Sandrine yise umwana umukobwa washinje ruswa akanama nkemurampaka ka Miss Rwanda 2018

Imyidagaduro   Yanditswe na: Iyamuremye Janvier 6 February 2018 Yasuwe: 7814

Tania Umutoni Muvunyi yabaye umukobwa wa kabiri wavugiye mu ruhame ashidikanya ku bushobozi bw’akanama nkemurampaka kagizwe n’abatatu anabashinja Ruswa n’ubwo atatanze ibimenyetso bigaragaza ko yayitanze cyangwa yayatswe.

Yibukije benshi Ingabire Habiba(yiyamamaje 2017) nawe wafashwe n’uburakari bukomeye akimara gusezererwa mu irushanwa rya Miss Rwanda yari yimamarije mu mujyi wa Kigali, aterura agira ati” Komeza umwenyure mukundwa ‘Habiba’ uko waba ubayeho kose kuko nzi ko ibyiza biri imbere. Korana umwete umutere kwibaza impamvu uhora wishimye, gusa ni ikigoryi n’umunyabyaha w’isoni nke, (R G)sanga sekibi.”

Mu minsi ishize nibwo Tania nawe yanditse ashinja akanama nkemurampaka Ruswa ariko ubuyobozi bwa Rwanda Insipration Back Up butegura iri rushanwa bwirinze kugira icyo buvuga kuri iki kibazo.

Umutoni washinje aba ’Judges’ Ruswa

Sandrine Isheje Butera ukuriye akanama nkemurampaka wavuze mu izina ryabo yabwiye Radio Isango Star ko atishinja Ruswa kuko agerageza gukora uko ashoboye mu migirire ye ya buri munsi.

Sandrine yagize ati “Ku ruhande rumwe naramwumvise kuko n’umwana muto w’imyaka nka 19, ntabwo aregenje 21 kandi nka kamere ya muntu iyo umuntu atabonye ikintu yifuzaga agira amarangamutima runaka bamwe bararira abandi bakarwana abandi bakavuga kuriya.

Ku rundi ruhande kuko nzi y’uko ngerageza kuba inyangamugayo ntabwo ndi umumarayika ariko ngerageza gukoresha ukuri mu bintu byose nkora.Birakubabaza kumva nyine umwana ariko se ubu koko uyu mwana yumva namuhora iki? Nta ruswa irimo nta marangamutima, ntabwo tuziranye.Nta n’umwe tuziranyi muri bariya bana.”

Sandrine ashingiye ku kuba uyu mukobwa yaravuyemo akandika amagambo ameze kuriya ngo bisobanura ko n’ubundi atari akwiriye gukomeza muri iri rushanwa kuko imico n’imyifatire ye yahise ayerekana.

Ngo nta mwana w’Umunyarwanda ukwiye kuvuga amagambo nkariya abwira abantu bakuru.Avuga ko kuba akanama nkemurampaka karahinduwe ubwo batoranyaga abakobwa 20 hatashingiwe kubyavuzwe n’uyu mukobwa wabashinje Ruswa n’ubwo nawe atatanze ibimenyetso.

Ubwo uyu mukobwa yatukaga abagize akanama nkemurampaka yabinyujije kuri instagram ashimangira ko batazabona ijuru,yagize ati “Mwese abagize akanama nkemurampaka (Rwabigwi Gilbert, Sandrine Isheja Butera na Higiro Jea Pierre) ntabwo muzigera mubona imiryango y’ijuru ahubwo mwese muzapfira mu muriro utazima kuko mwuzuranye ruswa mu mitwe yanyu.”

Umutoni w’imyaka 19 apima ibiro 65 ndetse anafite uburebure bwa metero imwe na Santimetero 85, ni umwe mu bakobwa biyamamarije mu mujyi wa Kigali.Yabajijwe ibibazo n’akanama nkemurampaka ariko agaragaza ubwoba bwinshi ari nacyo cyatumye asezererwa mu icyenda kuri 16 bahatanaga.

Rwabigwi, Sandrine na Dr Higiro bagize akanama nkemurampaka

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Wema wakundanye na Diamond yagize icyo avuga ku burwayi amaze iminsi...

Wema Sepetu uzwi cyane mu mafilime atandukanye ndetse no ku...
18 July 2018 Yasuwe: 792 0

Uganda : Abakoresha Mobile Money n’imbuga nkoranyambaga barabyinira ku...

Muri Uganda, amafaranga yacibwaga abakoresha mobile money n’imbuga-nkoranyambaga
18 July 2018 Yasuwe: 697 0

Rwamagana : Umusore yitiriwe Knowless nyuma yo kubyinana nawe mu...

Umusore ubusanzwe witwa Munyaneza Eugene wo muri Rwamagana ariko akaba...
18 July 2018 Yasuwe: 987 0

Bruce Melody yahobeye umukobwa ararira anavuga indimi - VIDEO

Umukobwa uvugwa ko akunda umuhanzi Bruce Melody cyane yaraturitse ararira...
17 July 2018 Yasuwe: 3256 0

Ibyo Zari yasabye Diamond gukorera Hamisa Mobetto byatangaje...

Zari yasabye Diamond ko yashyingiranwa na Hamisa nibura icyumweru kimwe...
17 July 2018 Yasuwe: 5276 0

Souke ndetse na Siriki bakunzwe kubera urwenya rwabo bagiye kuza mu...

Abanyarwenya 2 aribo Siriki na Souke bagiye gutaramira abanyarwanda mu...
17 July 2018 Yasuwe: 770 0