addresiya
startimes

Safi yavuze icyatumye adatumira Knowless mu bukwe bwe

Imyidagaduro   Yanditswe na: Iyamuremye Janvier 20 October 2017 Yasuwe: 19759


Niyibikora Safi Madiba uherutse kurushinga na Niyonizera Judithe wari usanzwe utuye muri Canada, avuga ko kudatumira Knowless Butera bakundanyeho bidasa no kwishyurana ahubwo ko nawe atamutumiwe mu bukwe bwe.

Uyu muhanzi w’imyaka 30 ubarizwa muri Urban Boys ngo mbere y’uko atekereza guha Knowless urupapuro rw’ubutumire,Invitation yabanje no gutekereza niba ashobora kubutaha koko, anibuka neza ko nawe atigeze amutumira mu bukwe bwe na Clement Ishimwe barushinze muri Nyakanga umwaka ushize,kuri ubu bakaba banafitanye umwana w’umukobwa w’imfura.

Mu kiganiro Isango na Muzika cyo kuri uyu wa Gatanu tariki ya 20 Ukwakira 2017; Safi yasobanuye impamvu nyakuri yatumye adatumira Knowless kandi ari mu umuntu baruhanye kuva cyera.Avuga ko yabitekerejeho ko yamutumira ariko agashidikanya niba yabwitabira.Yagize ati “Eeeeh Knowless ntabwo namutumiye kubera ko nawe atantumiye.”

Ku datumirwa kwa knowless byatewe n’uko nawe atatumiye Safi mu bukwe
Abajijwe niba kwari ukwishyurana kuko nawe atagaragaye mu bukwe bwe bitewe n’uko atahawe ubutumire yahakanye ko ataribyo,ati “Oya ntabwo ari ukwishyurana hari ukuntu utekereza ese ubundi araza ashobora no kutaza ukavuga uti aho kugirango bigenda gutya na gutya ukavuga uti ’reka mbyihorere’.

Safi warushinze kuwa 01 Ukwakira 2017 yari agaragiwe n’ibyamamare gusa barimo Platini Nemeye wa Dream Boys, Humble Jizzo babarizwa mu itsinda rimwe Urban Boys, David Bayingana wa Tv 10 ndetse na Gatsinzi Emery wamamaye nka Riderman wamubereye Parrain.

Nyuma yo kurushinga,Safi yerekeje mu kwezi kwa Buki.Avuyeyo yahuye n’ibibazo by’urudaca;birimo kwakira amafoto y’umugore we yambaye ubusa yashyizwe hanze n’umuzungu bakundanaga.

Mu butumwa bwa E-mail, uyu muzungu yoherereje itangazamakuru yasabye imbabazi avuga ko ibyo yakoze yabitewe n’umujinya ndetse anasaba imbabazi umuryango wa Safi n’abanyarwanda muri rusange.

Rick wabanje gukunda n’umugore wa Safi
Rick yagize ati "Nahagaritse byose, nahagaritse ibyo namushinjaga by’ubujura, amafoto nayasibye, nahubukanye uburakari kubera guhemukirwa ariko ndashaka gushyira ibi inyuma yanjye kandi na we [Niyonizera] akeneye kubaho mu mahoro."

Yongeyeho ati "Ndasabira imbabazi ibi bikorwa nakoze ku bw’akababaro k’urugendo rw’urukundo rwacu rwarangiye nabi. Nta kabuza twagaragarizanyije urukundo muri iyi myaka ibiri ishize, naretse urukundo rwanjye kuri we ruba ururengereye nibwo rero habayeho igihe cy’irangira ryarwo."

Ati "Ndasaba imbabazi Judy, umuryango we n’inshuti. Ibi byari ibikorwa by’ubujiji ku mugabo w’intege nke, uyobowe n’umunabi no kubera igihombo, byatumye mbura icyerekezo n’intumbero."

Safi ahamya ko yashidikanyije mu gutumira knowless wari wanagize isabukuru y’amavuko
Kuwa mbere w’iki cyumweru, UMURYANGO wamenye ko Judithe Niyonizera yahagarutse mu Rwanda agana muri Canada agiye gucoca ibibazo afitanye n’uyu muzungu umushinja gucucura utwe.

Author : Iyamuremye Janvier

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble justin Lambert

    safiwe ikundiruwomutoto naho abamukwangisha bo ntibazashira gusa na none ndagaya mugenzi wanyu nizo kudashyigikira umuvandimwe kuko asa nuwanagambana

    October 2017

Inzindi nkuru

Zari yakoresheje ifoto ye avuga uburyo afite ubwiza bw’umwana w’umukobwa...

Umugore witwa Zari Hassan wakundanye n’abagabo benshi b’abakire barimo Yvan...
31 May 2020 Yasuwe: 3448 0

Umuvugabutumwa Eliane Niyongira wo muri Zion Temple yagabye igitero kuri...

Umuvugabutumwa wo mu itorero Zion Temple witwa Ev. Eliane Niyonagira yavuze...
31 May 2020 Yasuwe: 3574 3

Kemi yarahiriye kwandagaza umuhanzi Davido kubera inabi yamugiriye

Umunyamakuru ku byerekeye ubuzima witwa Kemi Olinloyo yiyemeje kwandagaza...
31 May 2020 Yasuwe: 1540 0

Taylor Swift yibasiye Donald Trump avuga uburyo ari rutwitsi bitewe...

Umuhanzikazi uri mu byamamare ku isi, Taylor Swift avuga ko ibyo Perezida...
30 May 2020 Yasuwe: 3559 0

Diamond na Tanasha bandikiye ibaruwa uwigize Papa w’umwana wabo

Umuhanzikazi Tanasha Donna n’umuhanzi Diamond Platnumz bandikiye ibaruwa...
30 May 2020 Yasuwe: 2160 0

Miss Muyago umukunzi wa Kimenyi Yves yavuze ku Nda bivugwa ko atwite atera...

Hashize iminsi ku mbuga nkoranyambaga no muri bimwe mu binyamakuru...
30 May 2020 Yasuwe: 3571 1