Umukufi Diamond yagaragaye yambaye mu gitaramo watumye bamwe bamutuka

Imyidagaduro   Yanditswe na: Muhire Jason 25 July 2018 Yasuwe: 2967

Diamond nyuma yo kugaragara yambaye umukufi ku kuguru bamwe mu bafana be kuri instagram bamututse bamubwira ko ari umutinganyi ndetse ko yagumana iyo ngeso ntayisakaze mu rubyiruko rumukunda muri Tanzania.

Ibi bije nyuma yaho uyu muhanzi amaze iminsi muri Leta Zunze Ubumwe za Amerika akora ibitaramo muri leta zitandukanye, yasaga n’uwabonye agahenge nyuma y’ibibazo yagize byakurikiranye no gutandukana kwe na Zari bigakubitana n’uko yahise yubura umubano na Hamisa Mobeto.

Mu bitutsi n’amagambo y’uburakari abafana babwiye Diamond Platnumz, harimo abamwise umutinganyi banamusaba ko yagumana iyo ngeso ntayisakaze mu rubyiruko rumukunda muri Tanzania.

Ibi byose, byazamuwe n’umukufi yagiye mu gitaramo yambaye ku kuguru kw’ibumoso, ibisanzwe bimenyerewe cyane ku bakobwa muri iki gihe. Uyu mukufi ndetse n’amaherena Diamond afite ku mazuru no ku matwi, biri mu byashingiweho n’abamwibasiye bamwita umutinganyi.

Mu kiganiro yagiranye na Global Publishers, Diamond ufite indirimbo yitwa ‘African Beauty’ ikunzwe cyane muri iki gihe yavuze ko yatunguwe cyane no kubona hari abamufashe nk’umutinganyi ‘ushaka kwanduza urubyiruko muri Tanzania’ nyamara ngo na we uyu muco awanga urunuka.

Yagize ati “Nawambaye[uwo mukufi] nk’uko nsanzwe nambara imikufi yindi cyangwa amashene. Nabonye ari ubwiza nk’uko biba bimeze ku yindi mirimbo ku buryo ntigeze ntekereza ko byahinduka ikibazo gikomeye nk’uko byagenze.”

Diamond yongeyeho ko atatunguwe cyane n’ibyamuvuzweho kuko akenshi biba byacuzwe na bamwe mu banzi be bagamije kumushyira hasi no kumuca intege gusa ngo nta na kimwe yakoze agambiriye kuyobya urubyiruko nk’uko babimushinje.

Yavuze ko abantu benshi b’ibyamamare bakunze gushinjwa ubutinganyi atari uko babukora, ahubwo ko bisakazwa n’abantu baba bagamije inabi gusa. Yatanze urugero ku kirangirire Michael Jackson wabivuzweho kenshi ndetse na Ronaldo[ubu ukinira Juventus yo mu Butaliyani] na we ubivugwaho.

Uwo mukufi yambaye ku kaguru niwe wateje impagararaga ku mbuga nkoranyambaga.

Yagize ati “Umuntu nka nyakwigendera Michael Jackson yahujwe cyane n’ubutinganyi ariko nta muntu n’umwe wigeze agaragaza ibimenyetso, icyo bashingiragaho gusa ni uko yihinduje uruhu. Ntabwo ari ikintu gishya ku byamamare kumva bavuga ngo runaka ni umutinganyi. Ibyo ahanini usanga byarakozwe n’umwanzi wawe.”

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyamakuru Phil Peter yasubije Mutoni wo muri Seburikoko wavuze ko...

Nyuma yuko umunyamakuru Phil Peter ashyize hanze ikiganiro yagiranye...
20 February 2019 Yasuwe: 2556 1

Reba imiterere idasanzwe y’umukobwa uri guhabwa amahirwe yo kwegukana ikamba...

Even Shandie kuri ubu niwe mukobwa uri guhabwa amahirwe yo kuzegukana...
20 February 2019 Yasuwe: 6758 1

Bwa mbere Zari yerekanye umusore mushya yasimbuje Diamond ari nawe wamuhaye...

Zari Hassan umugore w’umunyamafaranga wahoze akundana n’icyamamare Diamond...
20 February 2019 Yasuwe: 5745 0

Akarere ka Rwamagana kasubitse ubukangurambaga bwa Mwiseneza Josiane ku...

Ubuyobozi bw’akarere ka Rwamagana, bwamenyesheje Mwiseneza Josiane...
20 February 2019 Yasuwe: 6392 8

Dj Marnaud yavuze ku Butinganyi avugwaho[AMAFOTO]

DJ Marnaud ubusanzwe witwa Mugisha Gatera Arnaud, Umusore w’imyaka 23 ukora...
20 February 2019 Yasuwe: 1418 0

Teta Sandra yeruye agira icyo avuga ku nda y’umwana wa 37 bivugwa ko...

Teta Sandra yavuze ku nda bivugwa ko yatewe na Weasel ko ari ibihuha ndetse...
19 February 2019 Yasuwe: 4788 0