n’umugore we yibajije.

UMURYANGO ufite amakuru yizewe ahamya ko na Manzi James[Humble Jizzo] atatumiwe muri ubu bukwe, ngo yagombye kubwitabira kugirango bose batabura.Aya makuru ahamya ko Humble yamenye ibyerekeye ubu bukwe ari uko yinjiye mu modoka ya Safi akabonamo impapuro z’ubutumire, Invitation.

Humble Jizzo nawe yabimenye habura iminsi ine ngo ubukwe butahe.

Ngo yahise abaza Safi ibiri kujya mbere undi amubwira ko yamaze kunoza neza imishinga y’ubukwe.UMURYANGO kandi ufite andi makuru avuga ko muri Urban Boys, Safi na Nizzo batajya bahuza mu nguni zose ngo buri wese ariyumva kandi afunga umutwe kuburyo guhinduka bigoye, bishimangirwa n’ingero zitandukanye aba bombi bagiye berekana ko buri wese ashoboye harimo no gukorana indirimbo n’abandi bahanzi.

Abinyujije ku rukuta rwa Instagram, Safi yavuze ko adakeneye intwari mu gihe yaba afite abavandimwe bamuba hafi,ati “ Ni inde ukeneye intwari irenze mu gihe ufite umuvandimwe!Abo nibo bavandimwe banjye’.

Yavuzemo Humble Jizzo wa Urban Boys, David Bayingana wa TV10 na Radio 10; Dennis Nsanzamahoro wamamaye muri Cinema nyarwanda; Platini Nemeye wa Dream Boys ndetse n’umurinzi we ushinzwe umutekano, Danny.

Ni ibintu bisa neza no kwerekana ko Nizzo atakiri mu bavandimwe be.Hari uwanditse ubutumwa kuri iyi foto abwira Safi ko asigaye arangwa n’urwango,amubaza impamvu atashyizemo Nizzo ko ndi nawe bararuhanye.