Miss Dorcas Kasinde umukobwa wo muri Repubulika Iharanira Demokarasi ya Congo yegukanye ikamba rya Miss Africa ryaberaga ahitwa Calabar muri Nigeria atsinze abandi bakobwa bo mu bihugu 25 by’uyu mugabane barimo na Irebe Natacha Ursule wari waserukiye u Rwanda.

Sponsored Ad

Ibi birori byabereye ahitwa Calabar International Conference Centre , Miss Dorcas Kasinde wari uhagarariye Repubulika Iharanira Demokarasi ya Congo yahawe ikamba akurikirwa n’Umunya-Nigeria witwa Chimamaka Goodness Nnaemeka wagizwe igisonga cya mbere ndetse n’umunya-Zambia, Gladys Kayumba wabaye igisonga cya kabiri. Abandi bakobwa bari baje mu myanya itanu ni Harrietta Alpha wo muri Sierra Leone na Dela Yawo Seade wo muri Ghana. Ghana.

Ni ijoro ritahiriye umunyarwandakazi Irebe Natacha Ursule cyane ko atabashije no kugera muri batanu ba mbere mu gihe Muthoni Fiona Naringwa wari uhagarariye u Rwanda umwaka ushize wa 2017 we yabaye igisonga cya mbere cya Miss Africa Calabar 2017. Ico gihe ikamba ryegukanywe n’umukobwa ukomoka muri Bostwana witwa Base Balopi.

Abakobwa batanu ba mbere

Miss Dorcas Kasinde wari uhagarariye Repubulika Iharanira Demokarasi ya Congo watsindiye iri kamba rya Miss Africa 2018 yahise ahembwa amadorali 35,000 $ n’imodoka nshya yo mu bwoko bwa SUV.

Irebe Natacha umunyarwandakazi wari uhagarariye u Rwanda muri aya marushanwa

Tiwa Savage niwe wari watumiwe nk’umuhanzi ugomba gususurutsa abari bitabiriye uyu muhango