skol
startimes

Umunyamakurukazi wa KC2 yambitswe impeta n’umuhanzi w’indirimbo zo kuramya no guhimbaza Imana

Imyidagaduro   Yanditswe na: Martin Munezero 18 July 2020 Yasuwe: 3694

Umuhanzi wa Gospel René Patrick yateye indi ntambwe yashimishishe abatari bacye mu bakunzi b’indirimbo zo kuramya no guhimbaza Imana, nyuma yo gufata icyemezo cy’abagabo akambika impeta y’urukundo umukunzi we, umunyamakurukazi Tracy Agasaro wa KC2.


Iki gikorwa cyabaye mu ijoro ryo kuri uyu wa Gatanu tariki 17 Nyakanga 2020, René Patrick usanzwe ari umucuranzi akaba n’umuririmbyi ukomeye, yari yicaye imbere ya Piano hagati y’amatara ashashe hasi mu ishusho y’umutima inyuma hari handitse amagambo ari mu cyongereza, ugenekereje mu Kinyarwanda avuga ngo ’Reka isi imenye ko ngukunda’.

Agasaro utari uzi ibyari bimuteganyirijwe yinjiye mu cyumba René Patrick yari arimo, atungurwa n’ibyo ahasanze.

Agasaro nawe wari wambaye imyenda y’umukara hasi no hejuru, yabonye uburyo ahantu yinjiye hateguwe mu buryo budasanzwe, abantu bose bamuhanze amaso ndetse na Rene Patrick arimo kuririmba, ahita asuka amarira y’ibyishimo.

Byamusabye kwikomeza maze atera intambwe asanga René Patrick aho yari yicaye arimo kumuririmbira urwo amukunda mu ijwi n’amagambo y’urukundo aryoheye ugutwi n’umutima. Bahoberanye bamara umwanya munini, umusore amwambika impeta y’urukundo.

Agasaro yabwiye ’YEGO’ umukunzi we René Patrick nk’ikimenyetso cy’uko amwemereye kuzamubera umugore.

Babinyujije ku mbuga nkoranyambaga bakoresha baganiriye byimbitse, Umusore agira ati “Reka Isi imenye ko Imana yampaye umugisha hamwe n’umwe mu bakobwa bayo ikunda. Ndagukunda Tracy Agasaro”.

Ryari ijoro ry’ibyishimo kuri aba bombi bagerageje guhisha urukundo rwabo mu itangazamakuru ndetse kugeza ku munota wa nyuma byari ibanga rikomeye.

René Patrick ni umwe mu bahanzi b’indirimbo zo kuramya no guhimbaza Imana bakomeye ndetse bakunzwe, uyu azwi cyane mu ndirimbo nka; Arankunda, Ni byiza n’izindi zinyuranye.

Amusubiza Agasaro yagize ati “Nabwiye YEGO urukundo rw’ubuzima bwanjye”. Arangije ashyiraho ifoto yambaye impeta, munsi yayo arandika ati “Urakoze Mana”.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Reba amafoto y’ibyamamarekazi nyarwanda yabiciye bigacika kuri Instagram...

Muri iki cyumweru turimo gusoza, ibyamamarekazi nyarwanda batandukanye...
26 September 2020 Yasuwe: 2957 0

Mu Kinyarwanda kirimo imyandikire igoramye,Sunny yifatiye ku gahanga abantu...

Umuhanzikazi Ingabire Dolcas Sunligth wamamaye nka Sunny, umwe...
26 September 2020 Yasuwe: 2888 0

Alikiba yibasiye Diamond na Harmonize

Umuyobozi mukuru wa Kings Music Records Ali Saleh Kiba uzwi ku izina rya...
25 September 2020 Yasuwe: 1358 0

Indirimbo Abana b’Afurika ya Kayitare Wayitare Dembe igiye gusubirwamo mu...

Umuhanzi nyarwanda Kayitare Wayitare Dembe wamamaye mu ndirimbo yakunzwe...
25 September 2020 Yasuwe: 493 0

Miss Mutesi Jolly yibasiwe bikomeye kubera ubutumwa yahaye abangavu

Mutesi Jolly wabaye Nyampinga w’u Rwanda mu 2016, yibasiwe bikomeye nyuma yo...
25 September 2020 Yasuwe: 2350 0

Umubyeyi w’abana 2 yadusangije ubuhamya bw’ibyamubayeho byatumye atura Imana...

Umubyeyi w’abana babiri witwa Umugwaneza Devotha yagejeje ubuhamya bwe ku...
24 September 2020 Yasuwe: 2812 1