Tanasha yikomye abashaka kumuteranya na Diamond

Imyidagaduro   Yanditswe na: Martin Munezero 27 March 2019 Yasuwe: 3666

Umunyakenyakazi Tanasha Donna witegura kurushinga n’umuhanzi w’icyamamare Diamond Platnumz yikomye abashaka kumuteranya n’umugabo bahwihwisa ko baba baryamana nawe mu gihe amaze iminsi yumvikana mu rukundo hamwe n’uyu musore.

Ibi byakomotse ku ifoto Tansha yashyize ku rukuta rwe rwa Instagram ari mu cyumba cya Diamond, undi mukobwa witwa Lynn, bahoze bakundana na we asohora indi ari muri icyo cyumba.

Abantu benshi bahise bibaza niba Diamond yagarutse ku ngeso ye yo gutendeka kuko nta kigaragaza ko abo bagore bombi bageze muri icyo cyumba mu bihe bitandukanye.

Mu gushaka kwihaniza Lynn, Tanasha yahise ashyira hanze ifoto imwerekana ari kumwe na Diamond ashyiraho amagambo agira ari “Isomo ry’umunsi ‘Ntimukemere ibintu byose musoma cyangwa mwumva…”

Diamond na we yahise yunga murye avuga ko abashaka kumuryanisha n’umugore we bakwiye kubinyuza mu zindi nzira ati “ Bagerageze ikindi !”

Tanasha yahamije ko Lynn yafashe uburiri busa nk’ubwo kwa Diamond Platnumz akabwifotorezaho, yerekana iduka bagurisha ibitanda bisa nk’icyo kwa fiyanse we.

Abantu batandukanye bahise baburira uyu mukobwa bavuga ko na Zari wahoze ari umugore wa Diamond Platnumz bagiye bamuburira akavunira ibiti mu matwi kugeza amazi yararenze inkombe.

Bamubwiye ko atari ubwa mbere Lynn aryamana na Diamond Platnumz agasiga ibimenyetso.

Mu mezi ashize Tanasha yahishuye ko idini riri mu bintu byitambitse mu myiteguro y’ubukwe bwabo, kuko umwe ari umuyisilamu undi na we akaba anambye ku bukirisitu.

Diamond Platnumz yagombaga kuzakora ubukwe ku wa 14 Gashyantare 2019, ariko yagiye ahindura itariki y’ubukwe bwe kubera impamvu zitandukanye.

Bamwe mu bo mu muryango w’uyu mukobwa baherutse gutangaza ko bafite amakenga kuko uyu muhanzi ashobora kumutera inda akamwigarika.

Ibi babiheraga ku buryo yagiye akundana n’abagore batandukanye bagashwana bafitanye abana, kandi benshi mu bo babyaye akabahakana.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ellen ufite ikiganiro gikunzwe na benshi ku isi azerekana (Live) umuhango...

Ellen DeGeneres uherutse gusura u Rwanda aho yagiye kubaka ikigo kigamije...
25 May 2019 Yasuwe: 634 0

Umunyarwandakazi Neza yazanye mu Rwanda na wa Muhanzi ukomeye wo muri...

Umunyarwandakazi Neza kuri ubu uri mu rukundo n’umuhanzi Skales ukomoka muri...
25 May 2019 Yasuwe: 2959 0

Umusore ukundana na Mwiseneza Josiane yamenyekanye[AMAFOTO]

Urukundo rugeze hagati y’umusore wiga muri Ines Ruhengeli na Miss...
24 May 2019 Yasuwe: 9958 0

Junior Multisystem yarahiye ko atazareka gukora indirimbo nubwo yaciwe...

Umuhanga mu gutunganya indirimbo z’abahanzi mu buryo bw’amajwi Junior...
24 May 2019 Yasuwe: 4783 0

RIB yataye muri yombi umusore uherutse gusebya umunyamakuru Phil Peter ko...

Mu minsi ishize umusore yibasiye umunyamakuru Phil Peter amushinja kutagira...
24 May 2019 Yasuwe: 4517 0

Utuntu dutangaje twabaye kuri Knowless agitangira umuziki tumusetsa iyo...

Mu tuntu twajyaga tumubaho, Knowless yavuze ko agitangira umuziki yagiraga...
24 May 2019 Yasuwe: 2254 0