Umuhanzikazi w’ ikirangirire bahimbaga ‘umwamikazi wa Roho’ yitabye Imana

Imyidagaduro   Yanditswe na: Nsanzimana Ernest 16 August 2018 Yasuwe: 2663

Umuhanzikazi w’ icyamamare mu njyana zo guhimbaza Imana wamenyekanye cyane mu ndirimbo yise ‘ I Say a Little prayer’ ‘Ndasenga isengesho rigufi’ yitabye Imana kuri uyu wa 16 Kanama 2018 afite imyaka 76.

Aretha Franklin bahimbaga ‘Queen of Soul’ yazize indwara ya kanseri yari amaze igihe arwaye dore ko hari hashize amezi agera ku 8 atagaragara mu ruhame.

Nyakwigendera yitabye Imana nyuma y’ uko mu kwezi kwa 3 n’ ukwa 4 uyu mwaka yasubitse ibitaramo yagombaga gukora muri ayo mezi.

Aretha igitaramo cya nyuma yagaragayemo ni Elton John AIDS Foundation party cyari cyabereye mu mujyi wa New York mu Ugushyingo umwaka ushize.

Mu gitaramo cya nyuma yakoze byari ukwihagaraho kuko yavugaga ko afite umwuma n’ umunaniro.

Uyu mukecuru yari arwaye kanseri y’ urwagashya nubwo yari yarigeze kubihakanira itangazamakuru yageze aho yemera ko bamubaze urwagashya.

Mu minsi ishize humvikanye amakuru y’ uko yapfuye ariko biragira byumvikanye ko agitera akuka. Umuryango wasabye inshuti kumusabira ku mana.

Mu butumwa abakunzi be bashyize kuri You Tube ku ndirimbo ‘Say a Little’ hari uwagize ati ‘ Ndakuvugira isengesho’.


Iyi foto ya nyakwigendera yafotowe tariki 28 Nyakanga 1970

Nyakwigendera yari umukobwa Minisitiri Franklin yavukiye Memphis, Tennessee muri Amerika mu 1942. Yatangiriye kuririmba mu rusengero rwa se, yabyaye abana bane.

Yatangiye kuririmba by’ umwuga afite imyaka 18 y’ amavuko.

Indirimbo ze zakunzwe cyane harimo ‘Respect’ na ‘I Say a Little Prayer’.

Asize ishusho itazibagirana. Yatsindiye igihembo cya Grammy Awards inshuro 18, yagurishije amakopi y’ indirimbo arenga miliyoni 75.

Rolling Stone magazine cyatangaje inkuru ivuga ko Aretha Franklin ariwe muhanzi w’ ibihe byose ku isi kimwita ‘impano yaturutse ku Mana’

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bikindi wamenyekaniye mu ndirimbo zikangurira Abahutu kwanga no kurimbura...

Bikindi Simeon wamenyekanye mu ndirimbo zashishikarizaga abahutu kwanga no...
16 December 2018 Yasuwe: 1973 0

Bobi Wine ari guhigwa bukware na Polisi ya Uganda aho yamaze no kugota...

Kuva mu ijoro ryo kuri uyu wa Gatandatu tariki 15 Ukuboza 2018, Polisi ya...
16 December 2018 Yasuwe: 2220 0

Jeanette Kagame yanenze imyitwarire ya bamwe mu bahanzi nyarwanda,agaragaza...

Madamu Jeannette Kagame kuri uyu wa Gatandatu tariki 15 Ukuboza 2018...
16 December 2018 Yasuwe: 2384 0

Abafashije FDLR kugaba igitera batangiye kumenyekana [Video]

Umuturage wo mu Karere ka Rubavu afunzwe akurikiranyweho gukorana...
14 December 2018 Yasuwe: 5463 0

Habura ibyumweri 2 ngo Meddy ajye gutaramira i Bujumbura hari abatangiye...

Mu gihugu cy’Uburundi aho Meddy agiye gutaramira hari igice cy’abantu...
14 December 2018 Yasuwe: 1981 5

Umugabo uherutse gushyingiranwa n’abagore 2 yabuze amafaranga yo kubajyana...

Tom Junior ukomoka muri Kenya uherutse gushyingiranwa n’abagore 2 arimo...
14 December 2018 Yasuwe: 1642 0