Umunyarwandakazi Neza n’umuhanzi ukomeye muri Nigeria bateraniye imitoma ku karubanda

Imyidagaduro   Yanditswe na: Martin Munezero 17 June 2019 Yasuwe: 2097

Neza Patricia Masozera umwe mu bahanzi b’abanyempano bakomoka mu Rwanda, yateranye imitoma n’umukunzi we Skales wakunzwe mu ndirimbo ‘Fire Waist’ yahuriyemo n’umuhanzi. Bombi bamaze umwaka bakundana byeruye.

Skales na Neza baheruka i Kigali mu gitaramouruganda rukora ibinyobwa bisembuye n’ibidasembuye rwa Bralirwa Plc rwamurikiyemo inzoga ya ‘Mutzig Class’ ku mugoroba wo ku wa Gatanu tariki 24 Gicurasi 2019.

Skales yaririmbye muri iki gitaramo akoresha ingufu nyinshi ashimagiza ubwiza bw’abanyarwandakazi byamusunikiye guhitamo Neza adasiba guhoza mu ntekerezo ze.

Mu ijoro ry’uyu wa Gatandatu tariki 15 Kamena 2019, Neza yashyize amashusho ku rubuga rwa instagram amugaragaza aryamenye ku bibero by’umukunzi we Skales. Muri aya mashusho atamara igihe kinini bombi baba baganira bagaragaza akamunyeza ku rugendo rushya batangiye.

Neza yanditse avuga ko umukunzi we Skales [Akoresha youngskales kuri instagram] yahawe izina rishya Ego [Ni indirimbo nshya uyu muhanzi yasohoye]. Yarengejeho ko Skales ari ‘umubyeyi’ ubundi araseka.

Nyuma yo kwandika ubu butumwa, Skales yahise yandika munsi yaho avuga ati “Ndagukunda! Umufana wanjye wa mbere dusangira buri kimwe’. Mu kumusubiza, Neza yagize ati “Uri nimero ya mbere kuri njye. Ndagukunda nanjye.”

Inkuru y’urukundo rw’aba bombi yabanje kugirwa ibanga rikomeye ndetse mu 2018 byavuzwe ko bakundana buri wese aryumaho.

Mu kwizihizaga isabukuru y’umwana umwe bamaze bakundana, Neza yanditse avuga imyato umukunzi we Skales ashimangira ko azamukunda kugeza ku mwuka wa nyuma azahumeka.

Icyo gihe Neza kuya 06 Gicurasi 2019 yanditse avuga ko umwaka ushize bakundana bize amasomo kandi ko ashima kuba yaramukunze urutagabanyije akarusho aba umufana we mukuru.

Ati “Ndagufite ubuzima bwanjye bwose mukunzi. Nta kintu na kimwe nshobora kuguhisha. Ikirenze kuri ibyo ukora imirimo ihambaye kugira ngo utume nishime. Ngaho reka twishimire uyu munsi kuko ari uwacu.”

Mu gusubiza, Raoul John Njeng-Njeng uzwi nka Skales yashimye Neza wihanganiye amafuti ye bagakomeza gukundana kugeza n’ubu.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umuraperi Fireman mu rubyiruko 1,678 rwasoje amasomo rwari rumazemo umwaka...

Umuraperi Uwimana Francis uzwi nka Fireman, wagiye yiyita Godson,...
20 September 2019 Yasuwe: 418 0

Ndimbati waciye ibintu kubera kwambara ingutiya y’abagore yahishuye ko hari...

Ni nyuma y’iminsi mike Umukinnyi wa Filime nyarwanda , Ndimbati agaragaye...
20 September 2019 Yasuwe: 2263 1

Reba ingamba Wema Sepetu na Hamisa Mobeto bafashe nyuma yo gutandukana na...

Abakobwa babiri Hamisa Mobeto na Wema Sepetu bakomoka muri Tanzania,...
20 September 2019 Yasuwe: 2504 0

Ali Kiba yavuze ku bivugwa ko urugo rwe rugeze aharindimuka nyuma y’umwaka...

Umuhanzi ukundwa na benshi muri Tanzania,Ali kiba yatangaje ko we n’umufasha...
20 September 2019 Yasuwe: 1722 0

Rwabuze gica hagati ya Bruce Melodie na Sunny bapfa indirimbo...

Mu minsi ishize nibwo umuhanzikazi Sunny yashyize ahagaragara avuga ukuntu...
19 September 2019 Yasuwe: 4434 1

Zari Hassan yarakariye abafana be bashyize hanze ifoto y’umukunzi we amaze...

Icyamamare ku mbuga nkoranyambaga Zarinah Tlale uzwi nka Zari Hassan...
19 September 2019 Yasuwe: 6918 0