Ubuzima busharira kuri Meddy nyuma y’uko Ise na Nyina batandukanye

Imyidagaduro   Yanditswe na: Iyamuremye Janvier 9 September 2017 Yasuwe: 11500

Umuririmbyi Meddy avuga ko Imana ari igitangaza mu buzima bwa buri wese; ngo yibaza uburyo afite inganzo ikomeye mu ndirimbo z’urukundo nyamara atarigeze agira amahirwe yo kurubona ku babyeyi bombi.

Ibi yabigarutseho mu kiganiro yahaye RBA, yumvikanye mu ijwi rituje ryacishijwe bugufi n’agahinda yakuranye kuva akira umwana kugeza akuze.Ngo yabayeho mu buzima bugoye bwuzuye kwishakishakira no gukora icyatuma umuryango avukamo uzamuka byose bitewe n’uko Ise yashwanye na Nyina.

Yagize ati “ …..Ibyo nicuza mu by’ukuri si ibyo nakoze, si navuga ko ari ukwicuza ahubwo navuga ko n’ibintu mbona nako nabuze mu buzima kubera icyo kintu cyo kutagira ababyeyi bombi hamwe cyo kutababonera icya rimwe.”

Yakomeje avuga ko bitangaje kubona aririmba indirimbo z’urukundo nkaho nawe yaruhawe, ati “Biranatangaje kubona ndirimba indirimbo z’urukundo nkaho wenda nabibonye ku babyeyi banjye ariko navuga ko hari benshi wenda nk’umusore nagiye niga mu buzima bukomeye nari kubyiga mu buzima bworoheje iyo ngira ababyeyi bombi.”

Meddy avuga ko yabaye mu buzima bwuzuye kwishakishiriza.

Uyu muhanzi avuga ko atahamya neza ko hari icyabuze Ise adahari kuko na Nyina yakoze ibishoboka kugirango yite ku bana yari asigiwe. Ati “Eeeh oya kuko sinavuga ko nabayeho ubuzima bubi kuko Mama yagerageje gukora ibishoboka byose kugirango tunyurwe n’ibyo turimo ariko aho biva bikagera hari icyuho, ubibona kenshi iyo ukuze nko mu mikorere mu myumvire no mu mikurire.”

Meddy avuga ko gukura atabona Ise umubyara byatumye abaho mu buzima bugoye cyane ndetse ngo n’icyuho cye mu rugo yacyibonye amaze gukura aho byasabyaga kwihigira buri kimwe cyose.

Meddy aherutse gukorera igitaramo mu busitani bwa Golden Tulip Hotel mu Mujyi wa Nyamata, yaririmbiye abafana 7,700 ndetse kwinjira itike yagurishwaga amafaranga 15000.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Knowless n’umugabo we bifurije isabukuru y’amavuko umukobwa wabo

Kuwa gatatu tariki ya 22 Ugushyingo 2017 nibwo umwana w’umukobwa Butera...
23 November 2017 Yasuwe: 1528 0

The Ben yasabye abanyarwanda gushyigikira Habiba uhatanye muri Miss...

Umuririmbyi Mugisha Benjamin [The Ben] yasabye abanyarwanda gushyigikira...
23 November 2017 Yasuwe: 698 0

Humble arerekeza muri USA, yavuze amazina y’umwana agiye kubyarana...

Umuririmbyi Manzi James wamamaye nka Humble Jizzo usigaye mu itsinda rya...
22 November 2017 Yasuwe: 1766 0

Jay Polly uri mu myiteguro y’ubukwe, yavuze icyo yakundiye mama w’abana...

Umuraperi Tuyishime Joshua wamamaye nka Jay Polly mu muzika nyarwanda,...
22 November 2017 Yasuwe: 2272 0

Itariki y’ubukwe bwa Miss Sandrine n’umukunzi bamaranye imyaka...

Ikirezi Sandrine wambaye ikamba rya Nyampinga wa kaminuza ya CBE [yahoze...
22 November 2017 Yasuwe: 2089 0

Miss Elsa yashimye umuhindekazi bari bahatanye wabaye nyampinga...

Nyampinga w’u Rwanda 2017 Iradukunda Elsa w’imyaka 19 y’amavuko yashimye...
22 November 2017 Yasuwe: 954 0