Tom Close n’umugore we ntibazongera kubyara

Imyidagaduro   Yanditswe na: Martin Munezero 7 November 2019 Yasuwe: 3809

Dr Muyombo Thomas (Tom Close), yamaze gutangaza ko we n’umugore we Tricia batiteguye kuzabyara undi mwana nyuma y’uwo bari kwitegura kwibaruka umwana wabo wa gatatu akaba uwa kane ushyizeho na Ellai biyemeje kurera.



Uyu muhanzi Tom Close ni umwe mu bahanzi bakunzwe cyane mu gihugu mu gihe kingana hafi imyaka 10 amaze akora umuziki. Avuga ko abikesha indirimbo ze zitandukanye yagiye akora ziganjemo iz’urukundo yakoze ubwo yari umunyeshuri muri Kaminuza y’u Rwanda kugeza ubu .

Tom Close yashakanye na Niyonshuti Tricia muri 2013, kuri ubu bakaba ari ababyeyi b’abana batatu aribo Ella na Ellan babyaye na Ellai biyemeje kurera nyuma y’aho umubyeyi we amutaye ari uruhinja, we afite imezi atandatu, bakaba barimo kwitegura undi mwana wa kane nk’uko Tricia amaze iminsi abitangaza ku mbuga nkoranyambaga ze.

Ibi yabitangarije mu Kiganiro Isango na Muzika kuri radio Isango Star, ubwo Tom Close yabazwaga icyo atekereza ku myumvire y’abakirisitu bizera ko ‘abantu bakwiye kubyara bakuzura Isi nk’umusenyi wo ku nyanjya maze avuga ko atari ko abyemera.

Yagize ati” Njyewe nemera ko umuntu akwiriye kubyara, akabyara anafite mu mutwe we ko agomba kugira izindi nshingano kuko na none kutubahiriza inshingano ufite nabyo ni nk’icyaha imbere y’Imana. Niba ubyaye umwana hari ibyo umugomba kugira ngo azavemo umugabo cyangwa umugore Imana yashatse ko uwo umuntu aba we. Abana baca mu maboko yacu kugira ngo tubagire icyo Imana ishaka ko bazaba cyo, icyo gihe rero iyo udakoze inshingano zawe hari aho ubutari kubahiriza icyo Imana yaguhereye rwa rubyaro.”

Tom Close yakuze yumva ko mu nzozi ze azarera umwana udafite ababyeyi akumubera aho batari, avuga ko ibyo yabigezeho ubwo we n’umugore we bafataga icyemezo cyo gufata Ellai, ubu akaba yarahise yuzuza umubare w’abana uyu mugabo adashobora kurenza uko byagenda kose.

Ati” Njyewe ni ku bana bane, ubu mfite batatu, uwa kane nawe ndamutegereje ni abo ngabo natekereje. N’ubwo abo bane naba mbafite ntihaze umutwara [uwo arera] umwe agapfa, ntabwo nakongera ngo mbwire umugore ngo ngomba kongera kugusubiza mu miruho yo kongera gutwita ngo tugire abana bane.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


  • chat_bubble mazina

    Ibintu bidushimisha kurusha ibindi Imana yaduhaye,ni Ubukwe no Kubyara.Byombi ni IMPANO y’Imana. Gusa tugomba kwibuka ko Imana ishaka ko Umugore n’Umugabo "baba umubiri umwe" nkuko Intangiriro 2,umurongo wa 24 havuga.Ikibabaje nuko ababyubahiriza ari bake.Benshi bacana inyuma,bararwana,baricana,ndetse bagatandukana.Amadini amwe avuga ngo Imana yemera Polygamy (gutunga abagore benshi).Ntabwo aribyo kubera ko bitera ibibazo mu ngo kandi Yesu yadusabye gushaka umugore umwe. Kubera ko abantu bananiye Imana kuva na kera,yashyizeho umunsi wa nyuma kugirango izakure mu isi abakora ibyo itubuza bose.Izasigaza gusa abantu bayumvira nkuko Imigani 2 imirongo ya 21 na 22 havuga.

    3 months ago

Inzindi nkuru

REB yavuze ku manota ya Miss Rwanda Naomie inahishura uko yagiye hanze...

Ikigo cy’Igihugu gishinzwe Uburezi (REB) kiravuga ko nta ruhare cyagize mu...
26 February 2020 Yasuwe: 4663 0

Miss Rwanda 2020 yatangaje icyatumye atsindwa cyane ibizamini bya Leta n’uko...

Nyampinga w’u Rwanda 2020,Nishimwe Naomie, wabaye iciro ry’imigani ku mbuga...
25 February 2020 Yasuwe: 14369 5

Ibihangange muri cinema Nyarwanda byishimiwe bikomeye muri St Aloys...

Kuri iki cyumweru taliki 23 Gashyantare 2020 mugikorwa cyiswe Rwanda movie...
25 February 2020 Yasuwe: 2159 0

Young Grace yabatirishije umwana we akoresha ibirori[AMAFOTO]

Umuraperikazi Abayizera Grace uzwi nka Young Grace, yabatirishije umwana we...
25 February 2020 Yasuwe: 4427 1

Papa wa Diamond yatunguranye avuga uburyo Tanasha atari umugore uberanye...

Naseeb Abdul [Diamond Platnumz]umwe mubahanzi bakunzwe cyane mugihugu cya...
25 February 2020 Yasuwe: 4188 0

Amanota Miss Rwanda Naomie yagize mu kizamini cya Leta gisoza amashuri...

Nishimwe Naomie wambitswe ikamba rya Miss Rwanda 2020 yatangaje benshi...
25 February 2020 Yasuwe: 6252 1