Umunyarwandakazi Nishimwe Naomie yashyizwe ku rutonde rw’abakobwa 3 b’uburanga buhebuje bashobora kuzatungurana muri Miss World 2020

Imyidagaduro   Yanditswe na: Martin Munezero 7 March 2020 Yasuwe: 21823

Nishimwe Naomie umaze ibyumweru bibiri yegukanye ikamba rya Miss Rwanda 2020, niwe mukobwa uzahagararira u Rwanda mu irushanwa rya Miss World 2020 rizaba ribaye ku nshuro ya 70.



Kuva uyu mukobwa yakwegukana iri Kamba, nta gikorwa na kimwe aratangira gukora cyerekeranye n’umushinga we, uretse kugirana ibiganiro n’itangazamakuru.

Kugeza ubu igihugu kizaberamo irushanwa ry’ubwiza rya Miss World 2020, ntikiramenyekana gusa bishoboka kuba rizajya muri Thailand aho ryari kubera umwaka ushize nyuma rigakurwayo, rigasubizwa aho rikomoka mu Bwongereza.

Mu gihe haba atari Thailand iryakiriye, , ikindi gishoboka ni uko iri rushanwa ryajyanwa muri Amerika y’Amajyepfo. Ikindi kitaramenyekana ni igihe rizabera, gusa ufatiye ku ngero zisanzwe, birashoboka ko ari hagati y’Ugushyingo n’Ukuboza.



Nubwo ibyo byose bitaramenyekana, ntibibuza ko ibihugu bitandukanye bikomeje gutora ba Nyampinga babyo bazabihagararira ndetse hakaba n’abakomeza kuraguza umutwe no gutanga amahirwe ku mukobwa uzatahana ikamba rya 70 rya Miss World.

Urubuga The Miss World Observer rwavuze ko mu mboni zarwo batatungurwa Nyampinga w’Isi wa 2020 avuye hagati ya Carla Yules wa Indonesia, Nishimwe Naomie wo mu Rwanda na Palacios Cornejo wo mu gihugu cya Nicaragua ibarizwa muri Amerika y’Amajyaruguru [Republic of Nicaragua].

Nta bisonanuro byimbitse uru rubuga rwatanze kuri aya mahitamo gusa ugenekereje wabona ko bishoboka ko hagendewe ku bigaragarira amaso.

Ubusanzwe kwegukana ikamba rya Miss world, ubwiza gusa ntibubara ahubwo habara ubwiza bufite intego (Beauty with purpose) byose bigasobanurwa n’icyo umukobwa ufite ikamba ry’igihugu cye aba yaramariye abaturage b’icyo gihugu n’umuryango mugari muri rusange.

Iki ni cyo gice abakobwa bahagarariye u Rwanda bakunze kubonamo imyanya myiza. Mu bindi bitanga amahirwe yo kwegukana ikamba rya Miss World harimo gutsinda ibice bimwe na bimwe by’ingenzi by’irushanwa twavuga nko kwerekana impano, kwerekana imideli, kuba intyoza muri Sports, gukoresha imbuga nkoranyambaga, gushyigikirwa cyane utorwa n’ibindi.

U Rwanda, Indonesia na Nicuargua bihabwa amahirwe yo kwegukana ikamba rya Miss World, muri byo nta gihugu na kimwe kiraryegukanaho.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble dodossi

    Azajyanayo iki se Kandi?

    3 weeks ago

Inzindi nkuru

Covid-19:Umuhanzi Kayitare Wayitare Dembe yagobotse imiryango itatu...

Muri ibi bihe bikomeye u Rwanda rurimo n’Isi muri rusange byo kurwanya...
2 April 2020 Yasuwe: 2267 0

Umuraperi Fireman mu bagomba gufashwa muri ibi bihe bya Covid-19

Umuraperi Fireman avuga ko agowe cyane no kubaho muri ibi bihe abantu...
1 April 2020 Yasuwe: 3109 0

Sadio Mane nawe yavuze ku rukundo rwe n’umunyarwandakazi Kate...

Umunya-Senegal ukinira Liverpool, Sadio Mane, yahakanye ibyo kuba akundana...
1 April 2020 Yasuwe: 5762 0

Muri Wasafi Records ya Diamond byemejwe ko hagezemo icyorezo cya...

Muri Wasafi Records iyobowe n’umuhanzi ukomeye muri Tanzania Diamond...
1 April 2020 Yasuwe: 1580 0

Gael Faye uherutse mu Rwanda agahura n’abayobozi yahishuye ko basanze...

Umuraperi w’umunyarwanda ufite ubwenegihugu bw’u Bufaransa, Gaël Faye,...
1 April 2020 Yasuwe: 5292 0

Tanasha yaba yabonye undi musore nawe w’umuhanzi umuhoza amarira yarijijwe...

Nyuma y’ibyumweru bike bishize umuhanzikazi wo muri Kenya ’Tanasha Donna’...
31 March 2020 Yasuwe: 8616 1