Umujyanama wa Miss Mwiseneza Josiane yavuze uburyo atagikeneye abafana[AMAFOTO]

Imyidagaduro   Yanditswe na: Martin Munezero 31 May 2019 Yasuwe: 2998

Umujyanama wa Miss Josiane witwa Sunday Justin yavuze ko uyu mukobwa wegukanye ikamba rya Nyampinga wakunzwe cyane n’abantu, nta bafana agikeneye kugira ngo ashyire mu bikorwa gahunda z’umushinga we wo kurwanya igwingira ry’abana.

Uyu musore yavuze ko Mwiseneza agira inama atigeze ahwema gushyira muri gahunda ibyerekeranye n’umushinga we nk’uko benshi bamaze igihe babivugaho, kuko we yatangiye gushakisha abatera nkunga n’abafanyabikorwa muri uyu mushinga.

Ati “Nk’ubu urugero twabonye uzadufasha gushyira mu bikorwa, dusinya amasezerano nawe, ni ibintu bisaba ibiganiro, ingengo y’imari no kubyigaho ari nabyo tumaze iminsi turimo.”

Yakomeje avuga ko kandi Josiane afite ibindi bikorwa bitandukanye ahugiyemo nko kwitabira ibitaramo bifasha urubyiruko kwidagadura no kuzamura impano.

Abafana ba Josiane bamaze iminsi binubira kubona gahunda ze mu itangazamakuru mbere y’uko we azibamenyesha nk’uko byari bisanzwe. Umujyanama we Sunday Justin avuga ko kurakara kw’abafana ntacyo bimaze kuko n’ubundi uyu nyampinga atabakeneye muri iki gihe.

Ati “Nababwira ko ubu tuvugana ntabwo nkeka ko Josiane akeneye abafana cyane. Akeneye abantu bamugira inama yo gushyira mu bikorwa umushinga we, bamwumva, bamutera inkunga z’ubwoko bwose, ariko ‘fanatisme’ yararangiye.”

Mu kiganiro uyu musore yagiranye na Isimbi TV, yagaragaje ko atacyemera ko hakiriho abafana ba Josiane, kuko ibyabo byarangiye amaze akimara kwambikwa ikamba.

Yakomeje avuga ko niba hari umwuka mubi, uri hagati mu bakunzi ba Josiane ko utari mu bafana.

Ati “Ahubwo hari abantu babaye abafana, batamenye igihe cy’impinduka yo kuva ku bufana ukajya ku mukunzi, umujyanama no gushyigikira, n’ubu baracyiyita abafana.”

Sunday avuga ko abafite amatsinda yo ku mbuga nkoranyambaga y’abafana bakwiye kuyahagarika ibyo gufana ahubwo bakamwegera bagakorana nk’abafatanyabikorwa.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umuraperi wo muri Uganda ’Navio’ yakoreye ubukwe muri Suède n’umukunzi...

Daniel Lubwama Kigozi umuraperi ukomeye cyane muri Uganda uzwi ku izina rya...
20 July 2019 Yasuwe: 1044 0

Zari yashyingiranye n’umukunzi we mu buryo bw’ibanga anahishura impamvu...

Zari Hassan,Umunyamideri wo mu gihugu cya Uganda, wahoze ari umugore...
20 July 2019 Yasuwe: 3443 0

Umukobwa uri guhatanira ikamba rya Miss England yanze kwambara Bikini...

Umwongerezakazi Aysha Khan w’imyaka 2 uri guhatana mu marushanwa ya Miss...
20 July 2019 Yasuwe: 3395 1

Weasel Manizo yasibye amafoto yose yashyize kuri Instagram ye ari kumwe na...

Amakuru aturuka muri Uganda aravuga ko umuhanzi Weasel Manizo na Sandra...
19 July 2019 Yasuwe: 4322 0

Beyonce yatunguranye avuga uburyo umugabo we Jay Z akomoka mu...

Shawn Corey Carter, Umuraperi w’umunyabigwi mu muziki wa Amerika ndetse no...
19 July 2019 Yasuwe: 7942 0

Abakoresheje Face App porogaramu ibahindura abasaza baburiwe ingaruka...

Bamwe mu bantu bakoresheje porogaramu y’Abarusiya yaciye ibintu ku mbuga...
18 July 2019 Yasuwe: 7309 0