Safi yiyitiriye amagambo yavuzwe n’umuherwe Jack Ma bitigisa internet

Imyidagaduro   Yanditswe na: Iyamuremye Janvier 26 July 2017 Yasuwe: 1872

Umuririmbyi Niyibikora Safi wamamaye nka Madiba yiyitiriye amagambo yavuzwe n’umuherwe Jack Ma biteza impagarara mu babonye ibyo yanditse ku mbuga nkoranyambaga.

Safi ubarizwa mu itsinda rya Urban Boys yashyize ku rukuta rwe rwa Facebook no kuri Instagram ubutumwa bwavuzwe n’umuherwe Jack Ma unaheruka mu Rwanda aho yari yitabiriye inama yahuje abashoramari, urubyiruko ndetse n’abayobozi yiswe Youth Conneckt Africa.

Yanditse ati ‘’ After work, is what determines your future! Spend one hour per day doing these 5 things and your life will change forever’’ asoza agira ati “ItsMadiba quotes”. ashaka kugaragaza ko ari amagambo ye bwite yitekerereje.

Tugenekereje mu Kinyarwanda bisobanuye ngo “ibyo ukora nyuma yo kurangiza akazi ni byo bisobanura ahazaza hawe , umaze isaha imwe ukora ibi bintu bitanu ubuzima bwawe buzahinduka ubuziraherezo.”

Iyo witegereje neza ukanumva neza amagambo ye usanga ataravuze ibyo bintu bitanu bisabwa gukora kugirango ugire impinduka mu buzima bwawe, cyane ko yanavugaga ko ari ibintu ukora ukitseUsoje akazi] imirimo.

Ubundi aya magambo yavuzwe na Jack Ma uherutse kwakirwa na Perezida Paul Kagame.

Mu butumwa bwe, uyu mugabo yavuze ko ibyo abantu bakora mu masaha ya nyuma y’akazi n’igihe cyo kuryama ari byo bisobanura ahazaza h’umuntu, uretse ibi Jack Ma wanashinze kompanyi y’ubucuruzi ya ‘Alibaba Group’ yanakomoje ku bintu bitanu umuntu yagakwiye gukora muri icyo gihe byamufasha kugera ku nsinzi.

Safi yateruye amagambo yavuzwe na Jack Ma biteza impagarara

Muri ibyo , Jack Ma yavuze ko abenshi iyo bavuye ku kazi baruhukira kuri televisiyo , mu tubari , mu mipira n’ibindi , nyamara ngo umuntu ushaka kugera ku nsinzi siko akwiye kwitwara.

Ibyo Jack Ma asaba abantu gukora muri ayo masaha harimo: Gusoma ibitabo , gutekereza ku mishinga wakora mu gihe kiri imbere , gushaka uko wagirana umubano n’abantu benshi bagufasha kugera ku iterambere n’ibindi.

Safi yabonye ko ibyo yanditse byahagurukije abantu kuri Internet ndetse bamwe batangiye kumunenga bavuga ko yiyitiriye ibyavuzwe n’abandi. Yahise yandika avuga ko bitavuzwe nawe ahubwo ko ari ibitekerezo Jack Ma.

Mu mikoreshereze y’umutungo bwite mu by’ubwenge, amategeko abuza kwiyitirira ikitari icyawe.

Kugikoresha bisabirwa uburenganzira cyangwa kugaragaza aho wagikuye, bitewe n’urwego ugikoreshamo.

Uko ikoranabuhanga ritera imbere ni ko byorohera abantu kumenya byinshi babisomye cyane cyane ku mbuga za interineti.

Ibyabaye kuri Safi byanakozwe na Knowless ubwo umwana we yizihiza isabukuru y’amavuko. Icyo gihe Knowless yafashe igika cya mbere cy’ubutumwa umubyeyi mugenzi we yanditse, yifuriza isabukuru nziza umwana we w’amezi atanu witwa Emerson.

Ubwo Jack Ma yari mu Rwanda yakanguriye urubyiruko gutekereza kure
Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble Hero

    Safi we ntawagutera ibuye rata, niba waranyuzwe nariya magambo nawe ugahitamo kuyikoresha usangiza abandi batabashije kuyamenya Ndumva nta Nka waciye amaherere. Wenda wibagiwe kugaragaza ko ari igitekerezo cya Jack Ma. Ubutaha uzabyibuka ntacyo. Courage tera imbere mwana wacu

    4 months ago
  • chat_bubble Hero

    Safi we ntawagutera ibuye rata, niba waranyuzwe nariya magambo nawe ugahitamo kuyikoresha usangiza abandi batabashije kuyamenya Ndumva nta Nka waciye amaherere. Wenda wibagiwe kugaragaza ko ari igitekerezo cya Jack Ma. Ubutaha uzabyibuka ntacyo. Courage tera imbere mwana wacu

    4 months ago
  • chat_bubble cyusa

    baba bazikwiyemera gusa ubwose arabivuga ari uwuhe

    4 months ago

Inzindi nkuru

Umunyamakuru Anangwe yasezeranye imbere y’amategeko na Chamy(Amafoto)

Eugene Anangwe wamenyakanye nk’umunyamakuru watangiye ibiganiro byo mu...
24 November 2017 Yasuwe: 1889 0

Ukuri kwa Habiba k’umusore bakundanye bakiri ku ntebe y’ishuri

Ku gicamunsi cyo kuwa kane tariki ya 23 Ugushyingo 2017 nibwo hacicikanye...
24 November 2017 Yasuwe: 1173 0

King James yahishuye ukuri k’umukobwa byavuzwe ko bagiye kurushinga

Umuririmbyi Ruhumuriza James [King James] uri kubarizwa muri Leta zunze...
24 November 2017 Yasuwe: 3015 0

John Legend n’umufasha we baritegura ‘ubuheta’, Jordan Sparks nawe aritegura...

Umuhanzi wubashywe ku Isi John Legend n’umufasha we Chrissy Teigen bari mu...
23 November 2017 Yasuwe: 674 0

Iby’umusore ucuditse na Habiba uhatanye muri Miss Supranational-AMAFOTO

Ingabire Habiba, uhagarariye u Rwanda mu irushanwa ry’ubwiza rya Miss...
23 November 2017 Yasuwe: 2620 0

Knowless n’umugabo we bifurije isabukuru y’amavuko umukobwa wabo

Kuwa gatatu tariki ya 22 Ugushyingo 2017 nibwo umwana w’umukobwa Butera...
23 November 2017 Yasuwe: 2880 0