Sherrie Silver umunyarwandakazi umaze kuba icyamamare ku isi mu kubyina yatewe ishema na Perezida Kagame[AMAFOTO]

Imyidagaduro   Yanditswe na: Martin Munezero 9 September 2019 Yasuwe: 2809

Sherrie Silver umukobwa w’umunyarwandakazi umaze kuba icyamamare ku Isi mu kubyina imbyino zigezweho, yatewe ishema no guhura na Perezida Kagame inshuro zirenze imwe ahantu hatandukanye mu minsi ibiri bakaganira.



Ku wa Gatanu mu muhango wo Kwita Izina abana b’ingagi 25 wabereye mu Kinigi mu Karere ka Musanze mu nkengero za Pariki y’Ibirunga, Sherrie Silver wise umwana w’ingagi ‘Ibirori ‘ yagize amahirwe yo guhura na Perezida Kagame witabiriye iki gikorwa , ndetse bakagirana iikiganiro kigufi imbonankubone bakongera guhurira mu gitaramo cyiswe “Kwita Izina Concert” nabwo bakaganira.

Iki gitaramo cyasusurukijwe n’umuhanzi wo muri Amerika Ne-Yo, Meddy, Riderman, Charly na Nina, Bruce Melodie n’itsinda ry’ababyinnyi rya Silver Beat World ryashinzwe n’umubyinnyikazi Sherrie Silver umaze kubaka ibigwi mu kubyinira ahanzi bakomeye ku Isi.

Abicishije kuri Instagram Sherrie Silver yagaragaje ko yishimiye kuganira na Perezida Kagame wari wafashe umwanya we akajya gushyigikira abahanzi bataramiraga ibihumbi by’abari bateraniye muri Kigali Arena.

Ati “Ni byiza kugira Perezida ushyigikira kandi wiyemeza. Nabyutse mbona yamvuzeho kuri Twitter na Instagram. Ntabwo ari bibi kurangiza icyumweru nganira na Perezida.”

Sherrie Silver ubu ari mu Rwanda aho yazanye n’umubyeyi we, bajyanye gusura ingagi ndetse bakanatangira abatishoboye 1000 ubwisungane mu kwivuza. Afite urugo yise “Children Of Destiny” rurerwamo abana bahoze mu muhanda.

Uyu mukobwa umaze imyaka 20 atuye mu Bwongereza ariko yavukiye mu Rwanda mu Karere ka Huye ku babyeyi b’abanyarwanda ndetse ntahwema kugaragaza ko atewe ishema no kuba akomoka mu rwa Gasabo.

Sherrie Silver wanditse amateka yo kwegukana igihembo muri MTV Music Video Awards abikesha indirimbo ya Childish Gambino yabyinnyemo yitwa “This is America”, nawe ari mu bantu 25 bise amazina abana b’ingangi.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Zimbabwe: Inama y’abaminisitiri yateranye igamije guhindura amazina...

Inama y’abaminisitiri muri Zimbabwe yemeje umushinga wo guhindura amazina...
22 November 2019 Yasuwe: 1825 0

Umuhanzikazi Rema Namakula uherutse gutera indobo Eddy Kenzo yagaragaye mu...

Umuhanzikazi Rema Namakula uherutse gutera indobo Eddy Kenzo bakundanaga...
21 November 2019 Yasuwe: 4212 0

Abifuza guhatanira ikamba rya Miss Rwanda 2020 bafunguriwe amarembo

Gahunda yo gutangira gushakisha Nyampinga w’u Rwanda wa 2020 mu hirya no...
20 November 2019 Yasuwe: 1349 0

Snoop Dogg yiyise umugabo ukurura abagore ku isi kurusha abandi

Umuraperi w’icyamamare mu njyana ya HipHOP ku Isi , Snoop Dogg, yiyise...
18 November 2019 Yasuwe: 1660 0

Davido yatawe muri yombi nyuma yo gusogotera umuntu i Dubai

Amakuru yamaze kujya ahagaragara aravuga ko umuhanzi Davido ukomoka mu...
18 November 2019 Yasuwe: 6415 0

Leta ya Tanzania yategetse Diamond na Tanasha gukora ubukwe cyangwa...

Leta ya Tanzania yashyize hanze itangazo ryemeza ko abantu babana mu buryo...
18 November 2019 Yasuwe: 11752 0