addresiya
startimes

Uburyo Joally yasezerewemo muri Miss Rwanda imvura iri kugwa ntibyishimiwe na benshi bishobora no kuba ngo byamutera ihahamuka[AMAFOTO]

Imyidagaduro   Yanditswe na: Martin Munezero 21 January 2019 Yasuwe: 8002

Nyuma y’uko hatangajwe ko Higiro Joally ariwe ubimburiye abandi bakobwa batanu bagomba gusohoka mu irushanwa rya Miss Rwanda 2019, benshi mu bakunzi b’iri rushanwa banenze iki cyemezo cyo kwirukanwa uburyo cyakozwemo ndetse n’igihe cyakorewe.



Abakobwa 20 baturutse mu Ntara zitandukanye z’Igihugu bitabiriye irushanwa rya Miss Rwanda 2019, bari bahurijwe hamwe mu mwiherero (Boot Camp)ukomeje kubera i Nyamata, aho bigishirizwa byinshi bijyanye n’indanga gaciro z’umuco Nyarwanda ndetse n’andi masomo atandukanye abafasha mu buzima bwabo bwa buri munsi.

Amakuru yavugaga ko muri aba bakobwa 20, hazavamo 5 bagomba gutaha, hagasigara 15 bazahatana ku munsi wanyuma kugeza havuyemo umwe ugomba kubahagararira akambikwa ikamba rya Nyampinga w’u Rwanda 2019, abandi bamuje hafi bakamubera ibisonga nk’uko bisanzwe.

Mu ijoro ryo kuri iki Cyumweru taliki 20 Mutarama 2019, nibwo hafunzwe igikorwa cyo gutora hifashishijwe uburyo bwa SMS ya Telefone, ari nako umukobwa wambere yagombaga gusezererwa.

Ku ikubitiro Higiro Joally wari umwe mu bahagarariye Intara y’Uburasirazuba urangwa n’umubare nimero 15, niwe waherekejwe na bagenzi be asubira i wabo, ibi bibabaza benshi babonye uburyo yasezerewe ndetse naho amasaha yari ageze.

Umwe mubatashimishijwe n’uburyo uyu mukobwa yasezerewe yagize Ati” Biragayitse, ni igisebo kandi ntibihwitse na gato ku bategura Miss Rwanda kwitwikira ijoro imvura igwa bakirukana mu nkambi umwana w’umukobwa udashoboye gukomeza. N’umukozi wo mu rugo ntakirukanwa nijoro. Kuki Miss usezerewe adacyurwa ku manywa?”

Uretse kuba benshi bagarutse ku kibazo cyo kwirukana n’ijoro usezerewe mu irushanwa,hari na bemeze ko uburyo bakoresha bamusezerera bushobora gutuma agira ikibazo cy’ihungabana ry’igihe kirekire.

Umwe muribo yagize ati”Ikindi n’uko buriya buryo bwo kwirukana bushobora gutuma uwirukanwe ahahamuka Kumukura mu bandi kariya kageni biragayitse.Ngira ngo mwabonye ko hari abana basigaye barira. Nta vangura rirenze ibi bintu.Muhagarike guhahamura abana”.

Benshi mu batanyuzwe n’ibyabaye ku mugoroba wo kuri iki Cyumweru Taliki ya 20 Mutarama 2019, ubwo Higiro Joally yasezererwaga n’ijoro ndetse bikaba ngombwa ko ahita anataha iwabo, bifuje ko igihe cyo gusezerera ugomba gutaha gihindurwa,kugira umukobwa utashye azajye agera iwabo hakiri kare.

Biteganyijwe ko guhera kuwa Kane w’Iki Cyumweru, hazajya hataha umukobwa buri munsi, kugeza hasigayemo ba 15 bazahurira Finali izaba 26 Mutarama 2019 habe Grand Finale muri Intare Conference Arena i Rusororo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble kamanka

    Muge mureka imiteto ariko kwirukana umuntu kandi barabisobanuriwe ko buri munsi bazajya bazeserera umuntu. Yakagombye kuba yiteguye buri umwe wese naho gusezererwa nugusezererwa ikipe iviriyemo kuri penaliti irataha uko byamera kose

    January 2019
  • chat_bubble John

    Aba bantu bategura miss Rwanda rwose bagenda barushaho kudutera impungenge! Biteye isoni n’agahinda gufata bariya bana muri buriya buryo!!

    January 2019
  • chat_bubble Maître

    It is not fair kwirukana abatsinzwe badahawe umwanya wo kubyakira, no gusezera bagenzi babo. Niba ariko irushanwa ryateguwe harebwa uburyo bwo gusezera abatakomeje mu buryo bwa kimuntu not kumwirukana nkuko nabibonye last night. Ashobora kurara agataha mu gitondo adakuwe mu bandi muri buriya buryo

    Thanks

    January 2019

Inzindi nkuru

Kemi yarahiriye kwandagaza umuhanzi Davido kubera inabi yamugiriye

Umunyamakuru ku byerekeye ubuzima witwa Kemi Olinloyo yiyemeje kwandagaza...
31 May 2020 Yasuwe: 604 0

Taylor Swift yibasiye Donald Trump avuga uburyo ari rutwitsi bitewe...

Umuhanzikazi uri mu byamamare ku isi, Taylor Swift avuga ko ibyo Perezida...
30 May 2020 Yasuwe: 2959 0

Diamond na Tanasha bandikiye ibaruwa uwigize Papa w’umwana wabo

Umuhanzikazi Tanasha Donna n’umuhanzi Diamond Platnumz bandikiye ibaruwa...
30 May 2020 Yasuwe: 1928 0

Miss Muyago umukunzi wa Kimenyi Yves yavuze ku Nda bivugwa ko atwite atera...

Hashize iminsi ku mbuga nkoranyambaga no muri bimwe mu binyamakuru...
30 May 2020 Yasuwe: 3195 0

Reba umunyarwandakazi ibinyamakuru byo muri Tanzania bivuga ko ari mu...

Ibinyamakuru byo muri Tanzania byifashishije ifoto y’umunyarwandakazi...
30 May 2020 Yasuwe: 8332 3

Impamvu Yemi Alade yavuze ko akunda abasore yamenyekanye

Ku wa 27 Gicurasi 2017 umuririmbyikazi wo muri Nigeria uzwi nka Yemi Alade...
30 May 2020 Yasuwe: 2370 0