addresiya
startimes

Ubutumwa bw’akababaro Princess Priscillah yageneye Producer Junior waciwe akaboko k’ibumoso bwakoze abantu benshi ku mutima

Imyidagaduro   Yanditswe na: Martin Munezero 5 April 2019 Yasuwe: 4375

Junior Multisystem wamamaye mu Rwanda mu gutanganya amajwi y’indirimbo zabahanzi bakomeye ndetse nabamwe mu bahanzi ba Uganda harimo nka Ragga Dee, yakoze muri studio zitandukanye hano mu Rwanda nka Unlimited Records, Touch Records, Round Music, kuri ubu akaba yari amaze igihe gito atangiye gukorera muri studio ya Oda Paccy yitwa Empire Records.



Umuhanzikazi Princess Priscillah usigaye akorera umuziki muri Leta Zunze Ubumwe za Amerika yavuze ku gahinda yatewe na Producer Junior Multisystem wakoze impanuka bikamuviramo gucibwa ukuboko.

Mu butumwa yacishije ku rukuta rwe rwa Instagram, yavuze ko yahuye bwa mbere n’uyu musore mu 2011, ko ari umuntu ukunda guseka cyane.

Akomeza avuga ubu adashobora kwiyumvisha uburyo uyu musore ari kwiyumva gusa yemeza n’ubwo bimeze bityo nibura yishimiye ko Junior agihumeka uw’abazima.

Yifashishije ifoto ya Junior yanditse ati “Sinshobora kuvuga uko umerewe ubu […] gusa igishimishije ni uko ugihumeka umwuka w’abazima ndetse ndanabishimira Imana, ibisigaye niyo izabigufashamo kuko impano ufite yo iri muri wowe.”

Yakomeje avuga ko umutima wose yawushyize kuri Junior ndetse anabwira abamukurikira ko bakwiriye kwita kuri buri wese badatoranyije.

Ati “Mureke dukore ibyiza, mureke tureke guhugira ku bantu ba hafi bacu gusa mu gihe hari ibintu bitunguranye bibi bibayeho. Sengera Junior, unasengere undi muntu uwo ariwe wese uzi uri kubabazwa n’umubiri muri aka kanya. Kwirakwiza urukundo.”

Yasabye Imana gukomeza imitima yashenguwe n’agahinda. Asoza agira ati“Junior Multisystem ndagukunda, Imana iguhe imbaraga n’ubufasha bwose ukeneye.”

Ben Kayiranga ari mu batanze ibitekerezo kuri ubu butumwa bwa Princess Priscillah avuga atagize amahirwe yo gukorana nawe ariko asaba Imana ko yamufasha.

Ati “Nta mahirwe nagize yo gukorana nawe ariko ndamwihanganishije ku bw’ububabare ari guhura nabwo, Imana imube hafi ibumworohereze.”

Tariki 30 Werurwe 2019 nibwo imodoka yo mu bwoko bwa Rav4 yagonze Junior agenda n’amaguru mu gace ka Remera mu Mujyi wa Kigali. Yakomeretse mu buryo bukomeye by’umwihariko ukuboko kwe kurangirika cyane.

Yahise ajyanwa mu bitaro bya Kaminuza bya Kigali [CHUK] yitabwaho n’abaganga.

Ku gicamunsi cyo kuri uyu wa Gatatu nibwo hasakajwe inkuru y’uko uyu musore agiye gucibwa ukuboko,

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble mazina

    Ni inkuru ibabaje cyane ku muntu wali akili muto.Gusa nk’umukristu,ndamusaba "gukomera" agashaka Imana cyane,abanje kwiga neza Bible kugirango amenye neza icyo Imana isaba abantu.Bible izamuhindura akore ubushake bw’Imana,hanyuma izamukize ubumuga nkuko Yesaya 35:5,6 havuga.
    Ibyo bizaba nyuma y’umunsi w’imperuka,ubwo isi izahinduka paradizo,igaturwamo n’abantu bumvira Imana gusa nkuko Imigani 2:21,22 havuga.Nicyo mwifuriza.

    April 2019

Inzindi nkuru

Kemi yarahiriye kwandagaza umuhanzi Davido kubera inabi yamugiriye

Umunyamakuru ku byerekeye ubuzima witwa Kemi Olinloyo yiyemeje kwandagaza...
31 May 2020 Yasuwe: 573 0

Taylor Swift yibasiye Donald Trump avuga uburyo ari rutwitsi bitewe...

Umuhanzikazi uri mu byamamare ku isi, Taylor Swift avuga ko ibyo Perezida...
30 May 2020 Yasuwe: 2939 0

Diamond na Tanasha bandikiye ibaruwa uwigize Papa w’umwana wabo

Umuhanzikazi Tanasha Donna n’umuhanzi Diamond Platnumz bandikiye ibaruwa...
30 May 2020 Yasuwe: 1917 0

Miss Muyago umukunzi wa Kimenyi Yves yavuze ku Nda bivugwa ko atwite atera...

Hashize iminsi ku mbuga nkoranyambaga no muri bimwe mu binyamakuru...
30 May 2020 Yasuwe: 3178 0

Reba umunyarwandakazi ibinyamakuru byo muri Tanzania bivuga ko ari mu...

Ibinyamakuru byo muri Tanzania byifashishije ifoto y’umunyarwandakazi...
30 May 2020 Yasuwe: 8318 3

Impamvu Yemi Alade yavuze ko akunda abasore yamenyekanye

Ku wa 27 Gicurasi 2017 umuririmbyikazi wo muri Nigeria uzwi nka Yemi Alade...
30 May 2020 Yasuwe: 2369 0