Ubutwari bw’abana b’i Nyange banze kuvuga ubwoko bwabo ni urugero rw’uko “Ndi umunyarwanda” ishoboka

Imyidagaduro   Yanditswe na: Muhire Jason 9 April 2018 Yasuwe: 996

Abana bigaga ku ishuri ryisumbuye ry’i Nyange banze kuvuga ubwoko bwabo igihe bari batewe n’abacengezi tariki 18/3/1997, ahubwo bagahamya ko ari “Abanyarwanda” bigaragaza ko Abanyarwanda bashobora kugaruka ku isano ibahuza y’Ubunyarwanda.

Uwamahoro Prisca umwe mu banyeshuri bigaga i Nyange, ubwo abacengezi bateraga icyo kigo bakahica abana bagera kuri 6 abandi bagakomereka; avuga ko abo bacengezi basabye abanyeshuri kwitandukanya bashingiye ku moko, ariko abana ntibabakundira bababwira ko ari Abanyarwanda.

Ngo n’ubwo hari nyuma y’imyaka 3 gusa Jenoside yakorewe Abatutsi ibaye, hariho ibikomere byinshi by’ayo mateka, uburere n’urukundo abanyeshuri bari baratojwe n’abarimu ba bo ndetse n’ubuyobozi bwa FPR-Inkotanyi bwari bumaze gufata ubutegetsi, ntibigeze bashaka kwitandukanya ahubwo baharaniye kuba umwe no gushyira hamwe ngo batabarane.
Uwamahoro atanga urugero rw’umwana wari ufite se ufungiye icyaha cya Jenoside, akaba yarabashije kumenya umwe mu bacengezi bari bateye ishuri ryabo, akaba yarasabye abacengezi kubabarira ntababice. Abacengezi bamusabye kubereka Abatutsi ngo aribo bica gusa, ariko umwana arabahakanira ababwira ko bose ari “Abanyarwanda”.

Ngo aba bana kandi bagaragaje ubumwe, ubwo umwe muri bo yagiraga impungenge z’uko abiga mu yandi mashuri batamenye ibyabaye; maze asaba bagenzi be gusohoka mu ishuri biruka bataka kugira ngo abandi babimenye nabo bahunge. Uko akaba byagenze, maze mu gusohoka biruka abacengezi babateramo gerenadi, yahitanye wawundi watanze icyo gitekerezo ariko harokoka benshi.

Uru rugero rw’aba bana banze kwitandukanya bose bakibasirwa n’umwanzi, batazi ko bizabaviramo kwitwa “Intwari z’Imena”, Uwamahoro asanga rukwiye kubera isomo Abanyarwanda, bakamenya ko Ubunyarwanda ariyo sano nkuru bafitanye.

Uwamahoro Prisca, umwe mu banyeshuri bigaga i Nyange akaba ari Intwari y’Imena.

Ati “icyo nasaba Abanyarwanda ni ukubaka ubumwe bakirinda gutatira igihango cy’Ubunyarwanda”.
Uwamahoro arabasaba kubaka icyo gihango ku buryo bazagera ku bipimo bamwe mu baturage bavuga ko bizabereke ko “Ndi umunyarwanda” yabacengeyemo, aribyo gushyingirana hatitawe ku moko no gutanga amakuru ku bapfuye muri Jenoside ariko kugeza ubu imiryango yabo ikaba itaramenya aho baguye.

Ishuri ryisumbuye ry’i Nyange riri mu cyahoze ari Kivumu muri perefegitura ya Kibuye ubu akaba ari mu karere ka Ngororero.

Imva y’imwe mu Mena zishyinguye i Nyange.

Buri tariki ya mbere Gashyantare, u Rwanda rwibuka intwari zaharaniye inyungu z’u Rwanda n’Ubunyarwanda kurusha inyungu zabo bwite, cyangwa iz’abantu bamwe. Intwari z’u Rwanda zirimo ibyiciro bitatu: Imanzi, Imena n’Ingenzi.

Zimwe mu ntwari z’u Rwanda harimo Maj. Gen. Gisa Fred Rwigema, Umwami Mutara Rudahigwa, Agathe Uwiringiyimana, Felicite Niyitegeka, Michel Rwagasana n’abana bigaga mu ishuri ryisumbuye ry’i Nyange mu mwaka w’1997.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ibyo Federasiyo ivuga ni ubujiji ngo bahagarike agasobanuye’Rocky...

Mu minsi ishize nibwo Federation ya Sinema mu Rwanda yashyize hanze...
17 August 2018 Yasuwe: 1320 0

Ifoto ya Rihanna ari kumwe n’umuhanzi w’umuraperi atambaye yavugshije imbaga...

Umuhanzikazi Rihanna ukunzwe n’abatari bake hirya no hino ku Isi bitewe...
17 August 2018 Yasuwe: 2927 0

Umugore wa Riderman yamubwiye amagambo adasanzwe yuzuyemo amarangamutima

Agasaro Farid Nadia na Gatsinzi Emery bamaze imyaka 3 basezeranye kubana...
17 August 2018 Yasuwe: 1362 0

Umuhanzikazi w’ ikirangirire bahimbaga ‘umwamikazi wa Roho’ yitabye...

Umuhanzikazi w’ icyamamare mu njyana zo guhimbaza Imana wamenyekanye cyane...
16 August 2018 Yasuwe: 2266 0

Uburanga bwa Shaddy Boo bwavugishije Amag The Black amutera Imitoma...

Amag The Black yumvikanye mu ndirimbo avuga uburyo Shaddy Boo ari umuti...
16 August 2018 Yasuwe: 3798 0

’Sesiliya yari umukecuru ugira isuku’ Sibomana ukina URUNANA yitwa Patrick [...

Sibomana Emmanuel umunyamakuru akaba n’ umukinnyi mu ikinamico urunana...
16 August 2018 Yasuwe: 2770 1