Ubu buhamya bwa Mwiseneza wagiye kwiyamamaza muri Miss Rwanda aturutse mu cyaro cya kure nta mafaranga yo gutega afite akagenda urugendo rwa kilometero 10 yambaye sandari bwakoze benshi ku mutima[AMAFOTO]

Imyidagaduro   Yanditswe na: Martin Munezero 28 December 2018 Yasuwe: 3350

MWISENEZA Josiane avuga ko yavuye mu rugo nta mafaranga ahagije y’urugendo afite ndetse kubera kugenda n’amaguru yaje gusitara acika ibisebe ariko ntiyacika intege, gusa ngo ni urugendo rwamugoye cyane.

Irushanwa ryo gutora nyampinga w’u Rwanda 2019 ryatangiye ku wa 6 tariki 15/12/2018, hakaba haratangiye igikorwa cyo guhitamo abazahagararira intara zose zigize igihugu.

Byahereye mu karere ka Musanze aho hatoranyijwe abakobwa 5 bazahagararira Amajyaruguru, bukeye bwaho tariki ya 16 Ukuboza 2018 Rubavu niyo yari yatoranyijwe nk’ahabera umuhango wo guhitamo abazahagararira intara y’Uburengerazuba aribwo MWISENEZA Josiane yatunguye benshi nyuma yo guhinguka ahaberaga irushanwa n’amaguru abandi bari muri za V8 n’andi mamodoka ahenze.

Uyu Josiane mu kiganiro yahaye igihe yavuze ko mu by’ukuri yagiye mu irushanwa rya Miss Rwanda nta bushobozi afite ariko akirengera icyemezo n’umugambi yari yarihaye.

Josiane yagize ati:”naturutse irubengera ngomba kurara ku nyundo bwacya ngakomeza,nari mfite ibihumbi 6 gusa kandi 2500 byagombaga kunjyana bikangeza ku nyundo ahandi nkahagenda n’amaguru, nageze ku nyundo mva mu modoka niyemeza kugenda n’amaguru ari naho naje gusitara ncika igisebe kuko nari nambaye inkweto za sandari gusa ariko kubera intego nari nihaye sinacitse intege”.

Josiane yakomeje agira ati:”Nari naniwe cyane kandi nta kundi nari kubigenza ariko kubera intego nari nihaye byanze bikunze narakomeje kugeza ngeze aho irushanwa ryagombaga kubera, nakomeje kurwana urugamba ngize amahirwe ndanatsinda”.

MWISENEZA akomeza avuga ko nta yindi myenda yari yitwaje yo guhinduranya bitewe n’ubukene.

Yagize ati:”Kubibajije impamvu ikanzu itukura ariyo nakomeje kwambara mu gihe yenda abandi bahinduranyije imyambaro ni uko ari nta yindi myenda nari nitwaje kubera ubukene, nyine nge nakomeje kwambara nk’umuntu waturutse mu cyaro, ni bwa bunyacyaro bwange kuba narakomeje kwambara iriya kanzu”.

Josiane asoza avuga ko afitiye gahunda nyinshi kandi nziza azageza ku rubyiruko nirumugirira icyizere.

Igikorwa cyo gutora Nyampinga w’u Rwanda gishingiye ku nkingi 2 aho harebwa ubwiza, umuco n’ubwenge, ni igikorwa kandi gifite amateka anyuranye kuko uwa mbere yatowe mu 1992 igikorwa kigenda nabi ku buryo uyu atigeze amenyekana.

Ku itariki ya 17 Ukuboza 1993 nibwo hatowe uwitwa Uwera Delila ufatwa nka Nyampinga wa mbere w’u Rwanda, kugeza ubu icyi gikorwa kikaba kimaze kwitabirwa kuva 1993 aho yabaye Uwera Delila.

Mu mwaka wa 2009 yabaye Bahati Grace naho mu myaka ya 2012-2013 yabaye Kayibanda Mutesi Aurore, mu mwaka wa 2014 aba AKIWACU Colombe ,2015 Kundwa Doriane, 2016 Mutesi Jolly, 2017 Elsa IRADUKUNDA na Liliane IRADUKUNDA wabaye miss Rwanda 2018 hakaba hari gushakishwa uzaba Miss Rwanda 2019.

Mwiseneza Josiane yatoranyijwe mu bagomba guhagararira intara y’Uburengerazuba

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abakobwa bahataniye ikamba rya Miss Rwanda bahawe ikizamini cyo kubazwa ku...

Mbere y’uko umukobwa wa 3 asezererwa,abakobwa 18 basigaye mu irushanwa rya...
22 January 2019 Yasuwe: 1169 0

Umwe mu bari bagize akanama kirukanye Joally muri Miss Rwanda yavuze ko ari...

Uko bwije n’uko bukeye hamenyekana umukobwa usezererwa mu irushanwa rya Miss...
22 January 2019 Yasuwe: 3204 0

Chris Brown yatawe muri yombi azira gufata ku ngufu umukobwa

Umuhanzi Chris Brown n’abarinzi be batawe muri yombi ubwo bari mu mujyi wa...
22 January 2019 Yasuwe: 1281 1

Hari ababona Mwiseneza Josiane adakwiye kuba Nyampinga w’u Rwanda[AMAFOTO]

Mu gihe hasigaye iminsi ibarirwa ku ntoki ngo hamenyekane Nyampinga w’u...
22 January 2019 Yasuwe: 5474 23

Hatangajwe akazi Tupac ukiri muzima ahugiyemo muri iyi minsi

Umuraperi Tupac Shakur wavuzwe ko yishwe mu mwaka wa 1996 ubwo yari avuye...
22 January 2019 Yasuwe: 3765 0

Anita Pendo yavuze amagambo akomeye kuri Mwiseneza Josiane harimo no kuba...

Umunyamakuru w’ umushyushyarugamba Anita Pendo yavuze ko ubwamamare bwa...
22 January 2019 Yasuwe: 4007 2