skol
startimes

Umuhanzikazi wo muri Uganda Jackie Chandiru bwa mbere yahishuye uburyo yagerageje kwiyahura inshuro 4 zose

Imyidagaduro   Yanditswe na: Martin Munezero 11 August 2020 Yasuwe: 1625

Umuhanzikazi ukomoka mu gihugu cya Uganda, Jackie Chandiru uzwi ku izina rya Umwamikazi wa Nili (The Queen of the Nile), ku nshuro ya mbere yatangaje ko yagerageje kwiyahura inshuro enye zose kubera urugamba yari arimo, ariko kugerageza byose birananirana.


Mu kiganiro na Jalang’o, Chandiru yavuze ko ubuzima bwamusunitse mu mfuruka kandi igisubizo kiboneka ari ukwiyahura, kugira ngo yirinde imibabaro yose yari arimo, ariko ku bw’amahirwe ni uko Imana yari ifite umugambi utandukanye kuri we.

Jackie Chandiru aganira na Jalas yabivuze agira ati:

Mu byukuri nishwe nk’inshuro enye; nta nubwo mbizi kuko icyo gihe nari mu bitaro. Narimo kugerageza gucika burundu kubyanyoretse (Rehab), hanyuma umuntu akaza akavuga ati nabonye ikintu kuri YouTube nka ‘RIP Jackie Chandiru tuzagukumbura’. Internet yanyishe inshuro enye kandi nagerageje kwiyahura inshuro enye.

Igihe kinini niciwe kuri enterineti nari nkiri i Rehab. Nari maze kuruha Jalas. Nari ndambiwe ibihuha, ndambiwe inkuru… Nzi neza ko wabonye amashusho yanjye, sinitaga ku buzima, uko nasaga, kandi sinifuzaga gukomeza kubaho ukundi. Nizeraga ko narushaho kuba mwiza napfuye. Kandi na mbere yibi bigeragezo byose nasenze Imana, nagiraga nti, nzi ko kwiyahura bitemewe ariko sinshobora kubaho ukundi. Nari ndimo ndohama cyane mu kwiheba.

Mu myaka mike ishize, amafoto ya Chandiru ubona asa n’uwananutse cyane yagaragaye kuri interineti nyuma yo kugenzurwa muri rehab ku nshuro ya kabiri kugirango bagerageze no kumufasha gutsinda ibiyobyabwenge. Yasobanuye ko yari yarabaswe n’ikiyobyabwenge gitangwa na muganga bita Pethidine yakoreshaga mu bubabare bw’umugongo, ko atari kokayine cyangwa heroine nkuko benshi babivugaga.

Ingeso

Nta muntu ubyuka mu gitondo ngo avuge ko ashaka kubatwa n’ibiyobyabwenge, ntabwo ari amahitamo. Ariko ibyanjye byatangiye nk’ikibazo cy’ubuzima. Nubwo naburiwe mbere ku byerekeye ibiyobyabwenge byihariye. Nabwiwe ko ari umuti umuntu aba imbata yawo cyane ariko ni ugabanya ububabare, ariko kubera ko nagize imvune sinashoboraga kubyemeza neza, nagombaga kujya kubagwa kandi byari amahirwe ya 50/50 ko nzabitsinda.

Nibwo rero igihe natangiraga kuri kiriya kiyobyabwenge, byabaye nk’inzira ngufi kuri njye, ububabare bwari bwinshi… Nagize igitero kibi cyambabaje umugongo. Nari rero kuri Pethidine igihe kinini, nahoraga nyimfata ibi. Iterwa nk’urushinge kandi nakundaga kuyitera ubwanjye kandi mu gihe nari maze kubatwa, nakundaga kwitera inshinge inshuro 20 ku munsi. Iyi ni yo mpamvu mfite izi nkovu zose mu ntoki… ku buryo izi nkuru zose ko nafataga ibiyobyabwenge ari ibinyoma – ibi bikaba byavuzwe na Madamu Chandiru.

Gushyingirwa

Ku bwa Jackie Chandiru, ngo ibiyobyabwenge byamutwaye umugabo we. Icyo gihe, igihe yari yarashakanye na n’umuherwe wa mbere Van Vliet. Umubano wabo wamaze imyaka itatu gusa.

Umuhanzikazi Jackie Chandiru ari kumwe na Daniel Weke
Kugaruka muri muzika

Jackie ati: “Ntabwo yakunze ibyambayeho, mu byukuri byangije ishyingiranwa ryanjye. Ariko nyuma yaho nongeye kugarurira ubuyanja, yari ahari 500% niyo mpamvu navuze mu ntangiriro ko yari atangaje “.

Jackie yanasobanuye neza ko atari we nyirabayazana yo gutandukana kw’itsinda ry’umuziki ‘Blue-3” yari arimo icyo gihe.

Kugeza ubu, uyu muhanzikazi aracyari muri Kenya nyuma yo gukira neza ingaruka z’ikiyobyabwenge cya Pethidine cyangije ubuzima bwe. Yagarutse kandi mu bucuruzi bwa muzika kandi afite indirimbo yiswe “The One” afatanyije na Arrow Bwoy.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba uburanga bw’abakobwa 20 bagiye guhatanira Miliyoni z’amanyarwanda zigera...

Abategura irushanwa ry’ubwiza rya Miss Africa Calabar bamaze gutangaza...
1 December 2020 Yasuwe: 2172 0

Mukarujanga yagaragaye yambaye umwambaro wa Bikini ateza ururondogoro mu...

Hari hashize igihe gisatira amezi 9 abantu batemerewe kuba bajya kogera mu...
1 December 2020 Yasuwe: 4705 0

Uwahoze ari umugore wa Jay Polly yagaragaje umusore bivugwa ko ari we...

Uwimbabazi Sharifa wari umaze imyaka isaga 5 ari umugore w’umuhanzi...
30 November 2020 Yasuwe: 6956 0

Yolo yashimangiye ko ari we mukobwa ushobora kuba afite imiterere y’umubiri...

Umunyarwandakazi Yolo The Queen wamamaye cyane kubera amafoto atandukanye...
27 November 2020 Yasuwe: 12332 2

Miss Rwanda Nishimwe Naomie yashyize hanze amafoto y’umusore bivugwa ko ari...

Miss Naomie Nishimwe wegukanye ikamba rya Miss Rwanda 2020 yerekanye...
27 November 2020 Yasuwe: 8625 0

Halima amaze kwamamara cyane kubera gutsimbarara ku myizerere ye mu bikorwa...

Halima Aden akomeje gutungura benshi kubera gutsimbarara ku myizerere ye mu...
27 November 2020 Yasuwe: 3800 0