The Ben yasobanuye uko yiyumva nyuma y’uko inkumi 3 zisutse amarira kubera we

Imyidagaduro   Yanditswe na: Iyamuremye Janvier 23 August 2017 Yasuwe: 4262

Mugisha Benjamin wiyise The Ben uri mu Rwanda yatangaje ko mu myaka amaze muri muzika amaze kwibonera imbona nkubona abakobwa batatu bamaze kurira bamubonye ari ku rubyiniro aririmbira abakunzi be.

Uyu muririmbyi atangaje ibi nyuma y’uko ku wa gatanu tariki ya 18 Kanama 2017, mu gitaramo kiswe “Intsinzi Concert” yaririmbyemo, umukobwa wari witabiriye icyo gitaramo yamubonye akagwa igihumura agakira ari uko abonanye na we.

Ibi byabaye ubwo The Ben yaririmbaga indirimbo ‘‘Habibi’ uyu mukobwa yasazwe n’ibyishimo agwa hasi aterurwa n’abakozi ba Croix Rouge bamujyana mu cyumba cyari cyateguriwe gukorerwamo ubutabazi.

Nyuma yo kuva ku rubyiniro The Ben yabwiwe iki kibazo, ajya guhurana nawe barahoberana biratinda.Abo mu muryango w’uyu mukobwa bahise bamujyana, uyu muhanzi nawe akomeza akazi.

The Ben yaganiriye n’uyu mukobwa biratinda

Mu kiganiro n’itangazamakuru cyabaye kuri uyu wa 22 kanama 2017, kigamije gusobanura igitaramo azakorera muri Kigali Convention Center, yanabajijwe ibijyanye n’abakobwa bakunze kurira bamubonye.

Uyu muhanzi uherutse gushyira hanze indirimbo ‘Binkolera’ yafatanyije na Sheebah, yatangaje ko atari ubwa mbere abonye abakobwa barira kuko bamaze kuba abakobwa batatu.

Avuga ko bwa mbere umukobwa yabonye yarize mu gitaramo yakoze mu mwaka wa 2010 ubwo yari mu Rwanda. Uwa kabiri yarize ubwo yataramiraga mu Bubiligi.
Akomeza avuga ko uyu mukobwa wasutse amarira ubwo yari mu gitaramo ‘Intsinzi Concert’ byamukoze ku mutima bimutera kwibaza uwo ari we bituma ashima Imana byimazeyo.

Yagize ati “Naragiye ndamuganiriza twari dufite ahantu twari tugiye mu gitaramo twaganiriye umwanya muto nahavuye atangiye kumera neza.”
Akomeza avuga ko iyo umufana we asuka amaria kubera we bimurenga agaha Imana icyubahiro akibaza icyo ari cyo.

Ati “Biragoye gusobanura uko ibintu nka biriya umuntu abyitwaramo, iyo ngize amahirwe nkabimenya gusa mpita mpa Imana icyubahiro kurushaho nkabona ko ntacyo ndi cyo kuba umwana w’umuntu ashobora kunkunda bene ako kageni. Nshimira Imana mu mutima nkamwegera.”

Ibirori bya "Kwita Izina Gala Dinner" bizaririmbwamo na The Ben biteganyijwe kubera mu nyubako ya Kigali Convention Centre, mu ijoro ryo ku wa 26 Kanama 2017, kwinjira ku muntu umwe byashyizwe kuri $120, mu gihe abazasohokana ari 10 bazishyura $1000.

Igitaramo cya mbere ni icyo gukusanya inkunga izafasha mu kubungabunga Ingagi n’icyo Kwita Izina.

REBA VIDEWO:

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umwana wa Beyonce na Jay Z yatewe ubwoba n’amashusho ya nyina ari kubyina...

Umwana wa Beyonce na Jay Z witwa Blue Ivy w’imyaka 6 yatunguwe n’amashusho...
21 June 2018 Yasuwe: 1711 0

Umuhanzi Christina Aguilera yifotoje yambaye ubusa hejuru mu rwego rwo...

Umuhanzi uzwi cyane Christina Aguilera uzwi cyane mu njyana ya pop yifotoje...
21 June 2018 Yasuwe: 780 0

Sat-B mu buryohe bw’urukundo n’umukobwa bakundanaga nyuma akaza kumukatira mu...

Umuririmbyi w’umurundi Sat B kuri ubu ari muburyohe bw’urukundo n’umukobwa...
21 June 2018 Yasuwe: 1613 0

Zari yitabajwe mu marushanwa yo gutora Nyampinga wa Uganda ’Miss Uganda...

Zarinah Hassan ukunze kwiyita Zari The Boss Lady yashyizwe mubagize akanama...
21 June 2018 Yasuwe: 1032 0

Umunyamidelikazi w’umunyarwanda yatunguranye yiyambika ubusa nk’uko yavutse...

Isimbi Sylivine ni umukobwa w’umunyarwandakazi ukunze kwigaragagaza...
21 June 2018 Yasuwe: 2940 2

ShaddyBoo umwe mu babyeyi bo mu Rwanda bakomeje kuvugisha abagabo batari...

ShaddyBoo nyuma yo gutandukana na Meddy Saleh akomeje kubuza abagabo...
20 June 2018 Yasuwe: 4267 0